Brenda pak orësh në trë aksidente një grua humbi jetën, kurse tre persona të tjerë, dy burra dhe një grua ndodhen në gjendje të rëndë për jetën. Ngjarjet ndodhën në Vlorë, Durrës, Fushë Krujë.
Përplasja e një benzi me makinën e mirëmbajtjes në rrugën Vlorë Levan shkaktoi dy persona të plagosur rëndë.
Ngjarja ndodhi pranë fshatit Panaja dhe sipas policisë, benzi pas përplasjes u përmbys në mes të autostradës.
Drejtuesi Juljan Toska dhe pasagjeri Florian Rrapaj u dërguan me urgjencë në spitalin e Vlorës. Aty mjekët thanë se të dy burrat dhe pse rëndë nuk kanë rrezik për jetën.
Nga të dhënat e para dyshohet se shkak është mungesa e sinjalistikës nga ana e mjetit të mirëmbajtjes. Por pritet ekspertiza zyrtare për zbardhjen e plotë të aksidentit.
Në të njëjtën kohë në rrugën Fushë Krujë -Milot katër makina u përfshinë në aksident rrugor. Nga kjo përplasje një grua u dëmtua rëndë dhe u dërgua në spitalin e traumës në Tiranë. Të tjerë persona u lënduan lehtë. Besohet se parakalimi i gabuar i njërës prej makinave u bë shkak i ngjarjes.
Me heret nje grua humbi jete ne spital pasi u perplas nga nje makine ne rrugen Ura e Dajlani- Shkozet.
Këmbësorja ishte duke kaluar rrugën nga njëra anë në tjetrën, por drejtuesi i mjetit nuk mundi ta shmange goditjen.
Policia shoqëroi në komisariat 49 vjeçarin për sqarimin e plotë të rrethanave./abcnews.al
https://youtu.be/SYO8bSp8I8g
