Hallaçi: Kukësi ka diçka të veçantë këtë sezon, ja ndryshimi mes dy skuadrave

23:41 | 20/02/202023:410

Rrahman Hallaçi, ish-kapiteni i Kukësit, ka folur në ABC News, në emisionin Pressing, për ndeshjen mes Kukësit dhe Tiranës, që është kryendeshja e javës në Superiore. Kjo sfidë, do të luhet në Air Albania Stadium dhe do të ketë absolutisht fokusin më të madh të futbollit shqiptar. Hallaçi e nisi fjalën e tij duke folur për ndeshjen mes dy skuadrave, si dhe preku disa tema të tjera.

KUKËSI-TIRANA – “Sigurisht, është një ndeshje që pritet me mjaft interes. Të mos harrojmë, nuk vendoset këtu titulli kampion, edhe pse të dy skuadrat duan të tregojnë vlerat e tyre pasi vijnë nga barazimet. Tirana do të mendojë të tregojë diçka më shumë, por përballë skuadrës së Kukësit është shumë e vështirë”.

STADIUMI – “Mos të harrojmë që është pak e veçantë. Kukësi i thotë Partizanit dhe Tiranës. Po vij luaj në fushën tënde. Do e bënin Tirana dhe Partizani këtë? S’e besoj. Nëse Kukësi shpallet kampion, do të ishte një arritje e jashtëzakonshme”.

NDESHJA – “Kukësi erdhi nga një barazim që nuk la një shije të mirë, sepse e pësuan në sekondat e fundit. Presidentët duan fitoren, pasi nëse dalin barazim, Partizani afrohet shumë afër. Të mos harrojmë se Kukësi ka një të veçantë, sa më shumë minuta kalojnë, aq më i fortë bëhet. Tirana bie me kalimin e minutave, Kukësi rritet”.

KRAHASIMI – “Këtë nuk mund ta them, por unë shikoj Duron që është shumë i qetë gjatë gjithë ndeshjes. Edhe kur pëson gol, e ruan qetësinë dhe arrin të përmbysë. Ndërsa Tirana nuk e ka këtë gjë, e humb toruan nëse pëson”./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono