Gjithsej 39 të burgosur palestinezë janë liruar nga burgjet izraelite në këmbim të një grupi pengjesh të mbajtura nga Hamasi të premten në mbrëmje, raporton BBC.
Grupi prej 24 femrash dhe 15 djemsh adoleshentë u lirua nëpër pikën e kontrollit Beituniya në Bregun Perëndimor të okupuar. Ata më pas do të lejohen të kthehen në shtëpi, sipas shërbimit të burgut të Izraelit. Të arrestuarit u zgjodhën nga një listë prej 300 grave dhe të miturve të përpiluar nga Izraeli.
Më pak se një e katërta e atyre në listë janë dënuar – shumica dërrmuese po mbahen në paraburgim në pritje të gjykimit. Shumica e të listuarve janë djem adoleshentë – 40% e tyre nën moshën 18 vjeç. Ka gjithashtu një vajzë adoleshente dhe 32 gra.
Hamasi liroi gjatë ditës së sotme 13 pengje izraelite, si pjesë e marrëveshjes. Kjo praktikë do të vazhdojë edhe për tre ditë.
