Bota

usa-1280x720.jpg
Sid Orela18:44 | 29/03/2020

Një ekspert i shëndetit në SHBA ka paralajmëruar se numri i personave që mund të humbin jetën në vend mund të jetë më i madh se 100,000.

Anthony Fauci, eksperti kryesor i qeverisë amerikane për sëmundjet e infeksionit, thotë gjithashtu në Shtetet e Bashkuara me miliona persona mund të infektohen me koronavirusin, shkruan abcnews.al

Parashikimet e tija Fauci i bëri ndërsa fliste në një program të rrjetit CNN të dielën, në një kohë që qeveria e vendit pret që të mos i mbajë gjata masat e vendosura për distancim social.

Gjatë fjalës së tij, ai u shpreh:

“Mund të thoja që mund të shkojnë diku tek 100,000 -200,000 vdekje. Mund të kemi me miliona raste të konfirmuara. Por nuk dua të mbahem vetëm tek kjo pasi pandemia është një objektiv kaq i lëvizshëm.”

Kujtojmë këtu se Shtetet e Bashkuara të Amerikës qëndrojnë tashmë në vendin e parë si vendi më i prekur në botë nga koronavirusi. SHBA-të numërojnë 125,308 raste të konfirmuara me Covid-19 deri më tani ndërsa numri i viktimave është 2,246.

Por, pavarësisht rasteve në rritje, qeveria po konsideron “zbutjen” e masave në zona që nuk janë prekur shumë nga epidemia, ndërsa vendi ka 15 ditë kohë për të ngadalësuar përhapjen e virusit. /abcnews.al

thai-king.jpg
Sid Orela17:34 | 29/03/2020

Mbreti i Tajlandës Maha Vajiralongkorn është vetë-izoluar në një hotel luksoz në Alpe me qëllim që të jetë i sigurt nga koronavirusi. Mbreti, i cili njihet gjithashtu edhe si Rama X, thuhet të ketë prenotuar të gjithë hotelin Sonnenbichl,  për vete dhe haremin e tij prej 20 grash.

Hoteli me katër yje në Garmisch-Partenkirchen, Gjermani ka marrë “leje speciale” nga këshilli i rrethit për t’i strehuar sepse “të ftuarit janë një grup i vetëm, homogjen i njerëzve pa luhatje”, thuhet raportimet e mediave, shkruan abcnews.al

Thuhet gjithashtu se 119 anëtarë të stafit të tij janë dërguar në Tajlandë pasi dyshohet që mund të jenë të sëmurë me COVID-19.

Gjithsesi, izolimin e mbretit me 20 gra nuk e kanë marrë edhe aq mirë qytetarët e vendit të tij. Me mijëra tajlandëzë u janë drejtuar mediave sociale për të kritikuar mbretin, duke thyer ligjin sipas të cilit kush fyen apo kritikon madhërinë e tij mund të përfundojë në burg për 15 vite. /abcnews.al/

merlin_169905456_c2bf98c3-c590-454e-94f2-f7d4dbba93dd-articleLarge.jpg
Sid Orela17:09 | 29/03/2020

Një djalë 14-vjeçar nga Portugalia besohet të jetë një nga personat më të rinj në moshë që kanë ndërruar jetë si pasojë e koronavirusit në Evorpë. Adoleshenti nga Ovari, raportohet të ketë ndërruar jetë në orët e para të së dielës pasi u dërgua me urgjencë në spitalin Sao Sebastiao.

Thuhet se 14-vjeçar vuante nga psoriaza, por veç kësaj nuk ka pasur probleme të tjera madhore shëndeti. Lajmi për vdekjen e tij vjen shumë pak ditë pasi një 16-vjeçare franceze që quhej Julie Alliot ndërroi jetë si pasojë e koronavirusit, shkruan abcnews.al

Edhe adoleshentja franceze nuk kishte pasur probleme të mëparshme shëndetësore. Si fillim ajo kishte pasur vetëm një kollë të lehtë dhe më pas gjendja e saj u përkeqësua.

Nuk dihet ende identiteti i adoleshentit portugez, ndërsa mediat raportojnë se mjekët vendosin të mos ta transferonin tek një spital pediatrik pasi ndodhej në gjendje të rëndë dhe nuk e dinin nëse mund ta përballonte udhëtimin.

Përpara këtij rasti tragjik, Alliot ishte viktima më e re në moshë nga koronavirusi në Evropë. /abcnews.al

koronavirussssss.jpg
ger ta16:59 | 29/03/2020

Ish drejtoresha e përgjithshme e Organizatës Botërore të Shëndetit (OBSH), Dr Gro Harlem Brundtland ka deklaruar se përhapja e pandemisë së Covid-19 është  rezultat i mungesës “gatishmërisë së botës”.

Brundtland, e cila ishte kryeministrja e parë grua e Norvegjisë, është bashkë-kryetare e Bordit të Monitorimit Global të Përgatitjes së OBSH-së dhe Bankës Botërore, e cila publikoi një raport në shtator 2019 duke paralajmëruar një “pandemi shumë vdekjeprurëse”.

“Ajo që ne kemi tani është një katastrofë e paralajmëruar,” tha ajo për BBC.

“Ne pamë boshllëqe të mëdha alarmante në gatishmërinë e botës dhe gjetëm prova bindëse të një kërcënimi shumë të vërtetë.”

“Nuk është vonë, por ne duhet të merremi me faktin se ne jemi tashmë në këtë, që do të thotë të kushtojmë vëmendje në mobilizimin e fondeve dhe të jemi të vetëdijshëm për marrjen e pajisjeve që janë të nevojshme.”/abcnews.al

spain-1-1280x720.jpg
Sid Orela16:22 | 29/03/2020

Autoritetet  spanjolle kanë njoftuar se të pakëtn 838 persona të tejrë kanë ndërruar jetë si pasojë e kronavirusit në vend. Me numrin e madh të personave që kanë ndërruar jetë vetëm gjatë 24 orëve të fundit, bilanci total i viktimave në vend rritet në 6,528.

Ministria e Shëndetësisë në vend njoftoi gjithashtu se janë konfirmuar edhe 6,500 raste të reja me Covid-19 duke e çuar numrin e përgjithshëm të të infektuarve në 78,797, shkruan abcnews.al

Kryeministri i vendit Pedro Sanchez njoftoi masat e mëtejshme shtrënguese për të mbajtur nën kontroll epideminë. Ashtu si në shumë vende të botës, edhe në Spanjë tashmë shumica e punëve do të bëhen nga shtëpi për dy javët në vazhdim.

Sanchez u shpreh:

“Ky vendim do të na lejojë që të reduktojmë numrin e personave të infektuar në një mënyrë më eficente.”

Kryeministri spanjoll kërkoi gjithashtu nga Bashkimi Evropian që të formohet një “ strategji e përbashkët ekonomike dhe sociale”, në mënyrë që t’u vijë në ndihëm vendeve për t’u përballur me krizën. /abcnews.al/

1197353972.jpg.0.jpg
eri Ida14:25 | 29/03/2020

Ndërsa Italia është duke përgatitur një dekret të ri për të mbyllur çdo aktivitet për dy javët e ardhshme, duke nisur nga data 3 Prill, në Gjermani po vijon proçesi i një testi të madh kombëtar.

Sipas gazetarit Udo Gumpel, objektivi i qeverisë Gjermane është të kuptojë se sa janë qytetarët që i zotërojnë tashmë anti-trupat ndaj koronavirusit në gjak. Në këtë mënyrë do të përcaktohej se kush është i mbrojtur, dhe, sipas Gumpel, qëllimi është që t’u jepet këtyre personave dokument për t’iu rikthyer jetës normale.

Në një fazë të parë, testi presupozohet të prekë rreth 100.000 persona dhe parashikohet të aplikohet në fund të muajit Prill. Virologia Italiane Ilaria Capua është shprehur mbi iniciativën e testit të madh kombëtar në Gjermani se vetëm kjo metodë do t’i jepte të dhënat më të dobishme qeverisë.

 “Kjo është rruga e vetme për një qasje kombëtare dhe jo fragmentare, e cila i jep qeverisë të dhëna të dobishme dhe të besueshme. Vetëm në këtë mënyrë mund të ndërmerren vendime në lidhje me rikthimin në normalitet”, është shprehur Ilaria Capua.   

Koronavirusi nuk është vetëm një problem shëndetësor. Është gjithashtu një problem politik dhe ekonomik.

Qeveria Gjermane ka deklaruar se edhe përgjatë muajit prill do vazhdojë t’i mbajë të mbyllura aktivitetet tregtare, por testi kombëtar do të shërbejë gjithashtu si mjet i cili gradualisht do t’i mundësojë një pjese të qytetarëve rekuperimin e vendeve të punës, dhe ekonomisë një rimëkëmbje të pjesshme. /abcnews.al

WhatsApp-Image-2020-03-29-at-14.46.08.jpeg
eri Ida14:15 | 29/03/2020

Kryeministri italian Giuseppe Conte ka reaguar për mbërritjen në Itali të skuadrës prej 30 mjekësh e infermierësh për t’ju bashkuar bluzave të bardha në vijën e parë të luftës kundër COVID-19.

Conte përmes një postimi në rrjetin social Facebook ka shpërndarë fjalimin e homologut të tij, Edi Rama, ku ka falënderuar autoritetet shqiptare.

Grazie 🇦🇱

Gepostet von Giuseppe Conte am Sonntag, 29. März 2020

“Faleminderit”, shkruan Conte, ndërsa ka publikuar dhe ikonën e flamurit shqiptar.

Kujtojmë se Rama ishte dje në Rinas për të përcjellë ekipin shqiptar, ndërsa theksoi se Shqipëria e bëri këtë në shenjë solidariteti, duke shtuar se; “pavarësisht se nuk jemi të pasur, shqiptarët nuk e harrojnë mikun në vështirësi”.

boris.jpg
eri Ida10:25 | 29/03/2020

Kryeministri britanik Boris Johnson ka dërguar letër në çdo familje në Britaninë e Madhe ku thekson se kriza e koronavirusit do të përkeqësohet përpara se të përmirësohet. Johnson i cili është konfirmuar pozitive me COVID-19 është shprehur se kufizimet më të rrepta mund të vendosen nëse është e nevojshme.

Gjithahstu në kuadër të masave të marra nga qeveria, britanikët do të marrin një broshurë që detajon rregullat e qeverisë për të lënë shtëpinë dhe informacionin shëndetësor.

Reagimi i tij pason kritikat mbi qartësinë e këshillave të qeverisë deri më sot.

Në letrën që u dërgohej 30 milion familjeve me një kosto të parashikuar prej 5.8 milion paun, Z. Johnson shkruan: “Që nga fillimi, ne kemi kërkuar të vendosim masat e duhura në kohën e duhur.

“Ne nuk do të hezitojmë të shkojmë më tej nëse kjo është ajo që na thotë këshilla shkencore dhe mjekësore.”

Masat e ashpra për të trajtuar përhapjen e koronavirusit, përfshirë ndalimin e tubimeve publike të më shumë se dy personave dhe mbylljen e dyqaneve që shesin mallra jo thelbësore, u prezantuan javën e kaluar.

“Është e rëndësishme për mua të rreshtohem me ju – ne e dimë se gjërat do të përkeqësohen para se të përmirësohen”, thuhet në letër.

Ndërkohë deri më tani numri i personave që kanë vdekur me koronavirus në Mbretërinë e Bashkuar tani ka arritur në 1,019, ndërsa të shtunën humbën jetën 260 persona. Ndërsa numri i personave të prekur nga koronavirusi në Britani është në 17.089 raste./abcnews.al

 

papaaaa.gif
eri Ida08:58 | 29/03/2020

Papa Francescu këtë të dielë ka mbajtur meshën në nderim të viktimave të shkaktuara nga koronavirusi. Papa e ka quajtur 29 marsin “E diela e Loteve”, dhe ka zhvilluar meshën në nderim të 889 viktimave që humbën jetën një ditë më parë në Itali, ku numri i viktimave ka arritur mbi 10.000 vdekje.

Papa Francesku përpos lutjeve, ka theksuar faktin se sipas të dhënave zyrtare, fatmirësisht ka më pak të infektuar si dhe shumë përsona të tjerë janë shëruar.

“Unë mendoj dhe lutem  për kaq shumë njerëz që qajnë, njerëz të izoluar, në karantinë, të moshuarit, të shtruar në spital, njerëzit në kujdesin intensiv, prindërit që nuk kanë se çfarë ti japin për të ngrënë fëmijëve të tyre”, u shpreh Papa Francesku./abcnews.al

mgh-wedding-coronavirus-epidemiologists.jpeg
eri Ida08:52 | 29/03/2020

E gjithë bota tashmë ëhstë nën pushtetin e koronavirusit, jeta sociale e qytetarëve në shumë vende ka ndryshuar dhe ato po pështaten me kushtet dhe masat që secili shtet ka ndërmarrë në kuadër të mbrojtjes për përhapjen e COVID-19.

Çdo ceremoni gëzimi është shtyrë gjatë kësaj periudhe që secili është nën ankthin e koronavirusit. Epidemiologët Jen Andonian dhe Matt Shearer kishin planifikuar të martoheshin në datën 20 mars, por për shkak të pandemisë ceremoninë e tyre e kanë shtyrë.

Ndërkohë stafi i spitalit ku ato punonin i ka suprimuar me një ceremoni modeste. Të gjithë miqtë ishin të pajisur me maska dhe doreza dhe normalisht po zbatonin distancimin shoqëror për të parandaluar përhapjen e koronavirusit.

Ndërkohë çifti duket se nuk kanë arritur që ta respektojnë deri në fund distancën me njëri-tjetrin pasi në fund janë puthur.

Kjo është një ndër dasmat më të çuditshme në kohë pandemie. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono