Showbiz

Dybala-Orianaaa.png
Veronik Istrefaj20:29 | 21/03/2020

Oriana Sabatini dhe Paolo Dybala konfirmuan sot se janë prekur nga virusi famëkeq, Koronavirus, por për fat të mirë, të dy janë në gjendje të mirë shëndetësore. Bukuroshja 23 vjeçare dhe ylli i Juventusit janë të izoluar në shtëpinë e tyre.

Shpeshherë, dyshja kanë qenë në qendër të vëmendjes, pasi romanca e tyre, duket perfekte. Futbollisti 26 vjeçar dhe këngëtarja Sabatini kanë një raport të shkëlqyer me njëri-tjetrin dhe kjo gjë, duket në daljet e tyre në publik, si dhe nuk mund t’i shpëtojnë paparacëve.

 

Në çdo moment së bashku, Sabatini dhe Dybala shihen të qeshur dhe të lumtur në krah të njëri-tjetrit. Çift perfekt, që për fat të keq, duhet të kalojnë dhe një tjetër sprovë./abcnews.al

 

alba-f1.jpg
Vladimir Prenga14:39 | 21/03/2020

Izolimit nuk i shpëton askush, nuk mjafton as paratë, as fama, as njohjet. Beteja me Coronavirusin është e ashpër dhe kështu shumica e shqiptarëve po ndjekin udhëzimet e autoritete. Në shtëpi gjithsecili mundohet të kalojë kohën, sikurse edhe bukuroshja Alba Hoxha.

 

Balerina dhe koreografe tani, e pranishme edhe në botën e televizionit, ngacmon fansat në llogarinë e saj në Instagram, teksa u bën një pyetje: “Kush është për formula 1”. Sigurisht, Alba nuk luan si të gjithë të tjerët “Play Station”.

Në videon e publikuar ajo shfaqet duke bërë sparkatën, pozicion që i ka “provokuar” fansat, të cilët kanë lënë komente të shumta në postimin e bërë nga balerina e njohur. /abcnews.al

View this post on Instagram

Kush eshte per formula 1 ?

A post shared by Alba Hoxha (@albahoxha1) on

5c4b5ffd2bdd7f176b539a28.jpg
So Nila12:30 | 21/03/2020

Një letër nga Anna Wintour- Kryeradaktore e Vogue Amerika

Njësoj si shumë prej jush edhe unë jam përshtatur me realitetin gjatë pandemisë Covid-19, duke ndjekur lajme dhe duke “pushuar” prej tyre, duke iu bashkuar takimeve virtuale me kolegët, duke gjeneruar ide të reja për të “shpëtuar” industrinë e modës dhe sigurisht duke u rrëmbyer me novela, filma apo seriale televizive.

Nëse mund t’i përmbledh të gjitha çfarë përmenda më lart, kam bërë vetëm diçka shumë të thjeshtë, kam qëndruar në shtëpi, ndaj ju bëj thirrje të gjithëve: QËNDRONI NË SHTËPI!

Sot, nuk ka asnjë rregull më të rëndësishëm sesa ky, le të zotohemi të qëndrojmë në shtëpi sa të mundemi, ju lutem! Natyrisht ka njerëz që duhet t’i bashkohen personelit të shëndetësisë, atij të urgjencës, të furrës së bukës apo dyqanit të ushqimeve, por ju lutem, të gjithë ju që dilni pa arsye, qëndroni në shtëpi! Kjo është mënyra e vetme për të ngadalësuar përhapjen e virusit dhe për të mbrojtur të gjithë ata që janë më të prekur nga ai.

Jam e tronditur nga imazhet e amerikaneve që shijojnë pushimin e pranverës në plazhe, edhe nëse jeni të rinj e të shëndetshëm dhe mendoni se jeni të mbrojtur, nuk jeni dhe të gjithë ata që ju rrethojnë, nuk janë!

Lini plazhet, shëtitjet dhe izolohuni, le të bashkohemi të gjithë dhe të sigurojmë ngadalësimin e përhapjes së këtij virusi të tmerrshëm, nuk ka asnjë vendim më të rëndësishëm se kaq, ju lutem!/abcnews.al

Foto-Kryesore.jpg
Veronik Istrefaj22:50 | 20/03/2020

Futbolli ka ndryshuar shumë në vite, po ashtu dhe moda dhe stilet e veshjeve të futbollistëve. Në mesin e viteve 2000, jemi mësuar të shijojmë klasin e Andre Pirlos, Xabi Alonsos, Marco Borriellos dhe David Beckham, sigurisht me këtë të fundit më të pëlqyerin.

Italianët njihen për klasin e tyre dhe këtë gjë e vërteton më së miri dyshja Pirlo-Borriello. Mesfushori shumë i njohur ishte një artist i vërtetë në fushën e lojës, duke kompozuar aksione të shkëlqyera, me një qetësi vrasëse: Maestro!

