fushe kruje

aksidenti.jpg
ger ta07:50 | 19/03/2020

Teksa vendi ndodhet në shtetrrethim, një aksident me bilanc tragjik ndodhi mbrëmë, ku humb jetën katër persona. Abcnews.al ka zbardhur identitetin e viktimave: Nazmi Rrahmani 35 vjeç, Flamur Visha 35 vjeç, Arben Koni 33 vjeç, Juljan Mehilaj, 45 vjeç.

Në kryqëzimin e Borizanës në Fushë-Krujë një automjet është përplasur me një kamion. Në vendin e ngjarjes mbetën të vdekur tre persona, ndërsa mbeti i plagsour një tjetër,  i cili humbi jetën pak më vonë.

Siç duket edhe në pamjet e siguruara nga abcnews.al,  makina tip Audi AA 848 ZZ është përplasur me një kamion me targa të Kosovës.

Gazetari i ABC News Ahmet Zani raportoi për abcneës.al se viktimat janë banorë të fshatit Larushk të Fushë-Krujës./abcnews.al

aksidenti-fushw-krujw.jpg
nev ila21:30 | 18/03/2020

Ndërkohë që vendi është në shtet-rrethim për shkak të Koronavirusit, një aksident me përmasa tragjike në njerëz është regjistruar mbrëmjen e sotme.

Në kryqëzimin e Borizanës në Fushë Krujë një automjet është përplasur me një kamion ku si pasojë e përplasjes 3 persona kanë humbur jetën dhe është plagosur rëndë një tjetër.

Në vendin e ngjarjes kanë mbërritur autoambulancat e Laçit dhe të Krujës të cilët kanë marrë 3 personat e pajetë.

Ndërkohë që edhe personi i 4-t i cili mbeti i plagosur rëndë duket nuk i ka shpëtuar dot plagëve të marra për pasojë ka humbur jetën.

Burime për ABC News kanë raportuar se shkak i këtij aksidenti ka qenë shpejtësia e madhe e makinës me të cilën udhëtonin 4 të rinjtë.

Siç duket edhe në pamjet e siguruara nga ABC News,  makina tip Audi AA 848 ZZ është përplasur me një kamion me targa të Kosovës.

Gazetari i ABC News Ahmet Zani raportoi për abcnews.al se viktimat janë banorë të fshatit Larushk të Fushë-Krujës.

Njoftimi i Policisë:

Krujë/Informacion paraprak

Më datë 18.03.2020, rreth orës 20:30, në autostradën Fushë Krujë-Laç, një mjet tip “Audi”, i ka rënë nga mbrapa një kamioni me targa kosove dhe për pasojë, kanë ndërruar jetë  3 shtetas  që udhëtonin në mjetin Audi dhe një tjetër është dërguar në gjendje kritike për jetën në spital.

Grupi hetimor ndodhet në vendngjarje dhe po punon për zbardhjen e shkakut të aksidentit./abcnews.al

arma-e-krimit-1.jpg
nev ila11:31 | 15/03/2020

Mbrëmjen e djeshme një ngjarke e rëndë u regjistrua në Halil të Fushë-Krujës ku xhaxhi ekzekutoi nipin e tij pranë banesës së viktimës.

41 vjeçari Julian Halili mbeti i vdekur në vend pasi u qëllua më armë zjarri nga xhaxhai tij Shkëlqim Halili 59 vjeç.

Autori i dyshuar Shkëlqim Halili, 50 vjeç, pas vrasjes së nipit të tij u largua  nga vendngjarja bashkë me armën e krimit, por u arrestua nga policia rreth 1 orë më vonë.

Ndërkohë policia e shtetit ka njoftuar ditën e sotme se është gjetur arma e zjarrit me të cilën u ekzekutua 41 vjecari gjithashtu edhe një armë tjetër që posedonte autori i krimit.

Njoftimi i Policisë:

Policia gjen dhe sekuestron armën e krimit, pistoletë TT.

Gjendet dhe një armë zjarri tjetër, pushkë, që e posedonte autori i krimit.

Gjetja, pas kontrolleve me njësinë e specializuar të FNSH Tiranë, duke përdorur pajisje speciale metalkërkuese.

