Loading ...
Harrohet përvjetori i 30 vjetorit të vdekjes së Martin Camajt nga institucionet kulturore. Justifikimi me ditët e pushimit për studiuesin Primo Shllaku është i qëllimshëm.
Regjistrimi me zërin e tij : “Unë jam i jueji e ju jeni të mitë”, sipas Shllakut është kërcënim.
Studiuesi Primo Shllaku çmon vlerat poetike, si urë lidhëse mes letërsisë së viteve 40-30 me atë të 1990. Poezia sipas Shllakut është pasqyra më autentike e udhëtimit të tij të brendshëm shpirtënor.
Aty ai rrëfehet thellë e ndërton pozicionet e tij estetike e artistike të vijimësisë së letërsisë shqipe që nuk duhet të hynte në eksperimentin e realizmit socialist. Në nder të shkrimtarit, poetit dhe albanologut të shquar shqiptar do të mbahet edhe një ceremoni përkujtimore madhështore në Austri, ndërkohë që atdheu i tij e harron.
“Ai mbeti i lidhun me gjuhën shqipe e me kujtimet e tij të vendlindjes, me botën shqiptare e me malet e peisazhet e tyne të virgjëna që do të ishin drita e fundit që duhet të jetë shue në kokën e poetit atë ditë fillimpranvere këtu e tridhjetë vjet ma pare,” thekson Shllaku.
Veprimtaria e tij letrare në harkun 45 vjeçar ka disa shkallë zhvillimi. Ai e nisi me poezinë, zhanër pas të cilit i mbeti besnik gjithë jetën, kurse gjatë viteve të fundit u përqendrua shumë tek proza. /abcnews.al/