 

Andre Pirlo

Ndërsa Borriello, nuk ka qenë i suksesshëm vetëm në shënimin e golave, por dhe në jetën e tij jashtë fushe. Me femrat, Borriello ka pasur gjithmonë marrëdhënie të shkëlqyera dhe veshjet e tij, patjetër që kanë ndikuar në këtë sukses.

 

Marco Borriello

Një futbollist që i ka mbijetuar çdo gjenerate, çdo grup-moshe, çdo viti, është David Beckham. Që në fillimet e viteve ’90, ylli anglez ishte një simbol në ishullin britanik dhe cilësohej si sportisti më seksi. Në futboll, ishte jashtëzakonisht i suksesshëm, duke mos e lënë jetën e tij shumë aktive jashtë fushave të ndikojë. Veshjet e Beckham dhe stilet e tij të flokëve, kopjohen në mbarë botën, me britanikun që ka dhe një numër të madh firmash, veshjesh dhe parfumesh.

 

David Bekcham

Brezi i ri, është disi më i shkujdesur. Serge Gnabry dhe Hector Bellerin, dy futbollistë që i kanë dhënë një tjetër kuptim modës. Mbrojtësi i Arsenalit dhe sulmuesi i Bayern, nuk kursehen aspak me çmenduritë e tyre, nga modeli i flokëve, deri te veshjet absurde. Bellerin madje, është kritikuar shpeshherë për imagjinatën e tij të shfrenuar, ku nuk ka ngurruar të provojë as veshje femrash në puntata mode.

 

Hector Bellerin

Ndërsa Gnabry, është “maniak” i stileve të çuditshme të flokëve. Klasi i gjeneratave të “vjetra”, është shumë ndryshe nga çmenduritë që futbollistët e rinj bëjnë sot./abcnews.al

 

Serge Gnabry
film_ant_man_and_the_wasp_00793_c0-79-3157-1919_s885x516.jpg
So Nila13:20 | 20/03/2020

Pandemia e koronavirusit i ka bërë të famshmit të sillen jo si zakonisht. Vanessa Hudgens tha se njerëz do të vdesin dhe s’ke ç’i bën, Gal Gadot detyroi miqtë të këndonin “Imagine” të John Lennon dhe Evangeline Lilly po refuzon të karantinohet.

Edhe pse është bërë mëse e qartë që duhet të distancohemi nga njerëzit, aktorja e “Lost” dhe “Ant Man” nuk do të rrijë në shtëpi për të parandaluar transmetimin nga njeriu në njeri. Përveçse po injoron paralajmërimet e OBSH-së, ajo e deklaroi në Instagram se po vë në rrezik familjen dhe gjithë ata që kanë kontakt me familjen e saj. Meqë jemi këtu, aktorja ka imunitet të dobët dhe jeton me babain e saj, që vuan nga leuçemia e gradës së katërt, që e bën sjelljen e saj edhe më të rrezikshme.

Ajo postoi në Instagram foton e një filxhani çaji me përshkrimin: “Sapo çova fëmijët në kampin e gjimnastikës. Lanë duart para se të hynin. Po luajnë dhe po qeshin.” Kur ndjekësit ia vunë në dukje sa e papërgjegjshme ishte sjellja e saj, Evangeline iu përgjigj:

“Situata e tanishme më duket si shtetrrethim, e gjitha prej një gripi respirator. Është e lodhshme. Le të tregohemi vigjilentë. Dhe të sjellshëm. Të vëmendshëm dhe të hijshëm… të kthejmë sytë nga liderat tanë që të mos e përdorin këtë moment për të na vjedhur liritë dhe për të mos abuzuar me pushtetin.”

Gjithashtu shtoi: “Kam dy fëmijë. Disa njerëz vlersojnë jetën më shumë se lirinë, disa njerëz vlerësojnë lirinë më shumë se jetën. Të gjithë bëjmë zgjedhjet tona.”

Po sikur t’i vlerësojmë të dyja që të kemi jetë për të jetuar dhe liri?/abcnews.al

Capture-87.png
So Nila12:35 | 20/03/2020

Mori më shumë kohë se ç’mund të mendonim në fakt vendimi për shtyrjen e Festivalit të Kanës, por më në fund kemi zyrtarisht një njoftim, ky eveniment shtyhet në një datë tjetër për shkak të pandemisë së koronavirusit.

“Në kohën e një krize shëndetësore globale, të gjitha lutjet tona shkojnë për viktimat e shkaktuara nga virusi Covid-19 dhe gjithashtu shprehim solidaritetin tonë për ata që janë duke luftuar ndaj kësaj sëmundjeje”, janë shprehur organizatorët e festivalit.

