Shpërndau në rrjetet sociale foto intime të një vajze të mitur, arrestohet 20-vjeçari në Devoll

schedule15:11 - 27 Dhjetor, 2024

schedule 15:11 - 27 Dhjetor, 2024

Një 20-vjeçar ka përfunduar në prangat e policisë së Devollit. Mësohet se ai ka shpërndarë në rrjete sociale foto intime të një vajze të mitur.

“Komisariati i Policisë Devoll arrestoi në flagrancë shtetasin 20 vjeç, banues në Devoll, pasi dyshohet se ka shpërndarë në rrjete sociale foto intime të një shtetaseje të mitur. Celulari i tij u sekuestrua në cilësinë e provës materiale”, thuhet në njoftimin e policisë.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./abcnews.al

Mos rri jashtë: bashkohu me ABC News. Ne jemi kudo!