Përmbyten katet e para, Shahini: Sot nuk bëhet mësim në tri shkolla

schedule09:39 - 24 Shtator, 2019

schedule 09:39 - 24 Shtator, 2019

Për shkak të reshjeve të mbrëmshme në kryeqytet, sot nuk nis mësimi në tre shkolla. Lajmin e bëri të ditur, Ministrja e Arsimit, Rinisë dhe Sportit, Besa Shahini, në një postim në rrjetet sociale.

Ajo thotë se për shkak të shirave janë përmbytur katet e para të shkollës 9-vjeçare “Sabaudin Gabrani”, shkollës 9-vjeçare “Yzberisht” dhe shkollës 9-vjeçare Lalm.

“Ekipet e Bashkisë dhe Ministrisë janë duke punuar në terren. Dita e mësimit sot do të zëvendësohet në një ditë tjetër ndërsa po përpiqemi që këto shkolla të hapen nesër”, thuhet në reagimin e ministres në Facebook./abcnews.al