Dvoran

faliment.jpg
ad min15:45 | 19/02/2019

Fermerët e Dovranit në Korçë janë zhgënjyer nga puna e tyre në pemtaritë me mollëdhe qershi. Ata thonë se kanë bërë shumë shpenzime dhe nuk kanë përfituar asgjë.

Fermerët e Dvoranit po i shkulin mollët nga rrënjët. Pemët, që ju kanë dhënë fruta për një periudhë 20-vjeçare, tani do t’ju shërbejnë për ngrohje. Në pemetoren prej 500 dynymë të Taulant Huthit, janë prerë mbi 500 rrënjë molle.

Të njëjtin vendim kanë marrë edhe fermerët e tjerë. Mungesa e tregut ka detyruar ata të shesin prodhimin nën kosto për disa vite, duke i çuar drejt falimentimit.

Zbritja e çmimit të mollës gjatë këtij viti, deri në 3 lek për kilogramë, i shtyu t’i presin pemëtoret, duke i dhënë fund kultivimit të mollës në zonen që identifikohet me këtë frut.

“Kam shitur 200-250 kuintal mollë dhe çmimi i mollëve është akoma një pako mastik”.

“Kemi disa vite që bëjmë shpenzime dhe nuk fitojmë asgjë. Vjet dhe sivjet, çmimet më të ulëta. Unë kam prodhuar rreth 250 kuinatlë, 200 i kam shitur, por sa lekë e ke shitur do thuash? 100, 150 lekë dhe 30 lekë e fundit. Në fund me 30 po i shesim. Vijnë makinat furnizohen dhe shkojnë në Bullgari për lëng”.

Shumica e fermerëve të Dvoranit ankohen se nuk kanë përfituar asnjëherë subvencione nga skemat mbështetëse të bujqësisë, çfarë do t’i ndihmonte të përballonin shpenzimet e larta, që kërkon sidomos prodhimi i mollëve.

Të paorientuar nga specialistë të fushës, ata kanë menduar si zgjidhje, zëvendësimin e mollëve me arra, të cilat e japin prodhimin e parë, pas një periudhë shtatë-vjeçare.

“Mollët aktualisht kam menduar t’i zëvendësoj me arra. Ka një leverdi tjetër. Ka më pak kosoto për t’u trajtuar. Për shtatë vitet e ardhshme kemi fitim nga kjo prerja e mollëve që bëmë”.

Pamundësia për të shitur prodhimet, po i bën fermerët e Dvoranit të mendojnë pas mollëve të zëvendësojnë edhe pemët e tjera frutore./abcnews.al

lulzim-basha.png
ad min13:41 | 03/11/2018

Kreu i Partisë Demokratike ka vijuar takimet me qytetarët në fshatin Dvoran të Korçës ku ka bashkëbiseduar me fermerë dhe banorë, të cilët shprehën shqetësimet e tyre. Problem prej 5 vitesh është mos marrja e asnjë subvencioni nga shteti për fermerët, të cilët u shprehën se edhe pse janë gati t’i shesin nën kosto prodhimet e tyre, nuk kanë ku t’i tregtojnë ato.

Kryeopozitari Basha ka zhvilluar takime me banorë të Devoll dhe Dvoran të Korçës, ku pasi ka dëgjuar problemet me të cilat përballen fermerët i ka treguar atyre zgjidhjen e forcës politike që drejton.

Kreu i Partisë Demokratike Lulzim Basha ka vijuar takimet me qytetarët në fshatin Dvoran të Korçës ku ka bashkëbiseduar me fermerë dhe banorë, të cilët i shprehën kryedemokratit shqetësimet e tyre. Problem prej 5 vitesh sipas tyre është mos marrja e asnjë subvencioni nga shteti për fermerët, të cilët u shprehën se janë gati t’i shesin nën kosto prodhimet e tyre, nuk kanë ku t’i tregtojnë ato.

Kreu i opozitës u tha fermerëve se vështirësitë e tyre, janë përgjegjësi e drejtpërdrejtë e qeverisjes që Rama ka zgjedhur të praktikojë duke i dhënë dy këshilla kujt kërkon ndryshim.

Në Devoll, Basha u tha fermerëve se Partia Demokratike synon rikthimin e skemës së subvencioneve duke argumentuar se shteti duhet të ndihmojë jo vetëm në pika grumbullimi pore dhe pika përpunimi.

Lulzim Basha i kërkoi fermerëve dhe banorëve të Korçës angazhim dhe mobilizim në dhënien fund të kësaj gjendjeje, për të mundësuar atë që kryeopozitari quan çlirim të ekonomisë. /abcnews.al

vlcsnap-error282-1280x720.jpg
ad min20:39 | 04/12/2017

Më datë 04.12.2017, rreth orës 19:15, në fshatin Dvoran, në ambjentet e një firme private pijesh kanë shkuar persona të armatosur dhe të maskuar.

Nga të dhënat e para dyshohet se këta persona pasi kanë lidhur pronarin dhe bashkëshorten e tij, kanë vjedhur një sasi lekësh prej 50 mijë lek të reja, 70 Euro dhe 150 Dollarë. Më pas këta persona janë larguar me shpejtësi në këmbë.

Në vendngjarje, ndodhen forca të shumta policie. Janë ngritur pika kontrolli për të bërë të mundur identifikimin e kapjen e autorëve.

Nga ana e Policisë po punohet për sqarimin e rrethanave të ngjarjes, si edhe dokumentimin e plotë të saj./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono