franca

Benzema-e1585562410405.png
Vladimir Prenga13:40 | 01/04/2020

Oliver Giroud e ka thyer heshtjen. Karim Benzema, i ngacmuar për të krahasuar veten me sulmuesin e Chelsea, e pa të pavend diçka të tillë. Futbollisti i Real Madrid tashmë ka marrë edhe një përgjigje nga sulmuesi i “Gjelave”.

“Çfarë jam unë, një go-kart?”, pyet sulmuesi, teksa flet për Befoot. Më pas ai shton me ironi: “Një kampion bote go-kart”. Një mesazh i qartë për Benzema, i cili është lënë jashtë kombëtares franceze që në vitin 2018 për shkak të çështjes “Mathieu Valbuena”.

DEKLARATAT E BENZEMA -“Kush është më i fortë mes meje dhe Giroud? Do të përgjigjem njëherë e përgjithmonë dhe do flas shkurt: mos ta ngatërrojmë Formula 1 me Kart. Po tregohem i sjellshëm madje. Nuk do të flas më për të, di të them që unë jam Formula 1”.

Kjo deklaratë e bërë nga Karim Benzema, në një lidhje “live” në Instagram bëri bujë në media, ndërkohë që francezi bëri më pas edhe një sqarim tjetër: “Disa njerëz u morën vetëm me atë pjesën rreth Giroud dhe Formula 1, por nuk e vunë re çfarë thashë unë për atë që ai i ka sjellë kombëtares franceze.

Ata u fokusuan vetëm te pjesa ku fola për Formula 1 dhe Kart, por është ajo që mendoj dhe e vërteta. Shikoni, nëse do të më pyesnin për Ronaldo fenomenin, atëherë ai do të ishte Formula 1 dhe unë Kart. Shkurt dhe thjeshtë”. /abcnews.al

8de9b7fd-d0ba-4838-ae72-ce5bfe4e4cc8-1280x854.jpg
So Nila14:51 | 31/03/2020

Presidenti francez Emmanuel Macron ka premtuar se do t’i japë 4 miliardë euro Sante Publique France, një agjenci e shëndetit publik, për të prodhuar maska ​​dhe ventilatorë.

Macron, duke folur me një fabrikë të prodhimit të maskave në Saint Barthélemy d’Anjou, theksoi rëndësinë e prodhimit të maskave në Francë.

Ai tha se “përparësia jonë është të prodhojmë më shumë maska në Francë”, duke shtuar se “qëllimi është që deri në fund të vitit ne të kemi arritur pavarësi të plotë” në prodhimin e maskave.

Rritja e prodhimit të maskave do t’i lejojë Francës të rrisë kapacitetin nga 3.3 milion maska ​​në javë ,në 15 milion deri në fund të prillit.

Rikujtojmë se Franca ka porositur 1 miliard maska ​​nga Kina./abcnews.al

Griezmann-2-e1580460052338.jpg
Igli Nikolli14:33 | 31/03/2020

Antoine Griezmann ndjen mall për ndeshjet. Sulmuesi i Barcelonës po qëndron i izoluar në shtëpi dhe futbolli i mungon shumë. Ai ka dhënë një prononcim për Marca, aty ku tregon dëshirën për të pasur sërish numrin 7 që mbante te Atletico Madrid dhe flet rreth shtyrjes së Euro 2020 prej koronavirusit.

Më mungon shumë futbolli, por në këtë moment e dimë që gjëja më e mirë është bllokimi i gjithçkaje dhe qëndrimi në shtëpi. Realisht nuk e dimë fare se kur do të kthehemi të luajmë. Gjendja ime? Le të themi që jam mirë.

Sa i përket shtyrjes së Europianit, nga një anë më vjen keq dhe nga një anë ishte diçka e mirë për Francën. Kishim shumë futbollistë të dëmtuar. Do të më pëlqente të mbaja veshur përsëri fanellën me numër 7 kur të rinisë gjithçka”, deklaron Griezmann. /abcnews.al

Benzema-e1585562410405.png
Igli Nikolli11:37 | 30/03/2020

Shantazhi ndaj Mathieu Valbuena qëlloi fatal për Karim Benzema. Federata franceze e përjashtoi nga kombëtarja sulmuesin e Real Madrid në vitin 2015 dhe postin e titullit e fitoi Oliver Giroud. Sulmuesi i Chelsea u shpall kampion bote me shokët e tij dy vite më parë në Rusi, aty ku do të kishte dashur të merrte pjesë edhe Benzema.

Ky i fundit ka bërë një deklaratë që nuk do pëlqehet aspak nga Giroud. Thumbimet dhe ironia nuk kanë munguar në bisedën që Benzema ka bërë me një nga miqtë e tij në rrjetet sociale.

