Banka e Shqipërisë

banka-e-shqiperise-1.jpg
nev ila18:06 | 18/03/2020

Biznesi shqiptar ka kundërshtuar vendimin e marrë nga Banka e Shqipërisë duke e cilësuar atë të paplotë.

Në një reagim për ABC News Dhoma e Tregtisë dhe Industrisë shprehet se në thelb ky vendim nuk i vjen në ndihmë sipërmarrjes shqiptare ndërsa për çdo rast do të jenë bankat e nivelit të dytë ato që do të japin miratimin përfundimtar.

Dhoma e Tregtisë dhe Industrisë kërkon që Banka e Shqipërisë në pamundësi për të identifikuar si të pa afektuar ndonjë sektor të ekonomisë duhet të shprehet qartë në urdhrin e saj.

Në këtë mënyrë kërkohet që të gjithë kredimarrësit që paraqesin kërkesë për riskedulim të kredisë duhet të trajtohen pozitivisht nga sistemi i kredidhënies.

Po ashtu bëhet apel që të ndërpriten interesat për një  periudhë 3 mujore.

Dhoma e Tregtisë vlerëson se urdhri aktual krijon epërsi dhe hapësira sistemit të  kredidhënies duke rritur  arrogancën subjektive të vendim marrjes. Vetëm pak ditë më parë Këshilli Mbikëqyrës i Bankës së Shqipërisë ka vendosur pezullimin e pagesave të kësteve të kredisë për ata qytetarë apo biznese që kanë probleme për shkak të të koronavirusit.

Ndryshe nga sa ishte njoftuar më parë, sipas vendimit të Këshillit Mbikëqyrës të Bankës së Shqipërisë, bankat nuk do të pezullojnë të gjitha pagesat për këstet e kredive të individëve, por vetëm për ata kredimarrës që vërtetojnë se gjendja e tyre financiare është përkeqësuar për shkak të krizës së shkaktuar nga koronavirusi.

Për të përfituar nga kjo nismë çdo biznes apo individ duhet t’i drejtohet bankës me një kërkesë për pezullimin e kësteve dhe riskedulimin e kredisë duke argumentuar se gjendja e tij financiare është përkeqësuar.

Për këtë vendim reagoi edhe kryeministri Edi Rama  pas firmosje së urdhrit me guvernatorin Gent Sejko. Sipas Ramës ky vendim zgjidh problemet që bizneset kanë me bankat gjatë kësaj periudhe lufte me Koronavirusin./abcnews.al

Capture-73.png
in a17:21 | 18/03/2020

Biznesi shqiptar ka kundërshtuar vendimin e marë nga Banka e Shqipërisë duke e cilësuar atë të paplotë.

Në një reagim për “ABC News” Dhoma e Tregtisë dhe Industrisë shprehet se në thelb ky vendim nuk i vjen në ndihmë sipërmarrjes shqiptare ndërsa për çdo rast do të jenë bankat e nivelit të dytë ato që do të japin miratimin përfundimtar.

Dhoma e Tregtisë dhe Industrisë kërkon që Banka e Shqipërisë në pamundësi për të identifikuar si të pa afektuar ndonjë sektor të ekonomisë duhet të shprehet qartë në urdhrin e saj.

Në këtë mënyrë kërkohet që të gjithë kredimarrësit që paraqesin kërkesë për riskedulim të kredisë duhet të trajtohen pozitivisht nga sistemi i kredidhënies. Po ashtu bëhet apel që të ndërpriten interesat për një  periudhë 3 mujore. Dhoma e Tregtisë vlerëson se urdhëri aktual krijon epërsi dhe hapësira sistemit të  kredidhënies duke rritur arrogancën subjektive të vendim marrjes.

Vetëm pak ditë më parë Këshilli Mbikëqyrës i Bankës së Shqipërisë ka vendosur pezullimin e pagesave të kësteve të kredisë për ata qytetarë apo biznese që kanë probleme për shkak të të koronavirusit.

Ndryshe nga sa ishte njoftuar më parë, sipas vendimit të Këshillit Mbikëqyrës të Bankës së Shqipërisë, bankat nuk do të pezullojnë të gjitha pagesat për këstet e kredive të individëve, por vetëm për ata kredimarrës që vërtetojnë se gjendja e tyre financiare është përkeqësuar për shkak të krizës së shkaktuar nga koronavirusi.

Për të përfituar nga kjo nismë çdo biznes apo individ duhet t’i drejtohet bankës me një kërkesë për pezullimin e kësteve dhe riskedulimin e kredisë duke argumentuar se gjendja e tij financiare është përkeqësuar.

Për këtë vendim reagoi edhe kryeministri Edi Rama pas firmosjes së urdhërit me guvernatorin, Gent Sejko. Sipas Ramës ky vendim zgjidh problemet që bizneset kanë me bankat gjatë kësaj periudhe lufte me koronavirusin./abcnews.al

banka.png
in a21:03 | 16/03/2020

Këshilli Mbikëqyrës i Bankës së Shqipërisë ka zbardhur vendimin në lidhje me pezullimin e pagesave të kësteve të kredisë për ata qytetarë apo biznese që kanë probleme për shkak të të koronavirusit.

Ndryshe nga sa ishte njoftuar më parë, sipas vendimit të Këshillit Mbikëqyrës të Bankës së Shqipërisë, bankat nuk do të pezullojnë të gjitha pagesat për këstet e kredive të individëve, por vetëm për ata kredimarrës që vërtetojnë se gjendja e tyre financiare është përkeqësuar për shkak të krizës së shkaktuar nga koronavirusi.

Për të përfituar nga kjo nismë çdo biznes apo individ duhet t’i drejtohet bankës me një kërkesë për pezullimin e kësteve dhe riskedulimin e kredisë duke argumentuar se gjendja e tij financiare është përkeqësuar.

Pas kësaj kërkese është banka që do të vendosë nëse do t’ja marrë parasysh kërkesën apo jo kredimarrësit.më pas është banka ajo që ofron një mënyrë të re të pagesës së kredisë dhe garanton se nuk do të raportojë si kredimarrës të keq tek regjistri i kredive.

Ndërkohë për të gjithë ata kredimarrës për të cilët gjendja financiare nuk është përkeqësuar, secili duhet të vijojë pagesën e kredive normalisht. Masat për riskedulimin e kësteve të kredisë  hyn në fuqi në datën 13 mars 2020 dhe do  zgjasin deri në datën 31 maj 2020.

Ato parashikojnë që, gjatë kësaj periudhe, ata kredimarrës individë dhe biznese, gjendja financiare e të cilëve përkeqësohet nga situata aktuale, mund të përfitojnë një shtyrje, deri në 3-muaj, të pagesave të kësteve të kredive./abcnews.al

sejkooo-1280x677.jpg
eri Ida16:56 | 12/03/2020

Gurvenatori i Bankës së Shqipërisë në një intervistë ekskluzive për ABC News ka shpjeguar me dataje se çfarë parashikon në të vërtetë shtyerja e këstit të kredisë me 3 muaj.

Sejko është shprehur për abcnews.al se shtyrja e këstit të kredisë kryesisht është për bizneset të cilët preken nga kjo situatë e jashtëzakonshme në të cilën ndodhet vendi, ndërsa sipas tij individët janë të lirë të bëjnë veprimet në varësi të mundësisë së tyre.

Intervista e gurvenatorit me gazetaren Erblina Mile:

Është marrë një vendim shumë i rëndësishëm për bizneset dhe individët për shkak të koronavirusit duke u shtyrë kësti i kredisë me tre muaj. Pse një vendim i tillë dhe çfarë synoni që të arrini me këtë?

