Aleksandar Vuçiç

vucic-e-jovic.jpg
Vladimir Prenga10:35 | 21/03/2020

Luka Jovic ka përfunduar në shënjestër. Në Serbi janë tërbuar nga fakti që sulmuesi, pasi fluturoi nga Madridi në Beograd, e shkeli urdhrin për të qëndruar 14 ditë në shtëpi. Spanja është prekur ndjeshëm nga Coronavirusi, madje lojtarët e Realit ishin në karantinë, për shkak se një lojtar i ekipit të basketbollit kishte dalë pozitiv me COVID-19.

Jovic, në Beograd shkoi dhe festoi ditëlindjen e të dashurës dhe ka marrë kritika të forta, duke nisur nga kryeministrja e vendi, Ana Brnabic, e cila ka deklaruar: “Për fat të keq ne kemi shembuj negativë të vendosur nga yjet tanë të futbollit. Ata fitojnë milionë dhe injorojnë urdhrin e detyrueshëm të izolimit kur kthehen në shtëpi”.

Kritika edhe nga ana e presidentit, Aleksandar Vucic. Madje ai edhe e paralajmëron sulmuesin e Realit: “Nëse ai largohet nga apartamenti, do të arrestohet. Mendoj se atij i vjen keq për atë që ka bërë, por unë dua t’ia bëj të qartë se jeta e qytetarëve tanë është më e rëndësishme se milionat e tij”.

Një koment në lidhje me gjithë këtë situatë të krijuar e ka dhënë edhe vetë sulmuesi, i cili ua kalon topin autoriteteve: “Më vjen keq që njerëzit nuk e kanë bërë punën e tyre, për të më dhënë mua udhëzimet e duhura si të veproj në periudhën e izolimit”. /abcnews.al

voa.jpg
in a09:29 | 16/02/2020

Dy herë me radhë brenda kësaj jave presidenti francez, Emmanuel Macron, tha se Kosova duhet të heqë tarifat ndaj mallrave serbe, ndërsa Beogradi duhet të ndalë fushatën për tërheqjen e njohjeve të pavarësisë së Kosovës, në mënyrë që të rifillojnë bisedimet ndërmjet të dyja palëve.

Në një letër urimi për kryeministrin e ri të Kosovës Albin Kurti me rastin e zgjedhjes së tij dhe një urim për presidentin Hashim Thaçi në përvjetorin e pavarësisë së Kosovës, presidenti Macron, tha se është i gatshëm për të organizuar një takim në Paris ndërmjet të dyja palëve, por për këtë duhet të hiqen tarifat ndaj mallrave serbe dhe Beogradi të heqë dorë nga fushata kundër pavarësisë së Kosovës.
Kërkesa e tillë ndaj të dyja palëve, tashmë e përsëritur edhe nga evropianët, është shtruar nga diplomacia amerikane e cila është vënë në përpjekje për të ripërtërirë procesin e normalizimit të marrëdhënieve ndërmjet Kosovës dhe Serbisë. Të premten ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi ndërmjetësoi nënshkrimin e një marrëveshjeje për linjën hekurudhore dhe autostradën që lidhë të dyja vendet.

Nënshkrimi i saj u bë në prani të presidentit të Kosovës, Hashim Thaçi dhe atij të Serbisë, Aleksandar Vuçiç, ndërsa disa orë më vonë kryeministri i Kosovës, Albin Kurti tha nga Munihu se nënshkruesit e marrëveshjes nuk ishin të autorizuar nga qeveria e tij.

Por, brenda qeverisë së tij zërat ishin të ndryshëm. Marrëveshja u mbështet nga zyrtarë të koalicionit qeverisës nga radhët e Lidhjes Demokratike të Kosovës. Për diplomatët amerikanë, marrëveshja Munihut është një përparim historik dhe të dyja palët duhet të shfrytëzojnë situatën e krijuar me ri angazhimin e administratës amerikane.

Bisedimet Kosovë – Serbi janë pezulluar që nga nëntori i vitit 2018, kur qeveria e Kosovës vendosi tarifat prej 100 për qind ndaj mallrave serbe në shenjë kundërshtimi ndaj qasjes së Beogradit ndaj shtetësisë së Kosovës. Beogradi kushtëzon vazhdimin e bisedimeve për normalizim marrëdhëniesh me Kosovës me heqjen e këtyre tarifave.

Kurti është zotuar ta bëj një gjë të tillë, por duke kushtëzuar heqjen e tarifave me vendosjen e masave të reciprocitetit të plotë më Serbinë. Ai ritheksoi një synim të tillë edhe gjatë debatit në një panel në kuadër të konferencës së Munihut ku ishte i pranishëm edhe presidenti serb Aleksandër Vuçiq, i cili tha më pas se “pati shkëmbime të rrepta” me kryeministrin Kurti.

Debati është zhvilluar me dyer të mbyllura, por në rrjetet sociale rrodhi një video ku kryeministri Kurti paraqet tri parime për vazhdimin e bisedimeve me Serbinë. Sipas tij nuk ka marrëveshje pa dialog, nuk ka dialog me harta dhe së fundmi pa presidentë rreth hartave, duke kritikuar kësisoj idetë që ishin hedhur në vitin 2018 nga presidenti i Kosovës Hashim Thaçi dhe presidenti Serbisë Aleksandër Vuçiq për prekjen e kufijve në kuadër të procesit të normalizimit ndërmjet tyre.

Kryeministri Kurti kishte nxitur reagimin e presidentit serb gjatë debatit duke thënë se ndërsa 20 vjet më parë Kosova është çliruar nga pushtimi serb, tash është koha që Serbia të çlirohet nga Kosova.
Presidenti serb tha të shtunën se në Munih kishte mbrojtur autoritetin e Serbisë. “Ashtu sikundër bëra mbrëmë pas disa fjalëve të tmerrshme në një panel ku u tha se e kemi okupuar Kosovën, se kemi kryer krimet më të rënda dhe gjenocid”, tha ai.

Të hënë më 17 shkurt Kosova shënon 12 vjetorin e pavarësisë së saj që u shpall me mbështetjen e Shteteve të Bashkuara dhe vendeve kryesore të Bashkimit Evropian, ndërsa kundërshtohet nga Serbia dhe aleatja e saj Rusia. Por, të dyja palët synojnë integrimin në Bashkimin Evropian dhe kusht për këtë është normalizimi gjithëpërfshirës i marrëdhënieve ndërmjet tyre. /VoA

vucic-kon.jpg
Autor E15:50 | 27/12/2019

E përditshmja serbe “Alo” ka parashikuar epilogun e mundshëm nga zgjedhjet e vitit 2020 në Serbi.

Serbia në fund të prillit të vitit të ardhshëm përveç qeverisë së re do të zgjedhë edhe presidentin e ri.

“Alo” shkruan se shanset janë të mëdha që së bashku me zgjedhjet parlamentare, në pranverën e ardhshme të mbahen edhe zgjedhjet presidenciale, transmeton lajmi.net.

Në këtë formë, pritet të realizohet dëshira e Aleksandar Vuçiçit, president aktual i Serbisë dhe lider i partisë SNS që më 2025 ta përfundojë karrierën e tij politike si kryeministër i ri i Serbisë.

“Zgjedhjet me shumë gjasë do të mbahen më 26 prill të vitit të ardhshëm kurse Vuçiç seriozisht mendon që kësaj radhe të mos kandidojë më për president të Serbisë, por në SNS të inkuadrohet Guvernatorja e Bankës Popullore të Serbisë Jorgovanka Tabakoviç e cila do të propozohej për presidente”, shkruan “Alo”.

Në asamblenë e përgjithshme të SNS-së, Vuçiç ditë më parë kishte njoftuar se së shpejti do të konfirmohet emri i liderit të listës në zgjedhjet e ardhshme dhe do të marrë vendim për koalicionet e mundshme.

rama-vucic-durres-1.jpg
So Nila10:27 | 21/12/2019

Serbian President Aleksandar Vucic, Prime Minister of Northern Macedonia Zoran Zaev and Montenegrin President Milo Djukanovic have been in Albania since yesterday in the framework of the Balkan Mini-Schengen conference.

This morning, the three Balkan leaders and Prime Minister Edi Rama visited Durres.

The head of government has briefed Balkan leaders on the damage caused by the tragic November 26 earthquake.

Meanwhile,the “Leaders’ Session” will take place at 10:00. At 12:00 will be followed by Plenary Session with the participation of delegations. While at 1:15 pm on Saturday, activities will conclude with the joint press conference, which will take place at the same place, at the hotel Rogner, Tirana.

Protests against Vucic in Tirana are also expected to continue today./abcnews.al

vucic-1-1.jpg
So Nila15:50 | 16/12/2019

Serbian President Aleksandar Vucic will visit Albania this weekend.

The office of Serbian President Aleksandar Vucic announced that the Serbian president will stay in the Republic of Albania on December 20th and 21st to attend the Western Balkan leaders’ meeting to be held in Tirana.

Vucic’s office did not provide details on the schedule and timing of the meeting.