Autori, një orë pas ngjarjes, si rezultat i reagimit të shpejtë dhe rrethimit të zonës nga Policia, u vu në pranga.

Shërbimet e Policisë të Komisariatit të Policisë Krujë, ato të DVP Durrës dhe të FNSH Tiranë, menjëherë pas ngjarjes së ndodhur mbrëmjen e djeshme, në fshatin Halil, Krujë, ku shtetasi SH. H., 59 vjeç, për motive të dobëta, vrau me armë zjarri nipin e vet, shtetasin R. H., 41 vjeç, organizuan punën për kapjen e autorit të vrasjes.

Pas një ore rrethimi të zonës dhe vendit ku fshihej, u bë e mundur kapja dhe arrestimi në flagrancë i autorit të ngjarjes, për veprat penale “Vrasja me dashje” dhe “Armëmbajtja pa leje”.

Shërbimet e Policisë kanë vijuar kontrollin gjatë natës dhe paradites së sotme, të gjithë territorit ku dyshohej se autori kishte fshehur armën e zjarrit.

Si rezultat i kontrolleve nga një grup i specializuar i FNSH Tiranë, me pajisje speciale metalkërkuese dhe pas kontrolleve të shumta u bë e mundur gjatja në terren e armës së krimit, pistoletë TT dhe e një pushke gjysmë automatike, të cilat autori i kishte fshehur larg banesës./abcnews.al

polici-vrasje.jpg
eri Ida18:34 | 14/03/2020

Një ngjarje e rëndë ka ndodhur mbrëmjen e kësaj të shtune në Fushë Krujë ku një 41 vjeçar është qëlluar për vdekje nga xhaxhai i tij.

Burime për ABC News bëjnë me dije se viktima është Juljan Halili, i cili është qëlluar në hyrje të banesës e tij nga xhaxhai Shkelqim Halili rreth 50 vjeç.

Ngjarja e rëndë ka ndodhur në fshatin Halil të Fushë Krujës, ndërsa autori është larguar nga vendi i ngjarjes dhe dyshohet se është i armatosur.

Gazetari Ahmet Zani raporton për ABC News se ngjarja e rëndë dyshohet se ka ndodhur si pasojë e një konflikti të ndpdhur dy javë më parë mes dy familjeve. Ndër të tjera pas kontaktit me banorët perreth banesës ku ndodhi ngjarja e rëndë theksojnë se autorin e kësaj ngjarje e njohin si një person problematik, ndërsa sipas tyre viktima ishte një person i respektuar.

Policia e ndodhur në vendin e ngjarjes po heton për shkaqet e kësaj ngjarje ku ka humbur jetën 35 vjeçari.

Fushë Krujë/Informacion paraprak

Më datë 14.03.2020, rreth orës 18:30, në Fushë Krujë, në rrethana ende të paqarta është vrarë me armë zjarri shtetasi J.H., 41 vjeç,nga xhaxhai i tij shtetasi Sh.H., rreth 50 vjeç.

Menjëherë në vendngjarje kanë mbërritur forca të shumta policie , si dhe grupi hetimor.

Shërbimet e Policisë kanë rrethuar zonën ku dyshohet se është fshehur autori dhe vijon puna për kapjen e ti./abcnews.al

 

aksidet.jpg
eri Ida20:33 | 20/02/2020

Një tjetër aksident ka ndodhur mbrëmjen e kësaj të enjtjeje,  ku si pasojë ndodhet në gjendje të rëndë një person.

Ngjarja ka ndodhur në autostradën Fushë Krujë- Milot, në afërsi të fashtit Gramëz, ku pjesë e aksidentit janë përbrë dy automjete dhe një motoçikletë.

Ndërkohë ABC News mëson se si pasojë e përplasjes është plagosur drejtuesi i motoçikletës, identiteti i të cilit nuk bëhet i ditur. Ndërkohë policia po punon për zbardhjen e plotë të kësaj ngjarje./abcnews.al

banoret-fushe-kruje.jpg
nev ila15:24 | 14/02/2020

Kanë plotësuar çdo dokument që i është kërkuar, duke iu përshtatur dhe procedurave online që për ta nuk janë aq të njohura, por në fund në sistem shtëpitë u rezultojnë të banueshme. Në Fushë -Krujë dhe Mamurras, banorët e mbetur pa strehë prej tërmetit të 26 nëntorit, shkojnë nga sporteli në sportel për aplikime, për të përfituar atë që ju takon me vendim qeverie -rindërtimin e shtëpive të shembura.

