Loading ...
Franca u zgjua këtë të martë në një tjetër ditë përvëluese, me pjesën më të madhe të popullsisë të ekspozuar ndaj temperaturave ekstreme që përbëjnë rrezik për shëndetin.
Termometri do të tregojë vlera të larta gjatë gjithë kohës, ndërsa ndërsa shërbimi kombëtar i motit, Meteo France, vendosi 54 departamente, rreth gjysmën e vendit, nën një alarm të kuq për valë të nxehti.
Që nga fundjava janë raportuar rreth 40 vdekje nga mbytjet, teksa qytetarët përpiqen të freskohën në pishina, lumenj apo plazhe.
Përtej Kanalit Anglez, Zyra Meteorologjike lëshoi një paralajmërim të kuq për nxehtësi ekstreme për të mërkurën dhe të enjten, me parashikime që sugjerojnë se rekordi i temperaturës ditore të të gjitha kohërave i qershorit mund të thyhet.
Në Itali, Ministria e Shëndetësisë ka lëshuar buletine të valës së nxehtësisë të nivelit të tretë për disa qytete, duke përfshirë Bolonjën, Firencen, Milanon, Romën, Torinon, Venecian dhe Veronën për të martën dhe të mërkurën.
Në Zvicër janë dhënë alarme të nivelit të katërt për valën e nxehtësisë për pjesë të vendit, duke përfshirë veriperëndimin e vendit dhe rajonin e Liqenit të Gjenevës.
Ndryshimet klimatike të shkaktuara nga njeriu janë të lidhura me mot gjithnjë e më ekstrem, dhe pesë vitet e ardhshme pritet të thyejnë më shumë rekorde të nxehtësisë.
Vala e të nxehtit është jashtëzakonisht intensive dhe po vjen shumë herët në verë, teksa Europa është kontinenti që po ngrohet më shpejt në botë, me temperatura që rriten dy herë më shpejt se mesatarja globale që nga vitet 1980.
