VIDEO | Leicester ka harruar të fitojë, triumf shprese për “Kanarinat”

schedule22:53 - 28 Shkurt, 2020

schedule 22:53 - 28 Shkurt, 2020

Leicester City ka harruar të fitojë në kampionat dhe me këtë ecuri rrezikon kualifikimin në Champions League për sezonin e ardhshëm. “Dhelprat” e Rodgers u mposhtën në fushën e Norwich 1-0 dhe kjo ishte ndeshja e katërt radhazi pa fitore në Premier League.

Miqtë dominuan, por nuk arritën të dërgonin topin në rrjetë. Norwich ia doli të zhbllokonte ndeshjen 20 minuta përpara fundit falë mbrojtësit Lewis. 22-vjeçari lëshoi një diagonale shumë të bukur dhe mposhti danezin Schmeichel.

Fitore shumë e rëndësishme për “Kanarinat” e vendit të fundit, që janë ngjitur në kuotën e 21 pikëve. Zona e shpëtimit është katër pikë larg dhe Norwich shpreson të arrijë të tjera rezultate pozitive për të siguruar qëndrimin në elitë. /abcnews.al

Norwich-Leicester City 1-0
(Lewis 70′)