OKB: Rusët vranë të paktën 441 civilë, përfshirë fëmijë, në javët e para të luftës në Ukrainë

schedule14:59 - 7 Dhjetor, 2022

schedule 14:59 - 7 Dhjetor, 2022

Të paktën 441 civilë janë vrarë nga forcat ruse gjatë javëve të para pasi Presidenti Vladimir Putin urdhëroi trupat e tij të pushtonin Ukrainën  sipas një raporti nga zyra e OKB-së për të drejtat e njeriut, shkruan The Guardian.

Zyra e Komisionerit të Lartë për të Drejtat e Njeriut (OHCHR) mblodhi të dhëna nga sulmet në dhjetëra qytete në tre rajone dhe paralajmëroi se numri aktual i viktimave në rajonet e Kievit, Chernihiv dhe Sumy ka të ngjarë të jetë shumë më i lartë.

Raporti përfshinte fillimin e pushtimit të Moskës më 24 shkurt deri në fillim të prillit dhe mblodhi prova nga 102 qytete dhe fshatra në Ukrainë.

“Aktet në fjalë u kryen nga forcat e armatosura ruse në kontrollin e këtyre zonave dhe çuan në vdekjen e 441 civilëve (341 burra, 72 gra, 20 djem dhe 8 vajza).

Shumë prej trupave kishin shenja se viktimat mund të jenë vrarë qëllimisht, thuhet në raport. Moska ka mohuar vazhdimisht se ka shënjestruar civilët në atë që ajo e quan një “operacion special ushtarak”.

Që nga fillimi i luftës deri më 4 dhjetor, OHCHR tha se 6,702 civilë kanë humbur jetën.

/abcnews.al