Lehtësohet lëvizja në Kosovë, qeveria miraton masat e reja anti Covid

schedule12:18 - 15 Janar, 2021

schedule 12:18 - 15 Janar, 2021

Qeveria e Kosovës ka aprovuar propozimin e Ministrisë së Shëndetësisë për ndryshimin e masave të përgjithshme dhe specifike për mbrojtje nga COVID-19.

Përmes një njoftimi për mediat qeveria ka bërë me dije se pas paralajmërimit të një dite më parë sot është vendosur ndryshimi i orës policore nga ora 20:00 sa është tani, deri në orën 21:00 ose 22:00, kjo do të bëhet për secilin kategorizim të komunave

“Duke vepruar sipas propozimit të Ministrisë së Shëndetësisë, është aprovuar edhe vendimi për ndryshimin e masave të përgjithshme dhe specifike për mbrojtje nga pandemia Covid-19 në Republikën e Kosovës”, thuhet në njoftim.

Ndërkohë, pritet që në lidhje me situatën dhe me vendimin e marrë për shkurtimin e orës policore  ministri i Shëndetësisë, Armend Zemaj do të mbajë konferencë për media./abcnews.al