matteo salvini
Igli Nikolli22:36 | 25/03/2020
Matteo Salvini është një politikan ndryshe. Ish-zëvendës kryeministri dhe ish-ministri i brëndshëm i Italisë, njihet si një tifoz i thekur i Milanit dhe deklaratat e tij bëjnë gjithmonë lajm dhe krijojnë polemika.
Së fundmi ka postuar një video që është bërë virale në rrjetet sociale, aty ku thuhet se shkëncëtarët kinezë po prodhonin në laborator një virus të rrezikshëm. Video i përket vitit 2015 në emisionin “Leonardo” të vendit fqinj.
Gjithçka ishte parashikuar me një saktësi të frikshme dhe të pabesueshme. Në video sqarohet se si bashkimi i miut me lakuriqin e natës do të krijonte supervirusin e quajtur koronavirus, një vazhdimësi e virusit Sars. Për më shumë ndiqni videon e mëposhtme. /abcnews.al
Igli Nikolli17:17 | 14/02/2020
Penalltia e akorduar për Juventusin në gjysmëfinalen e parë të Kupës së Italisë kundër Milanit, ka shkaktuar shumë polemika në Itali. Arbitri Valeri nuk hezitoi aspak të akordonte penallti për bardhezinjtë dhe CR7 barazoi shifrat në minutat shtesë.
Matteo Salvini nuk qëndron në heshtje në situata të tilla dhe ka reaguar ashpër. Politikani i njohur italian, njëkohësisht një tifoz i zjarrtë i Milanit, ka sulmuar arbitrin kryesor në një postim në rrjetet sociale.
“Përse arbitri nuk zbriti në fushë me uniformën e Juventusit?“, pyet në mënyrë ironike Salvini. Një rast i ngjashëm nuk u akordua penallti për Brescian në ndeshjen ndaj Cagliarit. Rizzoli e shpjegonte saktë se pse nuk ishte, ndërsa Valeri vendosi ndryshe mbrëmjen e kaluar dhe ndëshkoi Milanin. /abcnews.al
📸 #Salvini attacca #Valeri: “Perché non è sceso in campo con la maglia della #Juve, già che c’era?”
👇https://t.co/NGWaCO6Pit pic.twitter.com/WN9KJCVBNU— Tuttomercatoweb (@TuttoMercatoWeb) February 14, 2020
in a22:55 | 12/02/2020
Senati italian ka vendosur të dërgojë në gjyq liderin e partisë Lega Matteo Salvini, lidhur me rastin e anijes Gregoretti.
Ky rast bën fjalë për anijen ushtarake italiane që në korrik të vitit 2019 shpëtoi 116 persona në Mesdheun qendror, por mbeti e ndaluar për ditë të tëra në portin e Augustës, për shkak të bllokimit të zbarkimit të njerëzve nga ana e Matteo Salvinit, në atë kohë Ministër i Brendshëm.
Duke qëndruar në bord për ditë të tëra, gjendja e emigrantëve dhe e ekuipazhit u përkeqësua. Për këtë arsye, Salvini po hetohet nën akuzën e sekuestrimit të personit, arrestim i jashtëligjshëm dhe abuzim me postin zyrtar. Sot, Pallati Madamma ka autorizuar procesin gjyqësor kundër ish-ministrit të Brendshëm. Lega, me udhëzimin e vetë liderit të saj, ka dalë nga salla dhe nuk ka votuar.
Në favor të procesit kanë qenë Partia Demokratike e Italisë, Lëvizja 5 Yjet, Italia Viva dhe Liberi e Uguali. Ndërsa kundër kanë qenë Forza Italia dhe Fratelli d’Italia. Nga fundi i seancës Salvini është shprehur se është krenar për çfarë ka bërë, dhe se do të bëjë të njëjtat veprime sapo të kthehet në qeveri. Mbrojtja kryesore e Salvinit ka qenë: “Unë i kam shërbyer vendit tim duke e mbrojtur”./abcnews.al
ger ta08:09 | 07/12/2019
“Nutella” është një ndër markat më të njohura italiane, mjaft e pëlqyer për shijen e veçantë të çokokremit me lajthi.