“Problemi ynë është se ne shkojmë të aplikojmë online dhe neve nuk na dalin banesat në sistem. Inxhineri shtëpitë tona i ka nxjerrë të pabanueshme, bashkia thotë janë të banueshme. Tani ne i kemi bërë letrat për aplikimin online, kemi bërë dhe për bonus qiraje dhe asnjë përgjigje. Kanë një muaj që na sorrollasin për këto letra dhe asnjë lloj përgjigje”.

“Do vijë një tjetër grup verifikimi, na thanë dhe asnjë nuk po vjen. Jam me fëmijë të sëmurë”.

“Kanë dal shtëpitë e banueshme. Jam veti 8 dhe po rrimë në një çadër. Ju lutem shtetit të vejë dorë në familjen tonë se po i çojmë nëpër spitale”.

Ata i kujtojnë kryeministrit premtimin e dhënë publikisht menjëherë pas tërmetit.

“Kryemimistri të vijë. Ne me kushte të këqija kemi qenë, tërmeti na bëri më keq. Rrezikojmë jetën e fëmijëve, janë duke na vdek fëmijët në çadra”.

Edhe në Mamurras, autoritetet lokale nuk  japin zgjidhje.

“Në atë familje janë 9 veta, nëse shteti do të bëjë shtëpi në bazë të frymëve, jemi shumë pak. Po na sorollasin, shteti duhet ti kishte marrë masat. Ne jemi të ndarë. Aplikimi bëhet në bazë të kryefamiljarit, ndërsa ai ka vetëm tre, po të tjerët”. 

Aplikimet për procesin e rindërtimit mbyllen më 28 shkurt. Që të përfitojnë qytetarët e prekur nga tërmeti duhet të paraqesin: certifikatën e pronësisë, fotokopje të kartës së identitetit, çertifikatë familjare si dhe një kopje të akt-konstatimit të banesës së dëmtuar./abcnews.al

Capture-29.jpg
in a09:18 | 08/02/2020

Një aksident ka ndodhur sot rreth orës 7.30 në rrugën nacionale Fushë Krujë- Tiranë, ku një makinë ka përplasur një këmbësor.

Duke qenë se në zonën e quajtur Qerek ku edhe ka ndodhur ngjarja, sot është ditë pazari ka shkaktuar një fluk njerëzish, por edhe drejtuesit duke mos zbatuar tabelat sinjalizuese, ka sjellë edhe përplasjen e këmbësorit.

Burime për abcnews.al bëjnë me dije se në vendngjarje ka mbërritur menjëherë Policia e Grupi Hetimor për të zbardhur detajet e këtij aksidenti. Mësohet se drejtuesi i mjetit është ndaluar nga policia./abcnews.al

1564b2f9-40b3-46b4-8537-56bfa9666675.jpg
R D20:12 | 17/01/2020

Një burrë u rrëmbye me makinë nga dy persona të maskuar sot në mesditë në Kamëz, pasi u dhunua prej tyre në rrugë. Disa orë pas ngjarjes personi i rrëmbyer i identifikua si Jak Prenga, 49 vjeç. Makina tip foristrade e autorëve është larguar në drejtim të Fushë-Krujës.

Burime nga grupi hetimor bënë të ditur se personi që u mor peng është 49-vjeçari Jak Prenga. Ai është rrahur dhe goditur me sende të forta para se të merrej forcërisht në një automjet fouristradë ngjyrë e bardhë. Gjithçka u filmua nga kamerat e sigurisë, në rrugën “London” të Kamzës.

Burime nga Komisariati nr.5., i Kamzës bëjnë me dije për ABC News se, dy autorët që morën forcërisht personin ishin të maskuar ndërsa u larguan në drejtim të Fushë- Krujës.

