Loading ...
40 milionë euro rrezikon të humbasi Kosova nga fondet e Planit të Rritjes së Bashkimit Europian për vendet e Ballkanit Perendimor në këtë raund. Është Komisioni Europian që ka konfirmuar se po vlerëson raportin e Prishtinës për zbatimin e reformave, ndërsa vendimi për disbursimin e fondeve pritet të merret pas përfundimit të këtij procesi.
Më 15 korrik 2026 përfundoi afati për shtetet e Ballkanit Perëndimor, përfshirë Kosovën, për dorëzimin e raporteve mbi zbatimin e reformave të parashikuara në periudhën e katërt të raportimit, ndërsa afati për zbatimin e tyre ishte 30 qershori 2026, datë që shënoi edhe përfundimin e periudhës shtesë (“grace period”) për hapat që duhej të ishin realizuar që nga mesi i vitit 2025.
40 milionë euro të konsideruara të humbura vijnë si rrjedhoj e mosrealizimit të gjashtë reformave kyçe që përfshijnë:
ligjet për energjinë;
ligjin për ndihmën shtetërore;
ligjin për inovacionin dhe ndërmarrje;
legjislacionin për falimentimin dhe ligjin për kamatëvonesat;
paketën prej gjashtë ligjeve në fushën e drejtësisë dhe Strategjinë për Luftimin e Krimit të Organizuar.
Ato u bllokuan të gjitha si pasojë e ciklit të zgjatur zgjedhor dhe krizes institucionale.
Ligjet duhet të votoheshin në parlament ndërsa strategjia për Luftimin e Krimit të Organizuar nuk mund të miratohej nga një qeveri në detyrë. Deri më tani, Kosova ka përfituar vetëm 62 milionë euro si parafinancim, që përbëjnë 7 për qind të shumës totale, ndërsa pjesa tjetër e fondeve mbetet e kushtëzuar me zbatimin e reformave. Paketa e Bashkimit Evropian për Ballkanin Perëndimor për periudhën 2024–2027 kap vlerën e 6 miliardë eurove./abcnews.al
