Banka e Shqipërisë

arben-malaj.jpg
nev ila11:02 | 16/07/2019

 

28 deputetë të Partisë Socialiste kanë firmosur kërkesën për shkarkimin e Arben Malajt nga Këshilli i Mbikëqyrjes së Bankës së Shqipërisë, me argumentin se ka shkelur Kodin e Etikës. Vetë Malaj thotë se shkarkimi vjen pasi nuk i ishte bindur Taulant Ballës për emërime partiake në Bankën Qendrore.

Arben Malaj është një socialist i vjetër. Ai u rizgjodh në anëtar i Këshillit Mbikëqyrës të Bankës së Shqipërisë në vitin 2018, por postin e lakmuar tashmë e ka në rrezik.

28 deputetë socialistë, kanë kërkuar shkarkimin e tij, me argumentin se ka shkelur Kodin Etik dhe ka cenuar besueshmërinë e institucionit që përfaqëson.

“Secila prej daljeve publike të anëtarit të Këshillit Mbikëqyrës dhe të gjitha të marra së bashku, mund të çojnë në konkluzionin se temat e trajtuara dhe qëndrimet e shprehura, mund të kenë ndikim negativ në detyrimet që ai ka ndaj Bankës së Shqipërisë, dhe duke qenë se ato shprehin vlerësime që janë pjesë e analizave politike, të lidhura me grupime politike, besojmë se ato dëmtojnë edhe imazhin e Bankës së Shqipërisë”.

ABC News pyeti disa prej firmëtarëve, nëse shkarkimi kërkohej për shkak të qëndrimeve kritike të Arben Malajt ndaj lidershipit të kryeministrit Rama.

Disa nuk janë të ndërgjegjshëm që kanë firmosur. Vetë Malaj bëri një sqarim në rrjetet sociale, duke thënë se ishte paralajmëruar për shkarkimin.

“Kërcënimet paralajmëruese mi ka dërguar Taulant Balla pas mos pranimit te ndërhyrje se tij edhe me SMS me rekomandime partiake ne proceset përzgjedhjes ne Bordin e Bankës se Shqipërisë. Shqetësimi është i protokolluar ne mbledhjen e Bordit te BSH.  Fakti qe pas shkarkimit nga Erdogan te Guvernatorit te Bankes se Turqise, ky mund te rast i dyte qe maxhorancat e gjithe pushteteshme shkarkojne nje anetar Bordi te Bankes Qendrore, Vetem profesionalisht me trishton. Veprimi i tyre eshte i paster politik”.

Malaj, një socialist i hershëm që, veçse deputet, ka shërbyer edhe si Ministër Financash gjatë qeverisë socialiste, e mbyll reagimin e tij duke ju kujtuar ish kolegëve se mes karriges dhe lirisë, do të zgjidhte gjithmonë këtë të fundit./ABC News Albania 24/7

PROVOKACIJA-ARBEN-MALAJ-PJ-3-1280x720.jpg
ent ela23:00 | 15/07/2019

28 deputetë të mazhorancës kërkojnë shkarkimin e Arben Malajt, nga Këshilli Mbikëqyrës i Bankës së Shqipërisë.

Shkaku pse kërkohet shkarkimi i tij, sipas burimeve është shkelja e etikës në komunikime publike, Deputetët pretendojnë në kërkesën për shkarkim, se Malaj ka kryer veprime që cënojnë besueshmërinë dhe paanshmërinë që duhet të garantojë poizicioni i një anëtari në Këshillin Mbikëqyrës të Bankës Qendrore.

