egnatia

egnatia-vs-korabi.jpg
Vladimir Prenga15:58 | 07/03/2020

Egnatia i ka dhënë një goditje të rëndë Dinamos, që e ka mundur me rezultatin e ngushtë 1-0. Skuadra nga Rrogozhina ka marrë tre pikë që e ngjitin në krye për momentin dhe i largohen rrezikut për mbijetesë. Fatet e ndeshjes së sotme i vendosi Amarildo Dimo, i cili shënoi dhjetë minuta para fundit.

Në Pukë ekipi vendas u mposht nga Veleçiku, me shifrat 1-4. Tërbuni kishte disa mungesa, ndërkohë që edhe mbrojtësi Hithi u dëmtua dhe u dërgua në spital gjatë ndeshjes. Ekipi nga Kopliku shënoi që në fillim me Tomën, i cili edhe dyfishoi.

Mezini ngushtoi shifrat për Tërbunin, por Pelinku iu përgjigj shpejt dhe realizoi golin që i mbylli të gjitha llogaritë. Në shtesa realizoi edhe Dyca. Ky trepikësh i jep qetësi Veleçikut, që do tentojë të shmangë rënien nga kategoria. /abcnews.al

KATEGORIA E PARË/ FAZA E TRETË – JAVA 1

E shtunë, më 7 mars, ora 14:00
Grupi A (Play-Out)
Egnatia-Dinamo 1-0
Shënues:
Dimo 79’
Tërbuni-Veleçiku 1-4
Shënues:
Mezini 80’ / Toma 10’, 68’, Pelinku 81’, Dyca 94′

erzeni-egnatia.jpg
Vladimir Prenga16:07 | 08/02/2020

Kastrioti nuk ia ka dalë të fitojë në Burrel dhe tashmë diferenca me Besëlidhjen e vendit të dytë ka shkuar në pesë pikë. Krutanët shënuan të parë me Mehmetin që në minutën e dytë, por vendasit nuk u dorëzuan dhe Hyska realizoi golin që e ruajti ecurinë pozitive të matjanëve në javët e fundit të kampionatit.

Tërbuni i është gëzuar tre pikëve të para për këtë vit, pasi ka mposhtur ekipin e Veleçikut në Pukë. Zhvivanaj dhe Dushku shënuan në pjesën e parë, kurse miqtë reaguan vonë. Në Shijak u luajt takimi tjetër i grupit A.

Egnatia i ka shkaktuar një disfatë skuadrës së Stavri Nicës, që e ka nisur në mënyrën më të keqe këtë vit. Shijakasit u ndëshkuan nga Samet Gjoka në pjesën e dytë dhe rrogozhinasit morën pikët e plota. /abcnews.al

KATEGORIA E PARË – JAVA 15

GRUPI A
Burreli-Kastrioti 1-1
Shënues: Hyska 58′ / Mehmeti 2′
Tërbuni-Veleçiku 2-1
Shënues: Zhivanaj 22′, Dushku 33′ / Trumci 77′
Erzeni-Egnatia 0-1
Shënues: Gjoka 66′

Dinamo-1.jpg
Igli Nikolli14:58 | 26/01/2020

Dinamo ka zbritur sot në fushë përballë Egnatias, ndeshje që u mbyll ashtu siç nisi. Ekipi kryeqytetas pësoi ndryshime të shumta në merkaton e verës, por nuk ia doli ta niste vitin 2020 me tre pikë.

Ndeshja ishte e fortë, por miqtë nga Rrogozhina u mbrojtën mirë dhe u kthyen në shtëpi të pamposhtur. Kjo pikë nuk i vlen shumë bluve, që vijojnë të renditen në vend të fundit në grupin A të Kategorisë së Parë (Shkumbini është përjashtuar). Dinamo numëron 9 pikë, dy më pak se Veleçiku dhe Tërbuni, ndërsa Egnatia renditet në vend të gjashtë me 15 pikë. /abcnews.al

Dinamo – Egnatia 0-0

 

Renditja e grupit a të Kategorisë së Parë
Egnatia-1.jpg
Veronik Istrefaj16:57 | 18/01/2020

Dita e sotme ka qenë e ngarkuar për disa ekipe shqiptare, kryesisht ato të Kategorisë së Parë, që kanë luajtur takime miqësore. Turbina është përballur me ekipin fierak të Apolonisë, takim që e ka fituar pastër 2-0.

Për ekipin cërrikas, shënoi Santiago, si dhe një autogol nga miqtë. Devolli ka fituar me të njëjtin rezultat kundër Sopotit, falë golave të Hasanit dhe Cane.

Da Costa dhe Mustafaraj i kanë dhënë fitoren 2-0 skuadrës së Egnatias kundër Llapit, ndërsa Erzeni dhe Besa janë ndarë në barazim 1-1. Për shijakasit, shënoi Djidëia, i cili po kalon një formë shumë të mirë. Tomori ka fituar thellë 4-0 kundër Naftëtarit, me beratasit që nuk u kursyen aspak dhe luajtën në maksimumin e tyre./abcnews.al

Miqësore, 18 janar 2020

Turbina – Apolonia  2-0
Santiago, Autogol

Devolli – Sopoti  2-0
Hasan, Cane

Egnatia – Llapi  2-0
Da Costa, Mustafaraj

Erzeni – Besa  1-1
Djidwia /

Tomori – Naftëtari  4-0

Egnatia.jpg
Vladimir Prenga17:41 | 06/01/2020

Egnatia vijon me merkaton dhe po përfiton nga përjashtimi i Shkumbinit nga kampionati. Pas sulmuesit Erjon Mustafaj, së fundmi ritakohet me trajnerin Artan Bano edhe qendërmbrojtësi Daniel Ramazani.

Klubi nga Rrogozhina ka dalë me njoftim dhe e ka zyrtarizuar këtë lëvizje, që është e treta në hyrje gjatë merkatos së janarit.

Egnatia ka afruar edhe mesfushorin Brixhild Brahimaj, të cilin për efekt dokumentacioni nuk e federuan dot në verë dhe e lanë në huazim te Vora. Ish-lojtari i Luftëtarit është projektuar pjesë e rëndësishme e formacionit të rrogozhinasve. / abcnews.al

 

Qelimi.jpg
Veronik Istrefaj21:36 | 05/01/2020

Tjetër lëvizje te skuadra e Kategorisë së Parë, Egnatia. Mesfushori Rei Qelimi është larguar nga klubi. Me anë të një njoftimi në faqen e tyre zyrtare në Facebook, skuadra e Egnatias konfirmoi se dy palët, kanë ndërprerë kontratën me konsensus.

Njoftimi i Egnatias:

“Rei Qelimi ndërpret kontratën me FK Egnatia.

Egnatia dhe mesfushori Rei Qelimi, kanë ndërprerë marrëveshjen e bashkëpunimit me konsensus.

FK Egnatia i uron suksese në karrierë ish-mesfushorit tonë, duke e falënderuar për bashkëpunimin e dhënë me fanellën e FK Egnatias”./abcnews.al

 

Egnatia.jpg
Veronik Istrefaj20:34 | 05/01/2020

Egnatia është ribashkuar me mesfushorin Brixhild Brahimaj. Ky i fundit e kaloi pjesën e parë të këtij sezoni si i huazuar te skuadra e Vorës. Brahimaj, 23 vjeç, është rikthyer sot te Egnatia dhe këtë gjë e ka konfirmuar edhe klubi me anë të një njoftimi në faqen zyrtare në Facebook

Njoftimi i Egnatias:

Egnatia dhe mesfushori Brixhild Brahimaj  kanë arritur marrëveshje bashkëpunimi, duke e rikthyer nga huazim në ekipin tonë.

I lindur në Fier, 23 vjeçari ka një karrierë të pasur ku ka provuar të luaj në Superligë me Luftëtarin dhe Elbasanin në Kategorinë e Parë.

Sezonin e fundit ishte pjesë e Vorës i huazuar nga Egnatia pasi mungesa e dokumentacionit solli mosfederimin brenda afatit kalimtar të verës./abcnews.al

 

egnatia-vs-korabi.jpg
Vladimir Prenga11:18 | 04/01/2020

Shkumbini është përjashtuar nga kampionati dhe janë disa klubet që janë vënë në lëvizje për të afruar lojtarët e mbetur të lirë. I pari që sistemohet është sulmuesi Erjon Mustafaj, i cili ka nënshkruar me skuadrën e Egnatias.

“Egnatia ka arritur të firmosë me sulmuesin Erjon Mustafaj, i cili do jetë një vlerë e shtuar për ekipin e Egnatias. Mustafaj do t’i bashkohet skuadrës ditën e hënë, kur do të zhvillojë edhe seancën e parë stërvitore me skuadrën tonë”, njofton klubi i Egnatias.

Në Rrogozhinë ai gjen trajnerin Artan Bano, me të cilin bashkëpunoi një vit më parë në ekipin peqinas. Kështu tek Egnatia kanë nisur edhe lëvizjet në hyrje, pas largimit të mesfushorit Xhonatan Lajthia një ditë më parë.

Mustafaji, me fanellën e Shkumbinit shënoi 4 gola në 9 ndeshje dhe ishte një nga lojtarët kryesorë. 30-vjeçari e njeh mirë Kategorinë e Parë, ndërkohë që në të shkuarën ka provuar të luajë edhe në Superiore. /abcnews.al

FB_IMG_1578065070753.jpg
Vladimir Prenga16:25 | 03/01/2020

Egnatia ka njoftuar largimin e parë nga skuadra. Mesfushori Xhonatan Lajthia, i marrë në huazim nga Teuta, nuk do të jetë nën urdhrat e trajnerit Artan Bano në pjesën e dytë të sezonit.

Lajthia do të mbetet në Kategorinë e Parë. Te Teuta nuk ka hapësira dhe i riu kërkon që të luajë rregullisht. Diçka të tillë ia mundëson skuadra e Erzenit, ku edhe ai pritet të rikthehet.

Sezonin e shkuar ai u aktivizua si titullar me shijakasit, madje shënoi edhe katër gola. Lajthia nuk do të jetë i vetmi që do të përforcojë skuadrën e Stavri Nicës, pasi në vazhdim do të ketë edhe afrime të tjera. / abcnews.al

cerrik-heshtje.jpg
Vladimir Prenga13:22 | 30/11/2019

Ditë miqësoresh sot. Pak minuta më parë kanë përfunduar dy prej tyre, në Kamzë dhe Cërrik. Iliria ka mposhtur 2-0 Kastriotin, kurse Turbina dhe Egnatia janë ndarë në paqe. Në sfidën e zhvilluar në stadiumin “Nexhip Trungu”, ndeshja me një minutë heshtje.

E gjitha në nder të viktimave të shkaktuara nga tërmeti i datës 26 nëntor. Për të mbetur te ndeshja, rezultati përfundimtar ishte 1-1, me të dyja skuadrat që dështuan të shënonin golin që do t’u jepte fitoren.

Ndryshe nga se ndodhi në Cërrik, në Kamzë fitoi skuadra e Ilirisë, që shënoi dy herë në portën e Kastriotit. Skuadra e drejtuar nga Fatmir Sala realizoi në fillimin e pjesës së dytë, fillimisht me Demirajn dhe më pas me Santiago Selmanin, i cili fitoi derbin më vëllain e tij, Adolfin.

Miqësore | E shtunë, më 30 dhjetor

Iliria- Kastrioti 2-0
Shënues
: Demiraj 55′, Selmani 60′

Turbina-Egnatia 1-1

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono