Pavarësisht presioneve të ditëve të fundit, kryeministri i Kosovës, Ramush Haradinaj, këmbënguli dhe njëherë më shumë se taksa ndaj Serbisë nuk do të hiqet, e në të njëjtën kohë nuk do të ketë as shkëmbim territoresh.
Kryeministri i Kosovës, Ramush Haradinaj, ripërsëriti se taksa ndaj Serbisë nuk do të hiqet deri në momentin që Beogradi do të njohë pavarësinë e vendit. I ngacmuar nga gazetarët kreu i qeverisë, foli dhe për marrëdhëniet mes Kosovës dhe Shteteve të Bashkuara të Amerikës, duke thënë se ata që i përkthejnë vendimet e qeverisë së Kosovës kundër Amerikës, e kanë gabim.
Haradinaj theksoi se taksa nuk është vendosur kundër Amerikës, por kundër Rusisë. tha se Serbia dhe Rusia po përdorin të gjitha kapacitet për zhbërjen e shtetit të Kosovës. Haradinaj foli dhe për mundësitë e ndarjes së Kosovës, ku u shpreh prerë se një gjë e tillë nuk do të ndodhë kurrë duke shtuar se nuk do të ketë shkëmbim territoresh dhe se Kosova nuk do të japë asnjë pjesë të territorit të saj.
“Po thuhet se duhet të jepet diçka për njohje, ose territore, kjo nuk do të ndodhë asnjëherë, pasi shqiptarët kanë dhanë mjaftueshëm territore”, përfundoi ai./abcnews.al
