Loading ...
Kryeministri i Kosovës, Albin Kurti mesditën e kësaj të mërkure i është përgjigjur të dërguarit Special të BE-së për dialogun Kosovë-Serbi, Mirosllav Lajçak, i cili gjatë ditës së sotme ka thënë se zyrtarët e Kosovës nuk duhet të frikësohet nga Asociacioni.
Kurti në reagimin e tij është shprehur se Kosova nuk frikësohet nga Asociacioni i Komunave me shumicë serbe, por se Qeveria është e kujdesshme.
“Kosova nuk frikësohet, por Kosova me Qeverinë e përgjegjshme është e kujdesshme. Ne ju shërbejmë qytetarëve të Republikës dhe mbrojmë interesat e vendit tonë. Interes i shtetit tonë të pavarur i Republikës sonë demokratike e sovrane, është integriteti territorial, është funksionaliteti shtetëror, është kushtetutshmëria dhe ligjshmëria”, ka thënë Kurti.
LEXO EDHE: Lajçak, këshilla lidershipit të Kosovës: S’ka asnjë arsye për tu frikësuar nga procesi me Serbinë
Ndër të tjera kreu i qeverisë së Kosovës ka theksuar se ata janë të gatshëm për dialog, i cili do të përfundojë me njohje reciproke.
“Ne kemi dhënë propozimet tona në Bruksel, dhe jemi konstruktiv për bisedimet e ardhshme të dialogut, me ç’rast parimi i reciprocitetit është parim i shëndosh. Marrëveshja duhet të arrihet, nuk bëjmë dialog për dialog, Marrëveshja për normalizim të plotë duhet ta ketë në qendër njohjen reciprok”, shtoi ai.
Këtp komente kryeministri Kurti i ka bërë sot gjatë vizitës në Agjencinë e Shërbimeve të Navigacionit Ajror të Kosovës./abcnews.al