Në bashkëpunim me drejtorinë e Policisë së Tiranës janë dhe efektvitë të Krujës. Për herë të fundit në sallën operative të policisë është raportuar se një automjet i ngjarshëm ishte parë në vendin e quajtur Ura e Gjoles. Dyshohet se grabitësit janë ndihmuar edhe një automjet tjetër, duke ia bërë më të vështirë identifikimin autorëve nga grupit hetimorë. Ende mbetet e paqartë motivi i pengmarrjes, ndërsa në vendin e ngjarjes grupi hetimor sekuestroi një portofol dhe një automjet që dyshohet se ka lidhje me ngjarjen.

Në komisariatin nr.5, që i përket territorit të bashkisë Kamzës janë sekuestruar pamjet e kamerave të sigurisë për të mësuar më shumë rreth mëkanizmit të përdorur nga grabitësit dhe kush mund ti ketë ndihmuar në atë zonë. /abcnews.al

download-5.jpg
So Nila11:50 | 16/01/2020

Një 27 vjeçar ka rënë në prangat e policisë së Fushë Krujës, pasi ka ushtruar dhunë fizike ndaj vëllait të tij.

Policia bën me dije se 27 vjeçari B. M, ka ushtruar dhunë fizike dhe psikologjike duke e kanosur me thikë vëllain e tij, shtetasin T. M

Njoftimi i policisë:

Kanosi me thikë vëllain, arrestohet në flagrancë 27-vjeçari.

Specialistët për hetimin e krimeve në Komisariatin e Policisë Krujë, në vijim të punës për parandalimin dhe përshkallëzimin e dhunës në familje, arrestuan shtetasin:

-B. M., 27 vjeç, banues në Fushë Krujë, pasi ka ushtruar dhunë fizike dhe psikologjike duke e kanosur me thikë vëllain e tij, shtetasin T. M.

Në cilësinë e provës materiale u  sekuestrua një thikë.

kondi.jpg
Autor E16:53 | 14/01/2020

Policia e Tiranë ka kapur në mes të qytetit Mondi Vogën nga Fushë-Kruja, i cili po lëvizte rrugëve me një makinë të blinduar, në të cilën mbante edhe armë pa leje.

Burime zyrtare bëjnë me dije se makina është konstatuar nga patrulla e policisë, e cila pas ndalimi ka ushtruar kontroll duke gjetur edhe armën pa leje.

“Nisur nga mangësitë dhe përdorimi i sistemeve pamore shtesë, nga patrulla e Policisë Rrugore u bë edhe një kontroll i imtësishëm, gjatë të cilit, këtij shtetasi, në çantën e dorës iu gjet edhe një armë zjarri pa leje, e tipit TT. Menjëherë u bë arrestimi i tij në kushtet e flagrancës, për veprën penale “Armëmbajtja pa leje”.

Automjeti i blinduar u sekuestrua ne ambientet e Drejtorisë Vendore të Policisë Tiranë, për veprime te tjera hetimore e procedurale. Ndërkohë, ky shtetas është ndëshkuar edhe me masën administrative “Tërheqja e lejes së drejtimit”, për përdorim të sistemeve shtesë dhe mungesë të dokumentacionit të automjetit të blinduar”, bën me dije policia.

Mondi Voga është akuzuar se rrahu avokatin Ilia Ilia një vit e gjysmë më parë në Durrës.

Ndërkohë, në rrjete sociale ka mjaft foto të tijat me prokurorin e Durrësit, Arjan Ndoj ndaj makinës të së cilit u qëllua me breshëri automatiku disa muaj më parë ku mbeti i vdekur shoferi.

Gjithashtu gjatë ditës së sotme janë arrestuar edhe disa persona të tjerë me akuza të ndryshme, siç janë ndihma për kalimin e paligjshëm të kufirit apo vjedhja.

Njoftimi i policisë

Policia Rrugore e Tiranës, gjatë 12 orëve të fundit, sekuestron armë zjarri, mjet të blinduar, fenelina policie, godet një rast të trafikimit të paligjshëm të klandestinëve dhe vë në pranga katër persona, dy prej të cilëve në kërkim.

Qarkullonte me mjet të blinduar dhe me fenelina, si dhe mbante me vete armë zjarri pistoletë, vihet në pranga nga Policia Rrugore e Tiranës 44-vjeçari nga Fushë Kruja.

