Në Durrës vaksinohen rreth 40 mijë qytetarë, të moshuarit më të përgjegjshëm në Korçë

schedule12:05 - 3 Maj, 2021

schedule 12:05 - 3 Maj, 2021

Pothuajse në të gjitha qytetet e vendit vazhdon procesi i vaksinimit masiv. Që nga fillimi i fushatës në Durrës janë vaksinuar rreth 40 mijë qytetarë.

Gazetari i “ABC” Leonidha Musai raportoi se në orët të para të paradites fluksi i qytetarëve për të aplikuar vaksinën anti-Covid është më i lartë.

Aktualisht në Durrës vaksinat që po përdoren janë Sputnik dhe Sinovax.

Në Durrës dhe Bashkinë Shijak janë 28 qendra shëndetësore që prej 2-3 muajsh janë në dispozicion të personave që presin të marrin vaksinën.

Ndërsa sa i përket sektorit të turizmit, edhe agjencitë turistike po marrin dozat e vaksinave dhe se prej disa ditësh në Durrës ka nisur vaksinimi i punonjësve të fasonerive.

Gjithashtu vaksinimi ant-Covid vijon tek personat mbi 60-vjeç në Korçë.

Gazetarja e “ABC” Ledjona Xheladinaj, tha se këtë të hënë ka nisur vaksinimi i punonjësve të fasonerive dhe hotelerive.

Ajo çfarë bie në sy është numri i ulët i personave që presin të vaksinohet, ndërsa më të interesuar duket se janë të moshuarit.

Nga nesër do të nisë edhe vaksinimi në Burgun e Drenovës dhe në Drejtorinë e Emigracionit.

/abcnews.al/