Rritet numri i rasteve të reja me Covid-19 brenda ditës në Kosovë

schedule22:29 - 22 Maj, 2020

schedule 22:29 - 22 Maj, 2020

Instituti Kombëtar i Shëndetësisë Publike të Kosovës (IKSHPK) ka njoftuar se janë konfirmuar gjatë orëve të fundit 21 raste të reja me koronavirus në vend.

Rastet e reja brenda ditës kanë pësuar rritje, ndërsa numri i të infektuarve në vend ka shkuar në 1025.

Laboratori i Mikrobiologjisë Molekulare në IKSHPK sot ka testuar 267 mostra, prej të cilave 21 kanë rezultuar pozitive.

“Rastet pozitive janë raste kontakti nga: komuna e Prizrenit 19 raste (sipas vendbanimit:15 raste Prizren, 1 rast Romajë, 1 rast Lubiçevë, 1 rast Kijevë dhe 1 rast Nashec) dhe nga komuna e Suharekës 2 raste (sipas vendbanimit:1 rast Bllacë dhe 1 rast Suharekë)”, ka njoftuar IKSHPK.

Instituti po ashtu ka bërë të ditur se janë shëruar edhe 10 persona të prekur nga koronavirusi.