Kryeministri Edi Rama ka mbledhur sot Asamblenë e Partisë Socialiste të Tiranës, në kuadër të përgatitjeve për zgjedhjet lokale të vitit 2027. Në fokus të takimit është organizimi i ri i strukturave socialiste në kryeqytet, mobilizimi i bazës dhe angazhimi për garën e ardhshme elektorale.
Të pranishëm në Asamble janë ministrat e kabinetit qeveritar, drejtuesit politikë dhe deputetë.
Ndërkohë, është zbardhur edhe organizimi i ri i Partisë Socialiste për Tiranën, i cili do të funksionojë në pesë nivele përgjegjësie:
19 deputetë dhe ministra, 27 njësi të Tiranës dhe 3 grupe fshatrash, 34 blloqe për praninë besnike, 30 koordinatorë, 420 të deleguar.
Ky organizim synon të shtrijë angazhimin e strukturave socialiste në të gjithë territorin e Tiranës, duke forcuar praninë politike dhe komunikimin me qytetarët në prag të zgjedhjeve të vitit 2027.



