Kujdes i veçantë për personat me aftësi ndryshe në Durrës, 6 punonjëse “braktisin” familjen

schedule10:37 - 9 Prill, 2020

schedule 10:37 - 9 Prill, 2020

Në Durrës, në Qendrën e Zhvillimit që kujdeset për personat me aftësi ndryshe po bëhet një punë intensive nga gjashtë punonjëse të kësaj qendre.

Personat me aftësi ndryshe që janë pjesë e kësaj qendre, janë të moshës 50 -55 vjeç.

Gazetari Leonidha Musaj tha për abcnews.al se stafi ka rreth një muaj në dispozicion të plotë në shërbim të këtyre qytetarëve.

Këta persona që jetojnë në këtë rezidencë, një pjesë e mirë janë të braktisur nga familjarët, por disa të tjerë qëndrojnë me dëshirë pasi e kanë të pamundur të marrin kujdesin nga familjraët e tyre.

Ndërkohë stafi i përbërë prej 6 personash ka braktisur familjet e tyre duke u kujdesuar për ta.

Punonjësit janë në shërbim të tyre. Ambienti është i përshtatshëm për këta persona me aftësi ndryshe. Kjo qendër, tashmë është shtëpia e tyre. Kushtet dhe kujdesi është maksimal.

Ndërkohë personat që tashmë rezultojnë të konfirmuar me COVID-19 po mbahen në mbikqyrje të plotë, jo vetëm nga stafi mjekësor, por edhe nga policia e cila ka bërë një kontroll të detajuar në këto vatra të prekura, për të bërë të mundur parandalimin e COVID-19./abcnews.al