Kush është më i fortë mes meje dhe Giroud? Do të përgjigjem njëherë e përgjithmonë dhe do flas shkurt: mos ta ngatërrojmë Formula 1 me Kart. Po tregohem i sjellshëm madje. Nuk do të flas më për të, di të them që unë jam Formula 1”, deklaron Benzema. /abcnews.al

Hidalgo-e1585258336283.png
Igli Nikolli21:34 | 26/03/2020

Ka mbyllur sytë përgjithmonë personi që i dhuroi trofeun e parë ndërkombëtares Fracnës. Michel Hidalgo ishte trajner i “gjelave” për 8 vite radhazi (1976-1984). Në vitin e fundit fitoi Europianin me një skuadër që kishte në përbërje emra si Michel Platini, Jean Tigana, Luis Fernandez dhe Alain Giresse.

Pas suksesit të madh ia la detyrën ndihmësit të tij dhe qëndroi për dy vite si drejtor teknik i kombëtares. Sot është larguar nga kjo botë në moshën 87-vjeçare pas një beteje të gjatë me një sëmundje me të cilën luftonte prej kohësh. /abcnews.al

erisa-negociatat-1280x539.jpg
nev ila14:40 | 24/03/2020

27 ministrat e Bashkimit europian kanë dhënë mbështetje politike për hapjen e negociatave më Shqipërinë dhe Maqedoninë e Veriut.

Siç raporton gazetarja e ABC News Erisa Zykaj nesër fillon procedura me shkrim e cila duhet të përfundojë brenda darkës të së mërkurës në mënyrë që ky tekst të jetë gati për aprovimin e 27 kryetarëve të shteteve të qeverive të Bashkimit Europian dhe të bëhet më pas zyrtar.

Ky vendim bëhet zyrtar vetëm pas aprovimit të krerëve të qeverive të BE të 27 vendeve në datën 27 mars.

Një vendim i shumë pritur prej 6 vitesh nga Shqipëria dhe me shtyrje të herëpashershme gjatë këtyre viteve. Gëzimin për këtë lajm nuk e kurseu as komisioneri për zgjerimin Oliver Vaherleyi me anë të një mesazhi përcjellë në llogarinë e tij në Twitter.

Për këtë ka reaguar edhe ministri të çështjeve europiane të Gjermanisë Michael Roth i cili ka mundur të bindë Holandën.

Gjermania ndërkohë ka bindur të gjithë shtetet anëtare duke përfshirë edhe Francën që ishte skeptike. Oliver Varlei ka  provuar se ka bërë diferencën krahasuar me komisionerë të mëparshëm siç ishte Johanes Hahn i cili nuk ke ka patur prioritet këtë.

Tashmë mund të themi se dera e BE është hapur, për të dy vendet. Dhe këto dy vende mund të shkojnë drejt kësaj rruge me ritmin e tyre duke mbërritur në fund të këtij rrugëtimi si anëtare të Bashkimit Europian.

Për Maqedoninë e Veriut është marrë rekomandimi për çeljen pa kushte të negociatave ndërkohë për Shqipërinë do të marrë më shumë kohë.

Janë 3 kushtet kryesore që i janë vënë Shqipërisë për hapjen e negociatave që kanë të bëjnë me aprovimin e reformës zgjedhore sipas rekomandimeve të OSBE/ODIHR, së dyti  me ngritjen dhe funksionimin e Gjykatës së Lartë dhe asaj kushtetuese, së treti ka të bëjë me përfundimin e strukturave të specializuara lidhur me luftën e krimit të organizuar./abcnews.al

26276606-8140823-image-a-46_1584917665965-600x360-1.jpg
So Nila15:00 | 23/03/2020

Franca ka filluar ndërtimin e spitaleve në terren duke ngritur çadra ushtarake. Ky veprim ka ardhur pasi numri i të infektuarëve nga koronavirusi në botë po i kalon 340 mijë persona.

Ushtarët francezë janë fotografuar duke vendosur qendra mjekësore në Mulhouse, i cili së bashku me Alsace, janë zonat më të prekura nga Covid-19.

Kujtojmë se Franca ka mbyllur kufijtë me disa shtete evropiane.

Numri i të infektuarëve vazhdon të rritet me shpejtësi. Deri më tani janë shënuar 674 viktima nga koronavirusi.

Gjithashtu qeveria ka ndërmarrë edhe masat e rëndësishme të distancimit social./abcnews.al

 

 

 

Deschamps.jpg
Igli Nikolli21:11 | 17/03/2020

UEFA vendosi të shtyjë për në verën tjetër Europianin që ishte programuar të niste në 12 qershor. Ky vendim është pritur mirë nga Didier Deschamps, trajneri i Francës, skuadrës kampione të botës. Deschamps ka analizuar situatën e vështirë me një komunikatë për shtyp dhe bën thirrje për të gjithë njerëzit për të fituar ndeshjen më të rëndësishme, atë kundër koronavirusit.

Shtyrja e Europianit ishte një vendim i mençur. Prioritetet tona në këto momente nuk lidhen me futbollin. Mendojmë për njerëzit që po vuajnë dhe të gjithë ata që rrezikojnë të vuajnë në të ardhmen. Është e rëndësishme të kemi prioritete të tjera, duke dhënë shembull përgjegjësie dhe qytetarie. E vetmja ndeshje për t’u fituar është kjo që po luajmë kundër koronavirusit.

Duhet të tregojmë solidaritet, ashpërsi dhe disiplinë. Kjo është ndeshja e ne të gjithëve. Mirënjohje dhe mbështetje për të gjithë ata që janë mobilizuar për të shpëtuar jetë. Le t’u japim një dorë, le të respektojmë me përpikmëri udhëzimet dhe indikacionet. Mbroni veten duke qëndruar në shtëpi sa më shumë të jetë e mundur, mbrojtja e vetes do të thotë mbrojtja e të tjerëve”,përfundon trajneri i Francës. /abcnews.al

merlin_168956511_fb5ed028-0c31-470d-91ad-a0a15f583562-superJumbo-1280x853.jpg
eri Ida21:00 | 14/03/2020

Franca ka shtuar masat kufizuese të lëvizjes së qytetarëve në kuadër të mbrojtjes së përhapjes së koronavirusit që deri më tani ka shënuar 91 viktima dhe mbi 4 mijë të prekur.

Qeveria franceze ka vendosur mbylljen e restoranteve, kafeneve dhe kinemave duke filluar nga dita e dielë.

Kryeministri francez Edouard Philippe në një dalje për mediat është shprehur se shërbimet publike të tilla si bankat, dyqanet ushqimore dhe farmacitë do të lejohen të qëndrojnë të hapura./abcnews.al

5e660b2d8ebedskynews-paris-eiffel-mask-virus_4937267.jpg
So Nila11:20 | 09/03/2020

Kancelari i Austrisë ka thënë se vendet e tjera evropiane do të detyrohen të miratojnë masa të po aq drastike sa ajo e Italisë, pas izolimit total të vendit për të ndaluar përhapjen e shpejtë të koronavirusit.

Ndërsa numri i të infektuarve nga koronavirusi ka shkuar në mbi 110 mijë dhe harta e epidemisë po zgjerohet me shpejtësi, në Francë Presidenti Emmanuel Macron ka mbajtur disa takime të komitetit të sigurisë kombëtare për të zhvilluar një strategji antivirus.

Kancelari austriak Sebastian Kurz ka parashikuar masa të jashtëzakonshme që do të zbatohen në vend për të përmirësuar epideminë, masa që do të jenë shumë të ngjashme me ato në Itali.

Lajmet e mira vazhdojnë të vijnë nga Kina ku masat drakoniane të kontrollit po japin rezultatet e dëshiruara me një ngadalësim të fortë të infeksioneve të reja.

Ndërkohë, në Iran, ku sistemi shëndetësor kombëtar nuk është ndër më të mirët, të gjithë ata po kontribuojnë në dezinfektimet e rrugëve, shesheve dhe vendeve publike.

Sipas autoriteteve në Teheran, vetëm në 24 orët e kaluara në vend ka patur 49 viktima të cilat e kanë çuar numrin e të vdekurve në 194 kurse të infektuarit numërohen në mbi 6500 raste.

Por shifrat që vijnë nga Ministria e Shëndetësisë në Teheran janë të diskutueshme: burimet e shëndetit lokal insistojnë se infeksionet mund të jenë në rendin e dhjetëra mijëra.

Ndërkohë, anija me 150 turistë që po lundronte në lumin Nil vazhdon të mbetet në karantinë pasi u identifikuan 45 persona të infektuar.

Në të gjithë Lindjen e Mesme, linjat ajrore janë duke rritur nivelin e masave paraprake kundër koronavirus në përpjekje për të ndalur një krizë të mundshme, e cila deri tani i ka kushtuar rajonit rreth 100 milion dollarë.

Në SH.B.A., Anthony Fauci, kreu i njësisë së sëmundjeve infektive në Institutin Kombëtar të Shëndetësisë, tha se amerikanët, dhe veçanërisht ata që janë të prekur janë  të ndaluar të marrin pjesë në tubime të mëdha. As nuk mund të përjashtohen karantinat në shkallë të gjerë, tha ai.

Ndërkohë në Itali zonat e karantinës janë shtëpi për rreth 16 milion njerëz dhe përfshijnë rajonet përreth Venecia dhe kryeqytetin financiar, Milano. Kinematë, teatrot dhe muzetë do të mbyllen në të gjithë vendin dhe pushimi është anuluar për punonjësit e shëndetit pasi kryeministri, Giuseppe Conte, tha se vendi po përballet me një emergjencë kombëtare.

Kufijtë e Italisë me Austrinë, Zvicrën dhe Slloveninë mbeten të hapura, por Alitalia, linja ajrore kombëtare, pezulloi të gjitha fluturimet kombëtare dhe ndërkombëtare nga aeroporti i Milanos Malpensa.

Spanja konfirmoi 589 raste – një rritje prej 159 nga e shtuna – dhe 17 vdekje, dhe presidenti i Portugalisë, Marcelo Rebelo de Sousa, konfirmoi  25  të infektuar .

Kolumbia dhe Kosta Rika raportuan rastet e tyre të para të virusit gjatë fundjavës dhe një 64-vjeçar vdiq në Argjentinë, duke shënuar vdekjen e parë të koronavirusit në Amerikën Latine./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono