VIDEO/ Nuhatja nuk i humbet kurrë, Besart Berisha gjen golin e radhës

schedule10:20 - 12 Gusht, 2020

schedule 10:20 - 12 Gusht, 2020

Besart Berisha nuk njeh moshë dhe pak minuta më parë ka gjetur golin e radhës në Australi. 35-vjeçari nga Prishtina, pjesë e Western United prej shtatorit të vitit të kaluar, ka realizuar golin e avantazhit në ndeshjen jashtë fushe kundër Perth Glory.

Bomberi dardan tregoi aftësitë e goleadorit në minutën e 27-të, duke u treguar më i shkathët se portieri vendas dhe duke dërguar në rrjetë një kros nga e djathta. Goli i 17-të në kampionat për të dhe pozicioni i tretë në renditjen e golashënuesve.

Vetëm dy lojtarë kanë shënuar më shumë se ish-sulmuesi i Shqipërisë dhe Kosovës, i cili do të bëjë maksimumin deri në fund për ta fituar këtë garë, teksa është shënuesi më i mirë në historinë e futbollit australian. /abcnews.al