Banka e Shqipërisë ka marrë një sërë masash duke filluar që nga java e kaluar në lidhje me situatën që ne po kalojmë. Këto masa kanë orientuar Bankat e nivelit të dytë që të operojnë me klientët e tyre ne kushte sa më optimale që të mos pengohen operacionet bankare dhe financiare por të ruhet dhe shëndeti i punonjësve dhe klientëve të bankave. Mesazh për të gjithë klientët në varësi të masave dhe të udhëzimeve të mos perceptohen në mënyrë të gabuar duke menduar se bankat nuk kanë likujdidet, por ky është një vendim që është marrë në kuadër të masave të shtuara për infeksionin, për ruajtjen e shëndetit të klientëve. Masat janë shpërndarë në formë udhëzimi në të gjithë nivelin e dytë. Ne kemi bërë një pezullim 3 mujor për këstet e kredisë, ato nuk falen por shtyhen dhe ato klientë që janë të prekur nga sëmundja dhe nuk kanë mundësi janë përjashtuar nga norma e interesit. Ndërsa klientët e tjerë që duan të jenë të rregullt me pagesat kanë të drejtë. Dhe ne si Bankë e Shqipërisë po punojmë me staf të reduktuar kemi marrë masa që pagesat online dhe kesh.

A do të vijojë të funksionojnë sportelet e bankave të nivelit të dytë do të jenë të hapura? 

Do të jenë të hapura dhe në vijimësi të situatës ne do të bëjmë të mundur dhe të shikojmë situatën në të cilën ndodhemi. Pagesat gjithashtu mund të bëhen dhe përmes kartave. Nuk besoj të kemi anormalistet në kryerjen e pagesave por e rëndësishme ëështë që të kemi një situatë të izoluar nga njëri tjetri në një situatë të jashtëzakonshme. Duhet të respektojmë masat mbrojtëse.

Sa do të ndikojë kjo situatë në rritjen ekonomike?

Patjetër që do të ketë një efekt negativ në rritjen ekeonominë, do të ketë efektet e saj të jashtme dhe nga brenda nuk mund të them tani se sa do të jetë dhe ndikimi në shifrat e rritjes ne po bëjmë bilance tona, Politika jonë monetare do të vijojë të jetë stimuluese, njëkohesisht ne po marrim masa dhe për të ruajtur stabilitetin e çmimeve dhe atë financiar. Bankat janë me tepricë likuiditeti me tepricë. Nuk shikojmë probleme krizash por rënie ekonomike. Këto parashikime i përkasin 6 mujorit të parë dhe në mbledhjen e këshillit mbikqyrës do të kemi dhe shifrat e duhura.

A mund të kemi një rishikim tjetër të normës së interesit?

Natyrisht që dhe ky është një opsion politika jonë lehtësuese monetare ka filluar efekti i transmetimit ka filluar duke pasur një lehtësim të mirë ka akoma pak hapësirë për të filluar me këtë lehtësim dhe kjo i përket Këshillit mbikqyrës. Ditë pas dite ne kemi dhe rezultate të reja në këtë drejtim por kjo nuk do të varet dhe nuk mund të themë po ose jo. E rëndësishme stabiliteti i çmimeve, parametrat makro ekonomik, gjendja financiare e vendit është e qëndrueshme.

Çfarë ndikimi mund të ketë tek konsumi e gjithë kjo situatë?

Ne e dime se masat për mbrojtjen e ppullatës do të prekë dhe konsumit patjetër që duhet të mbyllen pasi ëshstë jeta e qytetarit ajo që do të ndikojë. Kjo situatë krize do të godisë dhe turizmin ne nuk e dimë se sa do të zgjasë por patjetër që ne parashikojmë se do të ketë. Të gjitha janë parashikime dhe unë qëndroj se do të kemi një rënie ekonomike dhe pse nuk e dimë se sa.

Do të jetë ndikimi i vetë krizës ajo që do të krijojë në Shqipëri apo duke pasur parasysh kjo mund të jetë dhe një krizë globale a do ti mbivendoset kriza e tregjeve dhe kostove tona reale?

