leicester city

Leicester.png
Igli Nikolli16:26 | 12/03/2020

Koronavirusi nuk po toleron askënd dhe po shtohen futbollistët e infektuar. Leicester City po zhvillon një sezon shumë të mirë dhe renditet në vend të tretë në Premier League.

Kualifikimi në Champions League për sezonin e ardhshëm është shumë afër, por situata në skuadër nuk është aspak e mirë. Trajneri i “Dhelprave”, Brendan Rodgers deklaron në konferencë për shtyp se disa prej djemve të tij mund të jenë prekur nga virusi i frikshëm.

Kemi disa lojtarë që kanë shfaqur simptomat e koronavirusit. Kemi reaguar menjëherë dhe djemtë po mbahen larg pjesës tjetër të skuadrës“, deklaron Brendan Rodgers. /abcnews.al

Norwich.jpg
Igli Nikolli22:53 | 28/02/2020

Leicester City ka harruar të fitojë në kampionat dhe me këtë ecuri rrezikon kualifikimin në Champions League për sezonin e ardhshëm. “Dhelprat” e Rodgers u mposhtën në fushën e Norwich 1-0 dhe kjo ishte ndeshja e katërt radhazi pa fitore në Premier League.

Miqtë dominuan, por nuk arritën të dërgonin topin në rrjetë. Norwich ia doli të zhbllokonte ndeshjen 20 minuta përpara fundit falë mbrojtësit Lewis. 22-vjeçari lëshoi një diagonale shumë të bukur dhe mposhti danezin Schmeichel.

Fitore shumë e rëndësishme për “Kanarinat” e vendit të fundit, që janë ngjitur në kuotën e 21 pikëve. Zona e shpëtimit është katër pikë larg dhe Norwich shpreson të arrijë të tjera rezultate pozitive për të siguruar qëndrimin në elitë. /abcnews.al

Norwich-Leicester City 1-0
(Lewis 70′)

Liverpool1.jpg
Igli Nikolli16:18 | 13/02/2020

Adam Lallana është pjesë e Liverpool prej verës së vitit 2014 dhe fundi i sezonit do ta largojë nga “Anfield”. Kontrata i përfundon me 30 qershor të këtij viti dhe “The Reds” nuk kanë ndërmend të rinovojnë me 31-vjeçarin.

Situata e tij po ndiqet nga Leicester City, aty ku e pret krahëhapur Brendan Rodgers. Trajneri nga Irlanda e Veriut e njeh mirë lojtarin, pasi ka punuar me të gjatë kohës që ishte trajner i Liverpool (2012-2015).

Mesfushori ofensiv do të dalë lojtar i lirë në fund të sezonit dhe Rodgers po tenton ta bindë që të zgjedhë “Dhelprat”. Një opsion shumë i mirë për Lallana, i cili do të ketë mundësinë për të luajtur në Champions League me Leicester City sezonin e ardhshëm. /abcnews.al

 

Lallana dhe Rodgers
Milan-1-e1576937893762.png
Igli Nikolli10:35 | 13/02/2020

Milan dhe Tottenham krijuan një raport pozitiv gjatë merkatos së janarit. Krzysztof Piatek ishte dëshira e anglezëve, por oferta për ta marrë në formë huazimi nuk bindi kuqezinjtë, që e shitën sulmuesin polak te Hertha Berlin për 27 milion euro.

Gjatë këtyre negociatave, Spurs i propozuan dy lojtarë klubit italian: Victor Wanyama dhe Juan Foyth. Pavarësisht se janë futbollistë interesantë, Milani refuzoi blerjen e tyre. I pari aktivizohet në rolin e mesfushorit defensiv dhe sipas italianëve ka një stil loje të ngjashëm me Kessie.

 

Foyth duke festuar një gol me Spurs

 

22-vjeçari Foyth tundoi Maldinin dhe Boban për ta vënë përkrah Romagnolit në qendër të mbrojtjes. Gjithsesi vlera e kartonin prej 20 milion eurosh u cilësua e lartë dhe akordi nuk u arrit për argjentinasin.

Dy klubet do të diskutojnë sërish në verë, atëherë kur pritet të largohet Hakan Calhanoglu. Turku dëshiron të vijojë me ngjyrat kuqezi mbi supe, por duhet të bëjë më shumë deri në fund të sezonit. Leicester City dhe Fenerbahce vazhdojnë ta ndjekin me kujdes dhe janë gat të paraqesin ofertat e tyre në fund të sezonit. /abcnews.al

Rudiger.jpg
Igli Nikolli15:24 | 01/02/2020

Leicester City dhe Chelsea zhvilluan një ndeshje spektakolare, por në fund nuk pati fitues dhe të dy ekipet morën nga një pikë. Pjesa e parë nuk dhuroi gola, pavarësisht se skuadrat krijuan raste. Miqtë pretenduan për një penallti në minutën e 21-të.

Abraham u rrëzua në zonë, por arbitri vendosi të mos akordonte penallti pas shikimit të pamjeve në VAR. 45 minutat e dyta ishin plot emocione dhe djemtë e Lampard kaluan menjëherë në avantazh. Mount krosoi një top nga goditja e këndit dhe Antonio Rudiger goditi saktë me kokë.

“Dhelprat” reaguan dhe gjetën barazimin në minutën e 54-t. Harvey Barnes lëvizi bukur në krahun e majtë, goditi drejt portës dhe u ndihmua edhe nga një devijim. Topi në rrjetë dhe asnjë shans për portierin Caballero.