Në një situatë normale, ky eveniment do të mbahej nga data 12 deri në 23 maj, por pas zhvilllimeve të fundit, duke shpresuar në një kohë më të mirë, festivali do të mbahet gjatë stinës së verës, potencialisht në fund të qershorit ose në fillim të korrikut.

“Sapo të kemi një panoramë të qartë të situatës nga ministria e shendetit në Francë, do të kemi datën e mbajtjes së festivalit për të gjithë adhuruesit e kinematografisë, të cilët presin me padurim zhvillimet e fundit nga bota e filmave.”

Deri 6 ditë më parë, organizatorët kishin nisur përgatitjet për mbajtjen e festivalit, “pjesëmarrësit po punonin për të përgatitur eventin në javën e dytë të majit”, ata u shprehën gjithashtu se nuk e kishin menduar që përhapja e koronavirusit do të ndikonte jetën publike. Në Francë janë infektuar mbi 100,000 njerëz dhe kanë humbur jetën më shumë se 370 të tjerë.

Kjo është hera e parë në historinë e Kanës që një festival shtyhet në një datë tjetër./abcnews.al

5e592adba9f40c50e60e9516.jpg
So Nila10:15 | 20/03/2020

Që nga shpërthimi i koronavirusit, personazhe të famshëm kanë  treguar mbështetjen e tyre, ose të paktën angazhimin, në mediat sociale, shpesh me qasje të ndryshme.

Disa kanë treguar natyrën e tyre simpatike dhe të dashur, ndërsa të tjerët kanë  treguar një sens humori – i cili nganjëherë ka shfaqur edhe reagime tek fansat , pasi shumë mund të mendojnë se nuk është koha e duhur për shaka.

Më poshtë janë disa  nga reagimet  ndaj shpërthimit të Covid-19:

1.Coldplay

 

Performanca në shtëpi kishte për qëllim rritjen e moralit dhe shpirtit të fansave që janë në shtëpi të vetë-karantinuar . Martin performoi hitet më të mëdha të grupit Yellow , Trouble , Viva La Vida , A Sky Full of Stars and Up & Up  me një kitarë piano dhe akustike.

2.John Legend

 

Artist amerikan John Legend, tregoi vlerësimin e tij për gjestin e Coldplay  dhe realizoi po të njëjtën gjë  më 18 mars.

3.Vanessa Hudgens

Aktorja Vanessa Hudgens, e njohur më shumë për interpretimin e Gabriella Montez në serialin muzikor të Disney , ka treguar një anë të pandjeshme për shpërthimin e virusit. Në Instagram, ajo tha: ““Është një virus që e respektoj atë, por në të njëjtën kohë, të gjithë mund të infektohemi , si, po, edhe njerëzit do të vdesin. Është e tmerrshme, por, e pashmangshme? përfundoi Vanessa videon me një shaka. Pas reagimeve kundër saj ajo më vonë kërkoi falje për të gjithë.

4.Naomi Campbell, Kim Kardashian dhe Bella Hadid

Supermodelja Naomi Campbell e ka marë shumë seriozisht mbrojtjen e saj nga virusi duke u veshur  me një kostum të bardhë  Hazmat,  një maskë blu, syze dhe doreza gjatë një fluturimi për në Aeroportin Ndërkombëtar të Los Angeles.

Të njëjtën gjë postoi edhe Kim Kardashian dhe Gigi Hadid.

5.Ariana Grande, Taylor Swift dhe Lady Gaga

Yjet e popit Ariana Grande, Taylor Swift dhe Lady Gaga nuk e kanë marrë lehtë shpërthimin. Ato  kanë këshilluar fansat e tyre në mediat sociale të tregohen të kujdesshëm në lidhje me përhapjen e virusit duke praktikuar distancën sociale për të parandaluar përhapjen e mëtejshme, e cila është një nga metodat më jetësore për të luftuar virusin.

6.Miley Cyrus, Mark Ronson dhe Diplo

Çfarë kanë të përbashkët ylli i pop-it Miley Cyrus dhe DJ-producentët Diplo dhe Mark Ronson?

Ata i rikujtuan ndjekësve të tyre që gjithmonë t’i lajnë duart – në një mënyrë komike. Miley Cyrus dhe Mark Ronson i qëndruan besnik artit të tyre duke treguar teknikat e larjes së duarve me muzikë.

View this post on Instagram

seriously

A post shared by Thomas Wesley (@diplo) on

7.Katy Perry dhe Justin Bieber

Katy Perry dhe Justin Bieber dërguan lutje dhe mesazhe pozitive duke postuar video për të treguar mbështetjen e tyre për viktimat e koronavirusit, veçanërisht në Kinë, që ishte epiqendra e shpërthimit./abcnews.al

k-24-600x312-1.jpg
So Nila10:08 | 20/03/2020

Banorët e “Big Brother” në Gjermani të cilët u futën në 6 shkurt, nuk kanë qenë të vetëdijshëm për situatën e rëndë që ka përfshirë gjithë botën.

