fëmijë

kiddds.jpg
Sid Orela11:18 | 26/03/2020

Numri i personave të infektuar me koronavirus në vendin tonë është rritur në 174. Siç bëri të ditur Ministria e Shëndetit, mes të sëmurëve janë edhe katër fëmijë.

Raportohet se këta katër fëmijë nuk kanë shenja klinike dhe se deri më tani janë në gjendje të mirë. Njoftohet se ata janë kontakte të rasteve pozitive.

Prej kohësh tashmë, ekspertët e shëndetit kanë theksuar se fëmijët e vegjël kryesisht e kalojnë kalojnë koronavirusin me simptoma të lehta ose pa simptoma fare. Por, edhe pse mund të mos jetë të rrezikuar, fëmijët mund ta transmetojnë virusin tek persona të tjerë.

Kujtojmë këtu se, vetëm gjatë 24 orëve të fundit, në vendin tonë janë regjistruar 28 raste të reja. Deri në këto momente testuar 1144 janë raste të dyshuara dhe prej tyre janë të konfirmuar pozitivë me COVID-19, 174 qytetarë. Harta e të prekurve nga COVID-19 është shtrirë tashmë edhe në Tropojë. /abcnews.al/

071714441-f0caba35-f619-4da6-98ac-9cb887e3c69d.jpg
So Nila14:35 | 20/03/2020

E vetmja dëshirë është të kem mundësi të asistoj në lindjen e vajzës time. Doktorët më sigurojnë që do ja dal’.

Janë këto fjalët prekëse të Mattia, ‘pacietit 1’ të Codonjës, që doli 11 ditë më parë nga Terapia Intensive e spitalit San Matteo të Pavia, ku ishte shtruar që në 22 shkurt. 38 vjeçari ja ka dalë, ka arritur të mundë koronavirusin dhe më në fund ka mundur të shohë bashkëshorten e tij shtatzënë, në muajin e tetë të shtatzënisë, edhe pse tani vetëm përtej një xhami.

Pas 28 ditëve të gjata Mattia më në fund po shërohet, thotë për ‘Repubblica.it’ shefi i sëmundjeve infektive të poliklinikës së Pavias Raffaelle Bruno. ‘Sapo i kemi shkëputur edhe aparaturën e fundit. Tani qan se është i lumtur.

E di që jeta i ka dhuruar kohën për të parë të lindë fëmija i tij i parë’. Ishte pikërisht Bruno që çdo ditë në orën 18, në këto 4 javë të fundit merrte në telefon bashkëshorten, që i tregonte për kushtet shëndetësore të bashkëshortit të saj./abcnews.al

covit-1280x707.jpg
eri Ida09:40 | 16/03/2020

Psikologia Lediona Braho n ë një lidhje direkte për ABC-në e Mëngjesit me Enkel Demin këtë të hënë është shprehur se në një situatë të tillë ku të gjithë janë në izolim, prindërit duhet të kujdesen për qetësinë psikologjike të fëmijëve.

Braho ka theksuar se është e rëndësishme që në këto ditë karantine prindërit sidomos në Tiranë ku mundësitë që fëmijët të dalin sadopak jashtë është e pamundur duhet të bëjnë një program ditor bashkë me fëmijët në mënyrë që ato ta ndjejnë sadopak presionin e qëndrimit në shtëpi.

Për fat të mirë moti është në favor të atyre që kanë shtëpi private apo atyre që kanë pak hapësirë rreth shtëpisë. Shpresoj që sa më shumë familje ta kenë këtë mundësi por në Tiranë është thuajse e pamundur pasi fëmijët kanë shumë energji, shkollat janë mbyllur dhe është pak e vështirë të mbahen në shtëpi por megjithatë nuk është e pamundur. Është mirë që në këtë situatë prindërit të bëjnë një agjendë ditore bashkë me fëmijët e tyre në mënyrë që përcaktojnë aktivitetet ditore se çfarë mund të bëjnë brenda në shtëpi, që përveç mësimeve dhe leximeve mund të bëjnë apo lojërat me kompjuterr që nuk duhen bërë gjatë gjithë ditës, këto aktivitete mund të zëvendësohen edhe me kushte në kushtete e shtëpisë”, tha psikologia.

Gjithashtu sipas prisokoges këto ditë izolimi mund të bëhen aktivitete të ndryshme artistike, piktura, punime me dorë që fëmijët i duan dhe i kanë qef./abcnews.al

 

dc-Cover-j1er3sk7jn8m28djkk6eipj5q1-20200305111941.Medi_.jpeg
eri Ida08:25 | 05/03/2020

Presidenti i Venezuelës, Nicolas Maduro ka një thirrje të veçantë për të gjithë gratë në kuadër me numrin e fëmijëve që duhet të lindin.