Leicester e rriti presionin dhe shënoi një tjetër gol dhjetë minuta më vonë. Mbrojtësi Chilwell përfitoi nga një kros i Tielemans dhe kaloi vendasit në avantazh. Festë në stadium, por për të vendosur heshtjen mendoi sërish Rudiger.

Mbrojtësi gjerman (golat e parë për këtë sezon) shfrytëzoi një tjetër kros të Mount në minutën e 71-të dhe mposhti Schmeichel me një goditje shumë të bukur me kokë. Përfundimisht 2-2 dhe Leicester vijon të ruajë vendin e tretë me 49 pikë, ndjekur nga “Blutë e Londrës” me tetë pikë më pak. /abcnews.al

Leicester City – Chelsea 2-2
(Barnes 54′, Chilwell 64′ / Rudiger 46′, 71′)

Marotta-Conte-e1578943863903.jpg
Igli Nikolli18:16 | 30/01/2020

Giuseppe Marotta po mendon t’i bëjë dhuratën e fundit Antobio Contes dhe tifozëve të Interit. CEO i klubit zikaltër synon të përforcojë sulmin e ekipit me Islam Slimanin sipas raportimeve të Corriere dello Sport.

31-vjeçari algjerian është i huazuar te Monaco, ndërkohë që kartonin e tij e zotëron Leicester City. Slimani aktivizohet në majë të sulmit, këtë sezon ka shënuar 7 gola me ekipin nga Principata, ndërkohë që numëron  30 gola të shënuar në 69 ndeshje me kombëtaren e tij.

Interit i duhet të gjejë në një kohë të shkurtër akordin me Monacon dhe “Dhelprat” angleze. Kohë nuk ka shumë, por Marotta po bën maksimumin për të siguruar shërbimet e lojtarit algjerian. /abcnews.al

 

Islam Slimani
Leicester.jpg
Igli Nikolli15:49 | 19/01/2020

Leicester City ka reaguar pas humbjes në shtëpi kundër Southampton dhe ka mbyllur në avantazh pjesën e parë ndaj Burnley. Autori i golit është Harvey Barnes. 22-vjeçari ndërmori një aksion ë bukur nga mesi i fushës dhe gjeti golin.

Realizim i bukur i mesfushorit të majtë që gjen golin e dytë në kampionat. “Dhelprat” kanë hedhur një hap drejt marrjes së tre pikëve që do e barazonin me Manchester Cityn e vendit të dytë. /abcnews.al

Ings-1-1280x783.jpg
Veronik Istrefaj17:54 | 11/01/2020

Southampton është hakmarrë ndaj Leicester City për atë humbje të turpshme 0-9 në fazën e parë, pasi i ka mposhtur “Dhelprat” me rezultatin 1-2 në “King Poëer Stadium”.

Për më tepër, golin e fitores e shënoi një ish-lojtar i Liverpoolit, Danny Ings, duke iu dhënë mundësinë të kuqve të shkëputen edhe më tepër në krye të renditjes.

Chelsea dhe Manchester United kanë fituar me goleada. Blutë e Londrës shkatërruar 3-0 ekipin e Bunrley, ndërsa “Djajtë e Kuq” i shënuan katër gola Norwichit.

Wolverhampton dhe Newcastle janë ndarë në barazim 1-1, ndërsa Everton vazhdon të fitojë me Ancelottin në krye, duke mposhtur 1-0 ekipin e Brighton./abcnews.al

Rashford shënon për United
Iheanacho.jpg
Veronik Istrefaj22:49 | 08/01/2020

Është mbyllur takimi i parë gjysmëfinal i Carabao Cup mes Leicester Cityt dhe Aston Villës. “Dhelprat” nuk arritën të merrnin më shumë se një barazim 1-1 në fushën e tyre, duke e komplikuar kualifikimin në finale në ndeshjen e kthimit.

Edhe pse nuk fituan, të besuarit e Brendan Rodgers vazhdojnë të tregojnë karakter të fortë dhe tani, kanë plot 30 ndeshje pa humbje. Ishin miqtë e Aston Villës ata që shënuan të parët, me anë të mbrojtësit francez, Guilbert.

Për Leicester, barazoi nigeriani Kelechi Iheanacho, i ardhur nga stoli. Ndeshja e kthimit mes dy skuadrave do të luhet pas tri javësh, në “Villa Park”./abcnews.al

Vardy në duel me mbrojtësit e Aston Villës
gunnar-solskjaer-e1577606035124.jpg
Igli Nikolli16:57 | 03/01/2020

Paul Pogba mund të largohet nga Manchester United, ndërsa Ole Gunnar Solskjaer ka gati zëvendësuesin e tij. The Telegraph citon dy të preferuarit e trajnerit norvegjez dhe ata janë James Maddison dhe Jack Grealish.

I pari është 23 vjeç, luan në rolin e mesfushorit ofensiv dhe është një nga pikat kyçe të Leicester City. Maddison ka shënuar 6 gola dhe ka dhuruar 4 asiste këtë sezon, teksa debutoi me kombëtaren angleze në fitoren e thellë kundër Malit të Zi me 14 nëntor.

I dyti është pjesë e Aston Villa dhe luan në rolin e fantazistit dhe sulmuesit të krahut. 24-vjeçari njihet për golat e bukur që shënon, teksa këtë sezon ia ka dalë të dërgojë 6 herë topin në rrjetë dhe numëron 5 asiste. /abcnews.al

 

Maddison dhe Grealish në një dyluftim


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono