Kryeministri Edi Rama ka shkuar paraditen e së hënës në Ferras të Fierit ku mbi 10 banesa përfunduan nën ujë nga dalja e Vjosës. Mësohet se pas Ferrasit, kryeministri do të vizitojë Novoselën ku po ashtu pati probleme nga dalja e lumit nga shtrati.
Ndërkohë, kryeplaku Zani Hyka është shprehur për mediat shtëpi të përmbytura mund të jenë 12 ndërsa shton se dëmi i bërë është kolosal.
Sipas tij, banorët e rrezikuar u larguan nga banesat me ndihmën e ushtrisë kurse pati edhe nga ata që përfunduan në spital.
“Në zonën e fshatit janë bërë dëme kolosale. Sipas atyre që unë parashikoj, probleme me përmbytjen ka zona që është në krahun e lumit. Si shtëpi mund të jenë 10-12 shtëpi të përmbytura. Ka dhe nga ato që kanë bagëti dhe i kanë marrë masat.” /abcnews.al/