Gjithmonë në analiza tona ne marrim parasysh skenarët e brendshëm ku perfshihen konsumi i brendshem dhe të jashtëm. Faktorët në Eurozonë është shumë e vështirë siç është edhe Itali një nga partnerë tanë. Nuk e di nëse do të kemi një rënie. Do të kemi një rënie në remitanca. Ajo që do të thoja është se qeveria shqiptare do të ketë skenarë rreziku, dhe masa të tjera konvencionale ose jo. E rëndësishme është të shmangim panikun dhe të respektojmë masat e mbrojtjes së shëndetit publik.

Sot biznesi shqiptar më saktë kreu i dhomës së tregtisë ka kërkuar nga qeveria lehtësira për biznesin

Kërkesa kryesore që unë kam parë nga biznesi është ajo për të cilën ne kemi reaguar për një shtyrje të kredive në një afat tre mujor nuk e di se çfare kërkesash të tjera kanë pasur për tregun monetar sidomos për Bankën e shqipërisë, ndërsa për kërkesat e tjera është ministriae financave që duhet të kishte reaguar dhe ka reaguar besoj./abcnews.al

banka-e-shqiperise.jpg
nev ila15:37 | 13/02/2020

Rritja ekonomike gjate 2020 do të jetë më e vogël e ndikuar direkt nga tërmeti i 26 nëntorit. Banka e Shqipërisë ka publikuar  një analizë të efekteve dhe ku pritet të goditet ecuria ekonomike me rreth 0.6% .

Në raportin e politikës monetare për tremujorin e parë të këtij viti theksohet se është e vështirë të vlerësohet me saktësi se cila do të jetë  kohëzgjatja e efekteve të tërmetit.

Ulja e rritjes ekonomike kombinon reduktimin e të ardhurave nga turizmi dhe ngadalësimin e shpenzimeve të konsumatorëve në kushtet e rritjes së pasigurisë.

Turizmi në këto qarqe parashikohet të reduktohet për shkak të dëmtimit të strukturave përkatëse dhe të efekteve psikologjike tek pushuesit, vendas dhe të huaj.

Analiza e Bankës së Shqipërisë evidenton se efektet afatshkurtra të tërmetit pritet të jenë negative dhe  për inflacionin i cili parashikohet të pësojë një tjetër ulje me rreth 0.3%. Ndërsa pritet një rritje e defiçitit.

Sipas BSH  shtesa në deficitin e qeverisë për vitin 2020, e planifikuar pas ndodhjes së tërmetit, është rreth 10 miliard lekë, ku 7 miliard lekë parashikohet të financohen nëpërmjet rritjes së huamarrjes në tregun e brendshëm.

Në planin afatmesëm,efektet e tërmetit në ekonomi parashikohet të ndikohen, ndër të tjera, dhe nga vëllimi i formave të financimit të procesit të rindërtimit, si dhe nga kohëzgjatja e shpërndarja e tij në kohë.

Banka e Shqipërisë e lidh efektin e tërmetit në ekonomi edhe me faktin se në Durrës Tiranë janë të përqendruara bizneset më të mëdha në vend të cilat kanë pësuar dëme.

Ndërkohë për të stimuluar ekonomikë Banka Qendrore ka paralajmëruar lehtësim të politikës monetare në muajt në vijim edhe pse norma e interesi është minimumin historik prej 1%./abcnews.al

bsh.jpg
ger ta16:41 | 08/01/2020

Tërmeti i fuqishëm i 26 nëntorit përtej shkatërrimit ka sjellë efektet e para negative edhe në situatën ekonomike në vend. Banka e Shqipërisë ka publikuar “Vrojtimin e besimit të konsumatorve dhe biznesve” për periudhën tetor –dhjetor, e cila është zhvendosur nën mesataren afatgjatë. Pothuajse të gjithë sektorët e ekonomisë kanë pritshmëri negative për të ardhmen përsa i përket gjendjes financiare, punësimeve të reja apo kontratave.

Shërbimet kanë pësuar goditjen më të fuqishme ku  “Treguesi i besimit” ra me 15.1 pikë përqindje gjatë tremujorit të katërt. Kjo e ndikuar direkt nga disa tregues sic janë ecuria e biznesit, gjendja financiare dhe norma e shfrytëzimit të kapaciteteve.po ashtu edhe industria ka pësuar një rënie të pritshëmrive ekonomike  gjatë tremujorit të katërt. Madje pritshmëri negative për ecurinë e sektorit ka pasur edhe ndërtimi pavarësisht se kohët e fundit ka pasur një rritje të ndjeshme të numrit të lejeve.

Treguesi i besimit në sektorin e ndërtimit shënoi rënie me 3.0 pikë përqindje gjatë periudhës tetor –dhjetor. Por përtej bizneseve edhe qytetarët kanë paqartësi dhe pritshmëri negative për gjendjen e tyre ekonomike duke e zhvendosur treguesin me 1.4 pikë përqindje nën mesataren historike të tij.

Kjo gjendje thuhet në raportin e Bankës së Shqipërisë  është ndikuar direkt nga   situata e  përgjithshme ekonomike në vend  si dhe prej gjendjes financiare të familjeve./abcnews.al

 

gent-sejkoo.jpg
ad min19:46 | 02/10/2019

Pas letrës së kreut të PD, Lulzim Basha, drejtuar bankave të nivelit të dytë për projektet e Partneritetit Publik-Privat, Guvernatori i Bankës së Shqipërisë, Gent Sejko, deklaron se financimi i të tilla projekteve bëhet sipas kritereve specifike dhe nuk përbëjnë asnjë rrezik.

Guvernatori i Bankës së Shqipërisë, Gent Sejko i është përgjigjur publikisht letrës së kryedemokratit Lulzim Basha drejtuar bankave të nivelit të dytë për mos financimin e projekteve të partneritetit publik privat. Guvernatori Sejko tha se për këto projekte ka kritere specifike të vendosura nga bankat dhe nuk përbëjnë rrezik për ekonominë.

Edhe për shqetësimin e dytë të kreut të PD, lidhur me parandalimin e pastrimit te parave, guvernatori Sejko tha se Banka e Shqipërisë dhe bankat e nivelit të dyte kane rregullore dhe sisteme kontrolli për menaxhimin e këtij risku dhe nuk ka asnjë indicie për të tilla veprimtari në këto institucione financiare.

Në konferencën për vendimmarrjen e politikës monetare, kreu i Bankës së Shqipërisë tha se luhatjet e kursit të këmbimit nuk kanë pasur efekt negativ ne ekonomi dhe pas sezonit veror kursi po shkon drejt normalizimit.

Por i kundërt ka qenë efekti në ekonomi nga mbyllja e lojërave të fatit. Në tremujorin e dytë të vitit sipas të dhënave nga Banka e Shqipërisë ekonomia është rritur me 2.3%. sektorët që kanë ndikuar më shumë në këtë rritje janë bujqësia, energjia dhe ndërtimi./ABC News Albania 24/7

lekuuuuuu.jpg
ad min12:13 | 13/09/2019

Banka e Shqipërisë ka prezantuar serinë e re të kartëmonedhave, disa prej të cilave do të hyjnë në qarkullim që në fund të këtij muaji. Sipas Bankës, veç dizejnos së ndryshme, këto kartëmonedha kanë më shumë elemente sigurie dhe janë me rezistente ndaj përdorimit.

Kjo do të jetë pamja e re e kartëmonedhave shqiptare. Banka Qendrore ka vendosur të nxjerrë në qarkullim serinë e re të Lekut. Ajo do të përmbajë gjashtë prerje 200, 500, 1000, 2000, 5000 dhe prerjen e re 10000 lekë.

Guvernatori i Bankës së Shqipërisë Gent Sejko gjatë ceremonisë së prezantimit tregoi se 200 dhe 5000 lekëshi do të hidhen në treg në fund të muajit.

Me gjithë hyrjen në përdorim të serisë së re të kartëmonedhave, ato ekzistuese do të vazhdojnë të përdoren nga qytetarët, deri sa Banka e Shqipërisë t’i nxjerrë gradualisht nga qarkullimi.

Dizejnot e kartëmonedhave rifreskohen pas më shumë se 20 vitesh. Sipas Guvernatorit të Bankës Qendrore kartëmonedhat e reja do të jenë më te sigurta dhe me rezistente./ABC News Albania 24/7

KRONIKE-BANKA-E-SHQIPERISE-_ABC-M4-T2.mpg_snapshot_00.03-1280x720.jpg
ent ela22:22 | 12/09/2019

Banka e Shqipërisë prezantoi Serinë e re të kartemonedhave, disa prej të cilave do të hyjnë në qarkullim që në fund të këtij muaji. Sipas Bankës, veç dizenjos së ndryshme, këto kartemonedha kanë më shumë elementë sigurie dhe janë më rezistente ndaj përdorimit.

Kjo do të jetë pamja e re e kartmonedhave shqiptare, që janë emetuar së fundmi nga Banka e Shqipërisë. Dizenjot e kartmonedhave ekzistuese janë rifreskuar pas më shumë se 20 vitesh. Gjatë ceremonisë për prezantimin e serisë së re të kartmonedhave, Guvernatori i Bankës së Shqipërisë Gent Sejko tha se kartmonedhat e reja do të jenë më të sigurta dhe më rezistente.

Guvernatori i Bankës Qendrore tregoi kur do të jenë në duart e qytetarëve kartmonedhat e reja.

Banka e Shqipërise do të zhvillojë një fushatë promovuese në të gjithë vendin për t’u shpjeguar qytetarëve stemat e reja të secilës kartmonedhë dhe se si mund të mirëmbahen paratë. Megjithë hyrjen në përdorim të Serisë së re të kartemonedhave, edhe ato ekzistuese do të vazhdojnë të përdoren nga qytetaret, deri sa Banka e Shqipërisë t’i nxjerrë gradualisht nga qarkullimi. /ABC News Albania 24/7

banka-1280x698.jpg
nev ila15:59 | 17/07/2019

Pas kërkesës së 28 deputeteve për të  shkarkuar nga detyra anëtarin e Këshillit Mbikëqyrës, Arben Malaj, për shkelje të etikës, ka reaguar Banka e Shqipërisë. Banka Qendrore nuk e përmend me emër anëtarin e saj, por sqaron rastet kur shkelet kodi i etikës.

Kodi i Etikës përcakton shprehimisht se çdo veprimtari tjetër e anëtarit të Këshillit Mbikëqyrës, e cila kryhet jashtë detyrave të tij të përcaktuara në Ligjin për Bankën e Shqipërisë, nuk duhet të ketë ndikim negativ mbi detyrimet që ai ka ndaj Bankës së Shqipërisë dhe nuk duhet të dëmtojë imazhin e saj” shkruhet në njoftimin për shtyp të Bankës Qendrore.

Ndërkohë Banka e Shqipërisë thotë se u ka bërë të ditur, të gjithë anëtarëve të Këshillit Mbikëqyrës detyrimin për të mbajtur parasysh se, që nga momenti i emërimit, deri në përfundim të mandatit, ata përfaqësojnë, në çdo situatë, organin më të lartë drejtues të institucionit dhe se me deklarimet apo veprimet e tyre mund të dëmtojë imazhin e tij.

“Çdo qëndrim individual që bie ndesh me karakterin publik të rolit të anëtarëve të Këshillit Mbikëqyrës dhe detyrimin e tyre për të promovuar besimin publik në integritetin, paanësinë dhe efektivitetin e Këshillit Mbikëqyrës, duhet detyrimisht të trajtohet si jopërfaqësues i institucionit dhe në kundërshtim me rregullat e Kodit të Etikës”, përfundon deklaratën Banka Qendrore./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono