Loading ...
Policia e Tiranës ka arrestuar dy persona, të dyshuar për abuzim seksual ndaj një të miture 12-vjeçare.
Në pranga kanë rënë tezja e të miturës, 32 vjeçe, dhe djali i hallës, 29 vjeç. Sipas të dhënave paraprake, të dy dyshohen se kanë kryer abuzim seksual ndaj 12-vjeçares.
Rasti është zbuluar pas bashkëpunimit mes institucionit arsimor ku mëson e mitura dhe Policisë së Tiranës. Dyshimet e ngritura gjatë verifikimeve janë përforcuar edhe nga materiale filmike të gjetura në celularin e të miturës.
Pamjet janë sekuestruar nga policia dhe do të shërbejnë si pjesë e materialeve të administruara në kuadër të hetimit.
Ndërkohë, autoritetet vijojnë hetimet për të dokumentuar plotësisht rrethanat e ngjarjes dhe përgjegjësinë e personave të arrestuar.
