Gazeta serbe: Vuçiç po punon me recetën e Millosheviçit

schedule19:52 - 7 Dhjetor, 2021

schedule 19:52 - 7 Dhjetor, 2021

Rastësisht apo jo, presidenti i Serbisë, Aleksandar Vuçiç, po përpiqet në çdo mënyrë t’i paraqitet elektoratit të tij si një njeri i popullit, si një njeri i thjeshtë që bën gjithçka për ata që i udhëheq. Mirëpo, ai më së shumti e demanton veten shumë shpejt… Edhe pse nuk do ta pranonte, taktikat mediatike të Vuçiçit nuk janë të reja. Ai përdori disa herë metodat e sprovuara të Sllobodan Millosheviçit në fjalimet e tij, shkruan gazeta serbe, Nova.

Dhe jo, errësira mediatike në të cilën ndodhet Serbia nuk është e vetmja ngjashmëri.

Në fjalimet e tij, Sllobodan Millosheviç shpesh thoshte se ishte krenar për djalin e tij, Markon, ashtu siç është krenar Vuçiçi për djalin e tij, Danilon.

Përmendja e emrit të Danilos, për të cilin ai më së shumti jep arsye, barazohet gjithmonë me sulm ndaj presidentit, familjes së tij, madje edhe thirrje për grusht shteti.

Ndonëse Vuçiçi e prezanton Danilon në publik si një “fëmijë që nuk ka faj për asgjë” dhe që “bën një punë të ndershme në një dyqan për 500 euro”, Danilo i jep një paraqitje krejtësisht tjetër të vetes me paraqitjet e tij dhe shoqërimin me njerëz nga nga mjedisi kriminal.

Shpesh kemi pasur rastin ta shohim Danilon në shoqërinë e fansave dhe kriminelëve të dënuar, gjë që Vuçiq e arsyetoi duke thënë se ishte vetëm një fëmijë dhe gjatë rrugës mbronte miqtë e Danilos, edhe pse djemtë janë “në anën tjetër të ligj”, diçka si paraardhësi i tij, shkruan Nova.

Një video e postuar në Facebook tregon më së miri ngjashmërinë mes taktikave mediatike të Aleksandar Vuçiçit dhe Sllobodan Millosheviçit. Ose më mirë të themi, tregohet gjallërisht se si Vuçiç nuk i shmanget recetës së Millosheviçit./Gazeta Express