Mediat ndërkombatëre bëjnë me dije se përmes një deklarate të bërë së fundmi ka bërë thirrje grave që të kenë nga gjashtë fëmijë “për të mirën e shtetit”. Ndër të tjera ky shtet është duke u përballur me krizë ekonomike që ka rezultuar me zvogëlim të sasisë së ushqimit dhe pajisjeve mjekësore.

Në periudhën 2013-2018, 13 për qind e fëmijëve në Venezuelë nuk janë ushqyer si duhet, ka thënë agjencia e Kombeve të Bashkuara për fëmijë, Unicef.

Aktualisht ky shtet po përballet me synimet e qeverisë dhe opozitës për marrje të pushtetit. Lideri opozitar, Juan Guaidó konsiderohet lider legjitim i Venezuelës nga më shumë se 50 shtete.

Presidenti Maduro, lider i krahut të majtë të këtij shteti, që gëzon mbështetjen e ushtrisë së Venezuelës, vazhdon të jetë në pushtet./abcnews.al

largea_polumbaret1367682936.jpg
eri Ida12:41 | 01/03/2020

Një ngjarje e rëndë ka ndodhur mesditën e kësaj të diele në Tiranë, ku një fëmijë është gjetur i mbytur në kanal.

Ngjarja ka ndodhur tek banesat sociale në Shkozë. Dyshohet se  i mituri ishte shpallur i humbur prej datës 17 shkurt.

Ndërkohë policia po bën verifikime për të zbuluar identitetin e viktimës dhe shaqet e ngjarjes.

Tiranë

Më datë 01.03.2020, rreth orës 12:15, në Shkozë, në një kanal kullues në afrësi të banesave sociale dhe ngjitur me lumin e Lanës është gjetur i dekompozuar fëmija K.H, 4 vjeç, i cili ishte denoncuar nga prindërit si i humbur mbrëmjen e datës 17 shkurt 2020

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, ku paraprakisht dyshohet se është mbytur aksidentalisht./abcnews.al

52510356_403.jpg
R D19:25 | 24/02/2020

Një ngjarje shokuese ka ndodhur pasditen e sotme në Volkmarsen, në veri të landit të Hesenit në Gjermani. Një person që ngiste makinën është përplasur qëllimisht me turmën e njerëzve gjatë festës tradicionale të karnavaleve, duke plagosur 30 vetë, ku 7 janë në gjendje të rëndë.

Policia dyshon se shoferi i automjetit është përplasur qëllimisht e njerëzit. Sipas një zëdhënësi nuk ka të dhëna për një sulm të motivuar politikisht apo ndonjë atentat. Ndërsa nga Ministria e Brendshme e landit të Hesenit, u tha, se nuk mund të përjashtohet se kemi të bëjmë me ndonjë sulm.

Dëshmitarët okularë thonë, se automjeti me shpejëtsi të lartë depërtoi rreth 30 metra mes turmës, derisa ndaloi. Shoferi vazhdonte t’i jepte gaz motorit. 30 vetë janë plagosur, shtatë në gjendje të rëndë, njoftoi drejtuesi Policisë së Frankfurtit.

Shoferi u arrestua, ai është nënshtetas gjerman, 29 vjeç dhe vjen nga kjo zonë. Sipas të dhënave të Ministrisë së Brendshme aktualisht autori i sulmit nuk është në gjendje për t’u marrë në pyetje.

Gazeta “Hessische/Niedersächsische Allgemeine” njofton, se dëshmitarët e kanë përshkruar situatën se si shoferi duke i devijuar perimetrit të sigurisë i ka dhënë gaz makinës dhe ka depërtuar me furi mes turmës së njerëzve. Dëshmitarët kanë pasur përshtypjen, se shoferi ka pasur në shënjestër kryesisht fëmijët. Por policia nuk jep të dhëna lidhur me këtë.

Një dëhsmitar i ka thënë gazetës “Bild”, se njerëzit e indinjuar në vendin e ngjarjes e kanë qëlluar me grushta shoferin e automjetit dhe policisë i është dashur ta mbrojë atë.

Në karnavalet e Volkmarsenit merrnin pjesë rreth 1500 vetë. Qyteza ka afërsisht 6800 banorë dhe ndodhet rreth 30 km larg qytetit të Kaselit.

PRI_139351560.jpg
So Nila15:17 | 19/02/2020

Një nënë me zemër të thyer ka ndarë këtë foto prekëse teksa mban fëmijën në spital para se të vdiste shkruan Mirror.

Tammy Ireson, 39 vjeç, nga Kings Lynn, Norfolk, i dha lamtumirën e saj të fundit  fëmijës së saj Wilber, i cili pësoi dëmtime në tru nga një atak kardiak.

 

 

Ajo shpreson se fotografia e lamtumirës së saj do të ndihmojë prindërit e tjerë që të përballojnë humbje të tilla dhe të marin forcë se mund t’ia dalin.

Tammy, e cila priti 20 vite për të pasur një fëmijë, tani ka një regjistrim të rrahjeve të zemrës së Wilber për të kujtuar atë dhe për ta ndjerë më  afër vetes.

 

Wilber lindi me një mutacion gjenetik të rrallë që shkaktoi sëmundje të trurit qendror, duke prekur muskujt vendimtarë  për lëvizje./abcnews.al

 

eight_col_orphans.jpg
eri Ida08:14 | 15/02/2020

Një ngjarje e rëndë ka ndodhur në Haiti, ku si pasojë e një zsjarri të rënë në një jetimore kanë humbur jetën 15 fëmijë.

Ngjarja e rëndë ka ndodhur në një jetimore, që ndodhet në jug të kryeqytetit Port-au-Prince, ku si pasojë e zjarrit dy fëmijë janë shkrumbuar ndërsa 13 të tjerët vdiqën në spital si rezultat i thithjes së tymit.

Mediat ndërkombëtare bëjnë me dije se akoma nuk ka asnjë informacion në lidhje me shkaqet e zjarrit në jetimore. /abcnews.al

aksidenti-shba.jpg
eri Ida07:52 | 12/02/2020

Një aksidenti i frikshëm është kapur nga kamerat e sigurisë në momentin e aksidentit të një autobusi shkolle në SHBA.

Nga pamjet e videos shikohet momentin kur autobusi i shkollës goditet nga një automjet, e më pas përmbyset. Nga pamja shifen fëmijë që fluturojnë në ajër, ka shkaktuar tmerr tek prindërit e tyre.

Një autobus shkolle u përplas në një kryqëzim në Ohio me një Ford Mustang për të cilin policia tha që nuk arriti të ndalet semafor dhe më pas u rrëzua.

Pamjet e publikuara nga Ohio State Highëay Patrol tregojnë 25 studentë që fluturojnë në tavanin e autobusit. Në video, disa nga fëmijët dëgjohen duke qarë dhe ulëritur ndërsa autobusi përmbyset./abcnews.al

femija3.jpg
eri Ida12:21 | 10/02/2020

Leo është një fëmijë në klasën e dytë të shkollës 9-vjeçare të Burimasit në Korçë. Ai vuan nga epilepsia, por prej një viti e ka hedhur pas krahëve sëmundjen e tij pasi në familjen e tij është shtuar një i sëmurë, i ati. Mësuesja e tij Alketa Tacelli tregon problemin e Leos së vogël që këtë vit shkollor ka humbur përqëndrimin.

Që në fillim të vitit shkollor kam kuptuar që Leo është një fëmijë i papërqëndruar. Bisedova me prindërit e tij sidomos me nënën e tij dhe më tha se Leo vuan nga epilepsia e gjenarlizuar, por kishin e një problem tjetër në familje, pasi babai vuante nga veshkat dhe bën 3 herë në javë hemodializë në Korçë”, tha mësuesja.

Ky shpjegim i nënës bëri që kjo mësuese ti qëndronte dhe më pranë nxënësit të saj, por Leo sërish vuan.

Leo shpesh herë rri me kokën nga dritarja se e shtëpinë e ka pranë shkollës dhe kur dëgjon makinë e të atit që ikën në Korçë me thotë mësuese të iki dhe unë ti qëndroj pranë babit se e kam sëmurë. Unë i them babi do shërohet po ai thotë, babi do shërohet kur ti shërohen veshkat. Është apeli i një fëmije që vuan shpirtërisht sëmundjen e të atit”, është shprehur ndër të tjera mësuesja e Leos.

Leo është mbyllur në vetvete dhe nuk flet. Ai ka dhe një vëllai më të madh që nuk dëshironte të dilte në kamera. Nëna e tij Rovena dhe i ati Arturi pavarësisht probleme shëndetësore dhe lotëve janë njerëz kurajozë.

Bëj pastrimin e gjakut 3 herë në javë. Është shumë e vështirë më rritet tensioni, jemi pesë anëtar në familje dhe jetojmë me pensionin e nënës dhe me një kemp që marr unë. Një transplant kërkoj unë të jem dhe unë si të tjerët”, ka thënë babai i Leos.

Nga ana tjetër nëna e Leos shprehet se gjëndja është shumë e vështirë për të dy. “Dua ndihmë për dialin pasinuk më shkon në shkollë”.

Transplanti i veshkave të kryefamijarit do jetë një ndihmë e madhe për familje Hasanlli dhe dy fëmijët e tyre do të buzëqeshin e do jetojnë fëmijëri të shëndetëshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono