Koronavirusi prek qeverinë serbe, infektohet zyrtari

schedule22:59 - 24 Mars, 2020

schedule 22:59 - 24 Mars, 2020

Koronavirusi ka prekur edhe qeverinë e Serbisë. Sipas mediave vendase, është infektuar me Covid-19 Sekretari i ministrisë së Ambientit dhe Planifikimit Hapësinor, Branisllav Blazhiç.

Lajmin e ka konfirmuar edhe vetë ministri i Planifikimit Hapësinor, Goran Trivan, i cili tha se Bllazhiç është dërguar në klinikën e sëmundjeve Infektive në Beograd.

“Është duke u mjekuar në klinikën Infektive, gjendja e tij shëndetësore është e stabilizuar”, ka shtuar Trivan.

Bllazhiç është nga Kikinda, që konsiderohet si qyteti i qendrës së epidemisë së koronavirusit.