Arrestohen në flagrancë gjatë kontrolleve për shkelje rrugore edhe dy persona të tjerë të shpallur në kërkim.

Gjithashtu, kapet edhe një drejtues mjeti që drejtonte mjetin pa leje drejtimi dhe transportonte disa shtetas të huaj, me qëllim dhënien ndihmë për kalim të paligjshëm të kufirit, kundrejt përfitimit.

Policia Rrugore e kryeqytetit, në vijim të kontrolleve parandaluese për aksidentet rrugore, verifikimin e automjeteve që përdorin sisteme pamore dhe zanore shtesë, si dhe në zbatim të planit të masave të DVP Tiranë për kapjen e personave në kërkim dhe atyre që qarkullojnë me armë zjarri, gjatë monitorimit të sjelljes se përdorueseve të rrugës, në rrugën interurbane Vorë-Krujë ka konstatuar në lëvizje një automjet që përdorte sisteme pamore shtesë dhe menjëherë është vënë në ndjekje të tij duke e ndaluar atë.

Gjatë kryerjes së veprimeve policore, drejtuesi i mjetit me iniciale M. V., 44 vjeç, nga Fushë Kruja rezultoi se drejtonte një automjet të blinduar pa autorizimin përkatës dhe me mangësi në dokumentacionin e mjetit.

Nisur nga mangësitë dhe përdorimi i sistemeve pamore shtesë, nga patrulla e Policisë Rrugore u bë edhe një kontroll i imtësishëm, gjatë të cilit, këtij shtetasi, në çantën e dorës iu gjet edhe një armë zjarri pa leje, e tipit TT. Menjëherë u bë arrestimi i tij në kushtet e flagrancës, për veprën penale “Armëmbajtja pa leje”. Automjeti i blinduar u sekuestrua ne ambientet e Drejtorisë Vendore të Policisë Tiranë, për veprime te tjera hetimore e procedurale. Ndërkohë, ky shtetas është ndëshkuar edhe me masën administrative “Tërheqja e lejes së drejtimit”, për përdorim të sistemeve shtesë dhe mungesë të dokumentacionit të automjetit të blinduar.

Gjithashtu, nga kontrollet e tjera policore, nga efektivet e Policisë Rrugore Tiranë janë arrestuar në kushtet e flagrancës edhe dy shtetas të tjerë të shpallur në kërkim:

E. K, 20 vjeç, i cili u ndalua për t’u ndëshkuar me masë administrative për shkelje të rregullave të qarkullimit rrugor, por nga verifikimi i mëtejshëm rezultoi se ky shtetas ishte i shpallur në kërkim nga Drejtoria Vendore e Policisë Korçë, për veprat penale “Ndihma për kalim të paligjshëm të kufirit dhe “Mosbindja ndaj urdhrit të ligjshëm të punonjësit të rendit publik”.

B. Sh., 40 vjeç, banues në Tiranë, i cili u ndalua për shkelje të rregullave të qarkullimit rrugor, por nga verifikimi rezultoi se ky shtetas ishte i dënuar nga Gjykata e Rrethit Durrës me 2 vjet e 8 muaj burg, për veprën penale “Vjedhja, e kryer në bashkëpunim”.

Gjithashtu, gjatë kontrolleve policore, Policia Rrugore e Tiranës ndaloi dhe shtetasin M. C., 19 vjeç, banues në Durrës, i cili nga verifikimi rezultoi i papajisur me leje drejtimi, si dhe duke transportuar me mjet disa shtetas sirianë, në drejtim të Shkodrës, me qëllim dhënien ndihmë, për kalim të paligjshëm të kufirit, kundrejt përfitimit. 19-vjeçari është arrestuar në flagrancë, në bashkëpunim dhe me Seksionin për Hetimin e Trafiqeve të Paligjshme në DVP Tiranë, për veprën penale “Drejtimi i mjetit në mënyrë të parregullt” dhe “Ndihma për kalim të paligjshëm të kufirit”.

Nga data 1 deri në 14 janar 2020, falë kontrolleve nga Policia e Shtetit janë sekuestruar 3 pistoleta, 4 kallashnikovë, 3 armë gjahu, 3 pushkë, 1 silenciator, fitil zjarrpërcjellës dhe 3 armë të ftohta (thika).


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono