Loading ...
Cesar Azpilicueta ka mbetur i surprizuar nga një lojtar skuadre. Sezonin e kaluar tregoi cilësitë e tij, ndërsa sivjet me Lampard është shumë më mirë dhe më protagonist.
Flasim për Jorginhon, mesfushorin italo-brazilian. Pasimet e sakta janë një specialitet i mesfushorit, por kapiteni spanjoll është befasuar edhe nga serioziteti dhe impenjimi brenda dhe jashtë fushës.
“Sezonin e kaluar po bënte atë që i kërkonte trajneri (Sarri). Ndryshe po ndodh këtë sezon me Lampard. Jorginho është përshtatur me trajnerin e ri, luan më vertikalisht, bën ndryshime të lojës me topa të gjatë dhe furnizon sulmuesit me pasime. Ritmi i tij ka qenë fantastik. Di të lexojë ndeshjen, të rikuperojë topin dhe i pëlqen të sulmojë. Ai është një lojtar shumë i rëndësishëm për ne”, thekson Azpilicueta për Goal.
Chelsea do përballet sonte me Lilën në transfertë. “Blutë e Londrës” humbën sfidën e parë të Champions League në shtëpi përballë Valencias dhe sot do të tentojnë tre pikët e para. /abcnews.al