Mirëpo, Matteo Salvini, lideri i opozitës italiane ka bërë me dije se nuk do e konsumojë më këtë çokokrem.
Shkak për braktisjen e markës së famshme nga Salvini është bërë fakti se ka zbuluar që lajthitë kompania italiane i ka importuar nga Turqia.
“Kam zbuluar se Nutella përdor lajthi turke dhe unë preferoj të ndihmoj kompanitë që përdorin produkte italiane. Unë preferoj të ha italisht dhe të ndihmoj fermerët italianë sepse ata kanë nevojë për ndihmë,” tha drejtuesi i Lega Nord, në një tubim në veri pasi një grua në turmë i sugjeroi të hante Nutella për të mbajtur energjinë e tij.
Salvini gjithnjë ka tërhequr vëmendjen për deklarimet e tij nacionaliste./abcnews.al
Autor E15:05 | 16/10/2019
Matteo Salvini, lideri i Lega dhe ish-ministër i brendshëm i Italisë është ndier keq teksa shkonte në Trieste për funeralin e Pierluigi Rotta e Matteo Demenego, dy policët e vrarë në kuesturë më 4 tetor.
Salvini, sipas asaj që raporton ANSA, pas uljes në aeroportin Ronchi – Trieste, u transportua menjëherë në spitalin San Polo në Monfalcone (Gorizia), ku iu nënshtrua analizave të rastit.
Nuk bëhet fjalë për asgjë të rëndë dhe ai doli nga spitali për të vazhduar drejt Trieste. ANSA citon mjekët që thonë se bëhet fjalë për dhimbje veshkash.
Salvini falënderoi mjekët e Monfalcones dhe shprehur keqardhjen që nuk mundi të ishte i pranishëm në lamtumirën e fundit të dy policëve të vrarë.
Vladimir Prenga10:28 | 22/09/2019
Matteo Salvini ka shpërthyer ndaj Milanit pas humbjes në derbi. Ai duket sikur kërkon falje në njëfarë mënyrë ndaj ish-trajnerit Gennaro Gatusso, teksa fillimisht ka thënë: “Ky ekip është qesharak, ndoshta nuk ishte faji i Gennaro Gattuso. Kjo është hera e parë që kam lënë stadiumin në një derbi para se të përfundojë”.
Salvini vijon të flasë për Telelombardia dhe shton: “Vendosja se kisha parë mjaftueshëm kur Lucas Biglia e çoi topin te Curva Sud kur ekzekutoi goditjen e dënimit. Ricardo Rodriguez është i tmerrshëm, Suso nuk po luan prej një kohe të gjatë. Klubi? Ku është klubi?! E vetmja gjë pozitive që pashë ishte Rafael Leao, por edhe ai u zëvendësua”.
Në shënjestër kanë përfunduar edhe Maldini e Boban, për të cilët ai thotë se nuk është e thënë që lojtarët e mëdhenj të bëhen edhe drejtues të tillë. Shpëtojnë vetëm tifozët, për të cilët Salvini ka fjalë të mira për durimin që kanë patur të shohin një Milan të dobët në këto vite.
“I duartrokas tifozët e Milanit, sepse prej vitesh janë të vetmit që ia vlen ti kursesh. Ky ekip të bën të qeshësh. Unë gjithmonë fajësoja ish-trajnerin Gattuso, por ndoshta tani po nis të mendoj se nuk ishte i gjithi faji i tij. Ndoshta nuk është trajneri ai që mund t’i ndryshojë gjërat”. /abcnews.al
nev ila19:34 | 22/08/2019
Në Itali janë mbyllur pasditen e së enjtes konsultimet e presidentit të Republikës, Serxho Matarela me krerët e partive politike, për të gjetur një zgjidhje mbi krizën që ka përfshirë vendin fqinje.
I fundit që vizitoi selinë presidenciale në Romë ishte kreu i Lëvizjes 5 Yjet, Luixhi Di Maio, i cili u shpreh në favor të krijimit të një mazhorance të re dhe solide për të shmangur zgjedhjet e jashtëzakonshme.
“Të mos e lëmë anijen të mbytet. Jemi të gjithë italianë dhe duhet t’i lëmë mënjanë interesat”, deklaroi Di Maio.
5 Yjet përflitet se mund të arrijnë një marrëveshje me krerët e Partisë Demokratike, të cilët në rast të kundërt kërkojnë që të mos vonohen zgjedhjet.
Më herët gjatë ditës, në Kuirinale ishte kryetari i Ligës së Veriut, Mateo Salvini, i cili pas takimit kokë më kokë me kreun e shtetit u shpreh i gatshëm të rifillojë bashkëpunimin me ish-partnerët e tij.
“Jemi gati të rifillojmë nga puna pa i mbajtur mëri njëri-tjetrit. Ndryshe, le të shkojmë në zgjedhje”, deklaroi Salvini.
Ndërkohë, në debatet politike u përfshi edhe ish-kryeministri Silvio Berluskoni, i cili deklaroi se partia e tij nuk do të bëjë aleanca me parti që më parë e braktisën.
“Ose një qeveri e qendrës së djathtë, ose në zgjedhje”, tha Berluskoni.
Pritet që orët në vazhdim të jenë vendimtare për Italinë, e cila ndodhet në një moment kritik./ABC News Albania 24/7
ad min16:11 | 20/08/2019
Me një fjalim të mbajtur në Senat, kryeministri i Italisë, Giuseppe Conte ka njoftuar dorëheqjen nga posti. Ai ka kritikuar kryetarin e Ligës së Veriut se ka vënë interesat personale përpara atyre të Italisë. Ndërsa Mateo Salvini nga ana e tij është shprehur se ishte gati të ribëjë gjithçka, që ka bërë deri tani.
Pas një sulmi të ashpër ndaj partnerit të koalicionit Mateo Salvini, kryeministri i Italisë, Giuseppe Conte ka deklaruar se jep dorëheqjen nga posti. Conte tha se Salvini, zëvendës kryeministër i Italisë, ishte sjellë në mënyrë të papërgjegjshme duke krijuar një krizë të re politike për interesa personale dhe në dëm të Italisë.
Duke iu drejtuar Senatit ditën e martë, Conte tha se lideri i Ligës së Veriut, që ishte ulur pranë tij, kishte qenë në kërkim të një preteksti për t’u rikthyer në zgjedhje, pas suksesit të partisë së tij në zgjedhjet euro-parlamentare të majit. Gjithashtu, Konte paralajmëroi se Salvini kishte minuar funksionimin e qeverisë, e cila siç tha ai, “merr fund këtu”.
“E shfrytëzoj këtë rast për të njoftuar se do t’i paraqes dorëheqjen time Presidentit të Republikës”, deklaroi Konte.
Nga ana e tij, Salvini reagoi duke thënë se do të ribënte gjithçka që ka bërë gjatë kohës që ka qeverisur me Conten.
“Jam këtu me forcën e një njeriu të lirë, që do të thotë se nuk i druhem gjykimit. Kush ka frikë nga gjykimi i popullit italian nuk është një njeri i lirë”, tha Salvini.
Duke cituar Ciceronin, ai tha se liria nuk varet nga të pasurit padronin e duhur, por tek fakti i të qenurit të lirë, pa patur asnjë padron mbi kokë.
“Dua që Italia të mos jetë skllavja e askujt. Jemi vendi më i bukur dhe kemi mundësinë të jemi më i pasuri në botë dhe nuk duroj dot më që çdo vendim duhet të varet nga firma e ndonjë funksionari europian”, vijoi Salvini.
Salvini, lider i partisë ekstremiste Liga e Veriut, kishte planifikuar mbajtjen e një mocioni mosbesimi ndaj kryeministrit Conte. Ai gjithashtu kishte thënë se nuk mund të vazhdonte të punonte më me partnerët e koalicionit, Lëvizja 5 Yjet.
Liga dhe lëvizja anti-sistem 5 Yjet krijuan një koalicion qeverisës 14 muaj më parë, me zotin Konte si një kryeministër të pavarur. Në një postim në Facebook në prag të fjalimit të Contes, lideri i 5 Yjeve Luigi Di Maio u shpreh se, “ka ardhur dita kur Liga duhet të përgjigjet për gabimet e saj, për vendimin për të rrëzuar gjithçka dhe për të futur në krizë qeverinë në mes të gushtit”. Ai shtoi se të punonte me Conten kishte qenë një nder.
/ABC News Albania 24/7
ad min14:25 | 20/08/2019
Ka nisur seanca parlamentare në Itali ku pritet që kryeministri Giuseppe Conte të flasë para deputetëve. Por mediat italiane raportojnë se Conte mund të përshpejtojë gjërat duke dhënë dorëheqjen. Zv/kryeministri dhe lideri i Lëvizjes 5 Yjet Luigi di Maio u shpreh se çdo gjë e ka në dorë presidenti Matarella duke theksuar se Salvini ka shkatërruar çdo gjë.
Nëse Conte, pas fjalës në parlament do të japë dorëheqjen para kreut të shtetit pa shkuar deri tek votimi i mocionit të votëbesimit, Lëvizja 5 Yjet do të shkojë në presidencë për ti kërkuar kreut të shtetit një mundësi për krijimin e një qeverie të re. Në çdo rast rrëzimi i qeverisë aktuale është tashmë një fakt.
Sipas mediave italiane Conte ka përgatitur një fjalim shumë të fortë, duke kritikuar Salvinin, liderin e Legës në koalicion me Lëvizjen 5 Yjet. Menjëherë roli i protagonistit do ti kalojë kreut të shtetit i vetmi që ka të drejtë për të caktuar një rrugëdalje. Qoftë për një rikthim në kutitë e votimit qoftë për krijimin e një mazhorance të re parlamentare./ABC News Albania 24/7
ad min17:13 | 19/08/2019
Aktori amerikan Richard Gere e ka cilësuar ministrin e Brendshëm italian Mateo Salvini si një bebe Trump për sa i përket qëndrimit që mban në çështjen e emigrantëve të bllokuar në det prej ditësh. Por ai u shpreh se do të donte ta takonte pasi ishte i bindur se Salvini ishte ndryshe nga ai që shfaqet në publik.
“Mateo Salvini ka të njëjtin mentalitet të presidentit Trump, në fakt unë e konsideroj si një bebe Trump. Përdor të njëjtën injorancë në kuptimin radikal, duke përdorur frikën dhe urrejtjen. Duhet të ndalojmë Tramp”.
Është kjo deklarata e aktorit amerikan Riçard Gere, i cili foli për emergjencën e emigrantëve pasi ka vizituar emigrantët që ndodhen në anijen Open Arms. Më pas ai shtoi se do të donte të takohej më Salvinin, për të cilin ishte i bindur se nuk ishte ashtu si sillej në publik. Kjo pasi dhe ai ka një familje, prindër dhe fëmijë.
Gere u shpreh se Salvini duhet të kalojë pak kohë për të dëgjuar historitë e emigrantëve, dramat e tyre familjare dhe se nuk mund të përdorë një situatë të tillë si një çështje politike.
Sipas tij liderët politikë manipulojnë mendjet duke nxjerrë në pah anën e errët të dramës së kohës sonë.
Pyetjes për Karola Raket, kapitenes së Sea Uatch e cila shkeli ligjin duke hyrë në ujërat italiane, Gere u përgjigj se nuk I njihte detajet e çështjes, por nëse dikush vepron për të shpëtuar jetë njerëzish pa bërë dëme, ai është hero./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
07:04 | 02/04/2020
23:47 | 01/04/2020