Kur ata hynë në shtëpinë e famshme, koronavirusi sapo kishte filluar të përhapet dhe ata nuk e mendonin kurrë se do kishte përmasa kaq të mëdha.

Të 14 personat morën vesh mbrëmjen e djeshme situatën për koronavirusin në një lidhje drejtpërdrejt me moderatorin e spektaklit.

Ata u shokuan të gjithë dhe filluan të përloten. Nisën të shqetësoheshin për familjarët e tyre, por regjia ia mundësoi lidhjen e tyre me Skype.

Në shtëpi filloi të mbizotëronte heshtja dhe të gjithë banorët e kishin shumë të vështirë ta pranonin situatën.

Regjia nuk kishte vendosur t’i tregonte për pandeminë e përhapur në të gjithë botën, por vendimin për t’i informuar ata e mori pas kritikave të shumta që u bënë nga publiku. Të gjithë mendonin se do ishte e padrejtë që banorët të mos e dinin se çfarë po ndodhte jashtë me familjarët e tyre./abcnews.al

 

 

1638.jpg
So Nila08:55 | 19/03/2020

Playboy, një nga revistat më të njohura në botë, ka njoftuar se nuk do të  publikojë këtë javë  numrin e ri të revistës, e fundit për vitin 2020.

Në një njoftim të bërë në Medium , CEO i Playboy Enterprises, Ben Kohn, tha se vendimi për të ndaluar publikimin e revistës  e cila ka qenë çdo tremujor që nga viti 2019, kishte kohë që diskutohej për shkak të situatës të krijuar nga koronavirusi.

“Ne do të realizojmë publikimin e revistës në mënyrë dixhitale me të  gjithë përmbajtjen e saj duke përfshirë edhe intervistat, 20Q, Këshilltarin e Playboy dhe natyrisht fotot tona të Playmate,” vazhdoi ai.

Megjithatë shtypja me shkrim do të mbetet forma e tyre e publikimit të revistës.

Revista Playboy u themelua nga Hugh Hefner në 1953, dhe që nga atëherë është bërë një markë globale, duke përfshirë shfaqje TV, vendpushime, klube, dhe ngjarje të mëdha. Ajo ka botuar vepra nga shumë shkrimtarë të mirënjohur, përfshirë Joyce Carol Oates, James Baldwin, Margaret Atwood dhe Saul Bellow, por në fillimet e saj u bë e njohur për fotot nudo që shkaktuan revolucion seksual./abcnews.al

111337972_vanessahudgens.jpg
So Nila08:40 | 19/03/2020

Ndërkohë që të gjithë po shpërndajnë online mesazhe ndëgjegjësuese dhe qetësuese për situatën me të cilën po përballet bota për shkak të koronavirusit, Vanessa Hudgens bëri komentin më të papërshtatshëm. Në vend që të tregohej shpresëdhënëse me ndjekësit, ajo tha diçka krejt të pandjeshme lidhur me koronavirusin që po merr jetë njerëzish.

Në një video ‘live’ në Instagram, aktorja u shpreh:

“Hmm, po, deri në korrik duket një kohë e gjatë, më vjen keq. Është një virus, e kuptoj, e respektoj. Në të njëjtën kohë, nëse infektohemi të gjithë, njerëz do të vdesin… gjë e cila është e tmerrshme, por e paevitueshme. Nuk e di, ndoshta s’duhet ta them këtë tani.”

Kaq majftoi që rrjeti të kthehej kundër saj dhe me të drejtë. Disa prej tyre i sugjeruan të kërkojë falje për fjalët e pandjeshme që tha. Në fakt, nuk vonoi shumë që Hudgens t’u drejtohej sërish rrjeteve sociale për të kërkuar ndjesë.

 

“Isha ‘live’ në Instagram dhe sot po shoh që fjalët e mia janë nxjerrë jashtë kontekstit. Është një kohë shumë shumë e vështirë. Unë jam mbyllur në shtëpi dhe shpresoj që edhe ju të jeni duke bërë të njëjtën gjë. Të qëndroni të sigurt në karantinë. Nuk e kam marrë lehtë këtë situatë, në asnjë kuptim.

Më falni nëse kam fyer dikë dje. E kuptoj që fjalët e mia ishin të pandjeshme dhe të papërshtatshme për situatën në të cilën ndodhet vendi dhe bota tani. Kjo ishte një thirrje se sa rëndësi kanë fjalët e mia në këto momente”, -është shprehur ajo./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono