Hamas këmbëngul se armëpushimi nënkupton humbjen e Jeruzalemit

schedule18:33 - 18 Maj, 2021

schedule 18:33 - 18 Maj, 2021

Nga Khaled Abu Toameh, The Jerusalem Post

Këmbëngulja e Hamasit për të përfshirë çështjen e Jeruzalemit në çdo marrëveshje armëpushimi me Izraelin është arsyeja kryesore pse përpjekjet për t’i dhënë fund luftimeve kanë qenë deri tani të pasuksesshme.

Hamasi filloi luftën për shkak të Jeruzalemit dhe nuk ka mundësi t’i japë fund pa një marrëveshje që përfshin qytetin. Hamasi duhet t’u tregojë palestinezëve se sulmet e tij ndaj Izraelit, të cilat ai i referohet si “Shpata e Jeruzalemit”, nuk ishin të kota dhe se arriti ta detyronte Izraelin të toleronte Palestinezët për çështje që lidhen me qytetin, veçanërisht -Xhaminë Aksa dhe polemikat rreth dëbimit të familjeve arabe nga lagja Sheikh Jarrah.

Sa i përket Hamasit, çdo marrëveshje armëpushimi që injoron Jeruzalemin do ta bëjë atë të duket sikur grupi terrorist me bazë në Gaza nuk ka shënuar ndonjë arritje të rëndësishme si rezultat i luftës me Izraelin, raporton abcnews.al

Hamas dëshiron të paraqitet si “mbrojtësi” i Jeruzalemit dhe banorëve të tij palestinezë dhe vendeve të shenjta. Kjo është arsyeja pse Hamasi javën e kaluar nisi sulmin me raketa në Jeruzalem.

Çdo marrëveshje armëpushimi që përmend Jeruzalemin, nga ana tjetër, do të shihet nga Hamasi dhe palestinezët e tjerë si një fitore e madhe. Nëse ndodh kjo, Hamasi do të fitojë pikë me Palestinezët nëse ndalon dëbimin e familjeve nga Shejh Jarrah.

Udhëheqësit e Hamasit thanë se “kushtet” e tyre për të rënë dakord për një armëpushim me Izraelin përfshijnë “tërheqjen nga Izraeli për pushtimin e xhamisë al-Aqsa. Përfshirja e Jeruzalemit në çdo marrëveshje armëpushimi do të lejojë gjithashtu Hamasin të tregojë se veprimet dhe politikat e tij nuk janë të kufizuara vetëm në ato që ndodhin në Rripin e Gazës dhe se mund të ndikojnë në ngjarjet në Jeruzalem.

Hamas dëshiron të jetë një lojtar kryesor jo vetëm në Rripin e Gazës, por edhe në Jeruzalem, Bregun Perëndimor dhe madje edhe midis qytetarëve arabë të Izraelit, raporton abcnews.al

Presidenti i Autoritetit Palestinez Mahmoud Abbas e cilësoi prioritet çështjen e Jeruzalemit në tryezë kur, në fund të Prillit, ai vonoi zgjedhjet e përgjithshme Palestineze me pretekstin se Izraeli nuk lejoi votimet në Jeruzalem.

Në njoftimin e tij, Abbas akuzoi qeverinë izraelite dhe “kolonët” për zhvillimin e një “sulmi të dhunshëm” kundër palestinezëve në Jeruzalem. Ai gjithashtu lavdëroi palestinezët në qytet të cilët pretendohet se detyruan Policinë e Izraelit të hiqte barrierat e sigurisë nga hyrja në Portën e Damaskut.

Duke bërë Izraelin përgjegjës për pengesat në zgjedhjet Palestineze dhe dënimin e ashpër të praktikave Izraelite në Jeruzalem, Abbas arriti të largonte vëmendjen nga vendimi i tij i diskutueshëm. Ai gjithashtu arriti të shkaktonte zemërim dhe zhgënjim të Palestinezëve drejt Izraelit.

Hamasi nuk mund të përballonte një situatë ku Abbas dhe fraksioni i tij në pushtet Fatah shfaqen si të vetmit palestinezë që kujdesen për xhaminë al-Aqsa, Sheik Jarrah dhe Jeruzalemin. Kjo është arsyeja pse Hamas zhvilloi protestat që shpërthyen në Jeruzalem midis palestinezëve dhe Policisë së Izraelit, duke i kthyer ato në tubime në mbështetje të grupit me bazë në Gaza dhe udhëheqësve të saj.

Fotot e udhëheqësve dhe flamujve të Hamasit janë bërë pjesë e peizazhit në disa zona të Jeruzalemit lindor, duke përfshirë kompleksin e Xhamisë al-Aqsa. Hamasi tani po shpreson të korrë frytet e sulmeve të tij me raketa ndaj Izraelit duke e bërë Jeruzalemin temën kryesore të çdo armëpushimi.

Një marrëveshje e tillë do të lejojë Hamasin të pretendojë se ia vlen të sakrifikojë jetën e qindra palestinezëve për hir të mbrojtjes së vendit të tretë më të shenjtë të Islamit dhe parandalimin e Izraelit nga kryerja e skemës së tij të pretenduar për të “Judaizuar” Jeruzalemin dhe për të kontrolluar xhaminë al-Aqsa.

Prandaj, çdo lëshim ndaj Hamasit për çështjen e Jeruzalemit nuk do të ishte pozitiv jo vetëm për Izraelin, por edhe për Abasin, për Jordaninë dhe për vendet e tjera arabe që nuk dëshirojnë ta shohin grupin islamik të fuqizohet në qytet./abcnews.al