This will be the third time the current Serbian president visits Tirana and the second time this year.

His last visit was in May to the Brdo-Brijuni summit. /abcnews.al

VUCIC-RECAK_ABC-M1-T2.mpg_snapshot_00.02-1280x720.jpg
in a05:01 | 05/12/2019

Presidenti serb Aleksandar Vuçiç e quajti masakrën e Reçakut një krim të fabrikuar. Ai akuzoi ish-shefin e misionit verifikues të OSBE-së, Walker, për falsifikim të saj. Reagimi i Vuçiç erdhi pasi një gjykatë në Kosovë dënoi me dy vjet burg një ish-ministër serb në qeverinë e Kosovës, i cili e kishte quajtur masakrën trillim.

Ish-ministri i Administratës dhe Pushtetit Lokal (MAPL), Ivan Teodosijeviq, është dënuar me dy vjet burgim, pasi është shpallur fajtor për deklaratat që ai kishte bërë në lidhje me shqiptarët dhe masakrën e Reçakut. Ai akuzohet për veprën penale “nxitje e urrejtjes, përçarjes ose mos durimit kombëtar, racor, fetar apo etnik”./abcnews.al

rama-vucic.jpg
ger ta07:59 | 23/11/2019

Presidenti i Serbisë, Aleksandër Vuçiç, ka dhënë një intervistë për median gjerman Der Spiegel, ku ka folur për zhvillimet në Ballkan dhe “Mini-Shengenin”.

Mes të tjerash ai ka thënë se ideja për “Mini-Shengenin” ballkanik është e tij.

Gjatë kësaj interviste, presidenti serb është shprehur se në samitin e fundit në Ohër – është pajtuar pothuajse në të gjitha pikat me kryemistrin e Maqedonisë Zoran Zaev dhe atë të Shqipërisë, Edi Rama.

“Kam qenë me Kryeministrin e Shqipërisë dhe atë të Maqedonisë së Veriut në samitin në Ohër dhe jemi pajtuar në pothuajse secilën pikë, përfshirë atë që unë të flasë më Presidentin e Francës, Emmanuel Macron edhe në emër të tyre, ashtu siç bëra javën e kaluar”, tha Vuciç.

“Ne në Ballkan nuk duam që të mashtrohemi nga vendet e mëdha të BE-së apo të bëjmë lojëra kundër njëri-tjetrit. Ideja ime e “Mini-Shengenit” në Ballkan do të thotë, lëvizje e lirë e mallrave dhe njerëzve. Kjo i kontribuon kësaj. Ne po i japim fund një situate në të cilën kamionët tanë detyrohen që të presin në kufi nga 90 orë. Banka Botërore vlerëson se kjo do të çojë në 3.5 miliardë euro kurime në rajon”.

Po ashtu Vlideri serb është pyetur nëse edhe Kosova do të jetë pjesë e “Mini-Shengenit”.

“Kosovarët nuk e duan këtë. Albin Kurti i cili duket se do të jetë lideri i tyre i ardhshëm tingëllon se dëshiron që të bëhet lider i Shqipërisë së Madhe. Kosova veten e sheh si shtet, por ne nuk e shohim ashtu. Por ne duhet të punojmë bashkë”, tha ai./abcnews.al

 

aleksander-vucic.jpg
ger ta12:11 | 17/11/2019

Banka qendrore e Serbisë bleu nëntë tonë ar në tetor, duke rritur rezervat e saj prej metali të çmuar me këshillën e Presidentit Aleksandar Vuçiç.

Republika më e madhe e mëparshme jugosllave po ndjek Hungarinë dhe Poloninë, ku zyrtarët rritën rezervat e arit në vitin 2018 për të krijuar një rezervë kundër krizës. Guvernatorja e Bankës Qendrore Jorgovanka Tabakoviç, anëtare e Partisë Progresive të Vuçiç, tha se blerjet e 9-11 tetorit rritën rezervat e arit të bankës në 10% të rezervave totale dhe bënë mirë që ndoqën një sugjerim nga presidenti në muajin maj.

“Ne kemi përfunduar transaksionet e blerjes së arit dhe Serbia është më e sigurt sot me 30.4 ton ar në vlerë rreth 1.3 miliardë euro (1.4 miliardë dollarë),” u tha Tabakoviç gazetarëve në Beograd. “Tani për tani, ne nuk kemi në plan të blejmë më shumë.” Blerja është e fundit në një seri lëvizjesh të Serbisë për të përmirësuar stabilitetin e saj financiar duke ndryshuar strukturën e borxhit të saj të jashtëm dhe duke rritur shifrat e dinarëve dhe eurove, tha Tabakovic.

Banka qendrore pagoi 395 milion euro (434.3 milion dollarë) për arin, 1.503 dollarë për onz, tha guvernatori. Tabakoviç foli pasi banka azhurnoi parashikimin e rritjes ekonomike të vitit 2019 në 3.6% nga 3.5%, duke përmendur kërkesën më të lartë vendase që po  kundërpeshon me një ngadalësim në pjesën më të madhe të Bashkimit Evropian. Indeksi i çmimeve të konsumit ka rënë nën kufirin e tolerancës pesë herë në tre vitet e fundit, me periudhën e fundit të uljes së çmimeve që erdhi si rezultat i perimeve të freskëta më të lira, sipas shefit të hulumtimit ekonomik të bankës qendrore, Savo Jakovljevic./abcnews.al

 

iu.jpg
in a19:52 | 16/11/2019

Presidenti i Serbisë, Aleksandar Vuçiç, është shtruar në spitalin ushtarak të Serbisë, për shkak të problemeve me zemrën. Vuçiç është pranuar në këtë qendër spitalore të premtën dhe siç kanë bërë të ditura burime në presidencë, është jashtë rrezikut për jetën, por është mbajtur për trajtim.

Lajmin e ka konfirmuar këshilltarja e presidentit Vuçiç, Suzana Vasiljevic, e cila ka saktësuar se Vuçiç është mbajtur për shkak të kujdesit parandalues. Kjo ka alarmuar shtypin serb dhe ka nxitur informacione të ndryshme rreth gjendjes së tij.

Vuçiç, siç dihet, ka qenë sëmurë edhe më parë ku edhe ka udhëtuar vite më parë drejt Moskës për disa kontrolle shëndetësore, por nuk ishte saktësuar se për çfarë bëhej fjalë. Gjendja e tij shëndetësore ishte mbajtur sekret. Vetë presidenti serb ka njoftuar se ndihet mirë e se të hënën do kthehet në zyrë me kohë të plotë. Në një mesazh të shkruar me dorë e të postuar në “Twitter” e “Instagram”, Vuçiç ka falenderuar mjekët dhe stafin e spitalit për kujdesin ndaj tij./abcnews.al

KONFERENCA-VUCIC-IDRO.mpg_snapshot_00.36-1280x720.jpg
ad min14:29 | 30/09/2018

Presidenti i Serbisë është shfaqur i nervozuar me Prishtinën në një konferencë për shtyp pas vizitës së presidentit Hashim Thaçi në liqenin e Ujmanit. Ai njoftoi se ka mobilizuar aparatin shtetror serb për të mbrojtur serbët në Kosovë, nëse lind nevoja.

Serbia është ende në gjendje gatishmërie për shkak të vizitës së presidentin, Hashim Thaçi, në veri të Kosovës. Kjo ka shkaktuar pakënaqësi në kryeqytetin serb. Presidenti, Alleksandar Vuçiç, ka theksuar se është i gatshëm të mbrojë serbët nëse do të vijë deri tek incidentet e mundshme. Në një konferencë të jashtëzakonshme mbrëmjen e së shtunës ai tha se Kosova ka shkelur të gjitha marrëveshjet dhe kritika pati edhe për ndërkombëtarët.

Aleksandër Vuçiç, president i Serbisë: “Për herë të tretë që prej muajit mars është cënuar paqja në mënyrë më provokative nga Prishtina. Është tentuar që të provokohet reagimi i Serbisë që të sanatizohet edhe më tej shteti ynë në bashkëpunim me një pjesë ndërkombëtare”.

Vizita e Thaçit mobilizoi aparatin shtetror serb të sigurisë, por edhe serbët në Kosovë të cilët dolën në protesta. Ushtria dhe policia u kthyen në detyrë. Presidenti serb bëri thirrje për serbët e veriut të kthehen në shtëpitë e tyre.

“Interesi ynë është të kemi paqe pasi Serbia nuk mund të përballojë konfliktet, por shteti ynë është mbështetur për muri nga papargjegjësia e shqiptarëve dhe papërgjegjësia edhe më e madhe e një pjese të përafqësuesve ndërkombëtarë. Politika e pushkëve të gjata nuk është politikë që sjell zgjidhje, por bisedimet. Por, kur kjo ndodhë nuk kemi gjë tjetër përvec të jemi me popullin tonë”.

Vuçiç theksoi se vendimi nëse ushtria dhe policia do të kthehen në normalitet do të vlerësohet në bazë të situatës së krijuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono