Opozita maqedonase kritikohet nga partitë e djathta europiane

schedule12:20 - 9 Tetor, 2018

schedule 12:20 - 9 Tetor, 2018

Partia opozitare në Maqedoni VMRO – DPMNE është kritikuar nga Partia Popullore Europiane, pjesë e së cilës është dhe ajo, për sa i përket qëndrimit të mabjtur ndaj referendumit për emrin.

Partia Popullore Europiane, ku anëtare është VMRO-DPMNE, partia opozitare në Maqedoni ka reaguar pas referendumit për emrin. Kreu i këtij grupimi politik, Zhozef Dol, në profilin e tij në Twitter ka shkruar se është i zhgënjyer nga qëndrimi i partisë maqedonase në lidhje me procesin për emrin.

Ndër të tjera Dol shkruan se duhet të merret vendim i rëndësishëm për të ardhmen e ish-Republikës Jugosllave të Maqedonisë dhe të të gjithë rajonit në BE dhe në NATO. Dialogu midis atyre në pushtet dhe opozitës është i nevojshëm sepse kjo është pjesë e rëndësishme e demokracisë, përfundon ai.

Vonesa në reagim e Partisë Popullore Europiane ka ndodhur sepse gjatë gjithë kësaj kohe ka pasur përpjekje për një dialog me VMRO-DPMNE në Maqedoni./abcnews.al