Arben Malaj, ish-ministër i Financave dhe ish-deputet i Partisë Socialiste, është anëtar i bordit të Bankës së Shqipërisë që prej dhjetorit të vitit të kaluar. /ABC News Albania 24/7

banka-e-shqiperise.jpg
ad min17:21 | 23/04/2019

Guvernatori i Bankës së Shqipërisë Gent Sejko kërkoi që institucionet përgjegjëse të bashkëpunojnë me njëra-tjetrën për të parandaluar përsëritjen e ngjarjeve si ajo e grabitjes në pistën e aeroportit të Rinasit. Gent Sejko tha se banka qendrore është shqetësuar pas kësaj ndodhie dhe shtoi se përsëritja e saj do të sillte kosto shtesë për bankat dhe ekonominë vendase.

Banka e Shqipërisë thotë se bankat kanë zbatuar rregulloren e sigurisë gjatë kohës së transportit të parave që u grabitën dy javë më parë në Aeroportin e Tiranës. I pyetur për ndikimin që ka patur grabitja në sistemin bankar, guvernatori Gent Sejko tha se bankat janë të mirëkapitalizuara, por nëse ngjarjet përsëriten, krijojnë kosto për sektorin bankar dhe ekonominë vendase. Ai kërkoi që institucionet të marrin masa për të parandaluar ngjarje të tjera.

“Ajo që na shqetëson më shumë ne si bankë qendrore është përsëritja e këtyre ngjarjeve ndikimi negativ në imazh ndikim negativ psikologjik dhe sigurisht në qoftë se ngjarje të tilla do të përsëriteshin shumë shpesh dhe ndikimi financiar do të bëhej shumë problematik dhe do të kishte një kosto jo vetëm për sistemin bankar, por për të gjithë ekonominë shqiptare”, tha Sejko.

Guvernatori ishte në Komisionin e Ekonomisë ku tha se banka qendrore ka nisur projektin për të bërë kleringun e vlerave monetare në euro për transfertat mes bankave brenda Shqipërisë, kjo do të ulë koston e shërbimeve bankare dhe po ashtu sasinë e parave që dërgohen jashtë.

“Ne si Bankë Shqipërie kemi marrë vendim që brenda këtij viti të implementojmë sistemin e kleringut, e qarkullimit të parave në euro në Bankën e Shqipërisë”, tha Sejko.

Në raportin vjetor Banka e Shqipërisë vlerësoi se sektori bankar gjatë kësaj periudhe kanë qenë likuid dhe kreditimi ka patur një rritje të lehtë, ndonëse jo në krahun e biznesit. Banka qendrore që pret që në 3 vitet e ardhshme ekonomia të ngadalësojë ritmin e rritjes nga 4 në 3.8%, për shkak të situatës globale, rënies së prodhimit të energjisë dhe vazhdimit të krizës politike./abcnews.al

DSC_0062-Copy-2-1280x854.jpg
ad min19:25 | 24/12/2018

Viti që po lemë pas ka patur një nga shifrat rekord të blerjes së monedhës Euro nga ana e Bankës së Shqipërisë në tregun e brendshëm. Edhe pse Euro vijon të blerë banka nuk po ndërhyn, por guvernatori deklaroi në një konferencë për shtyp se është gati nëse ka sërish mbiçmim të lekut. ai tha se këtë vit janë blerë në treg 400 milionë Euro.

Banka e Shqipërisë ka blerë në tregun e brendshëm gjatë vitit 2018 400 milionë euro, ku më shumë se gjysma e kësaj shume është përdorur për të ndërhyrë në kursin e këmbimit valutor. Në fund të mbledhjes së Këshillit Mbikqyrës, guvernatori i Bankës së Shqipërisë, Gent Sejko, tha se nëse do të lindë nevoja, banka qendrore do të vazhdojë të ndërhyrjë në kursin e këmbimit.

“Në rast se ne do të shohim çrregullime në përputhje me ligjin dhe rregulloren e Bankës së Shqipërisë dhe në rast se ne do të shohim se kursi i këmbimit do të ndikojë nivelin e inflacionit do të vazhdojmë programin e ndërhyrjeve”, tha Sejko.

Por kreu i bankës qendrore sqaroi se për momentin lëvizjet në tregun e këmbimit valutor me mbiçmimin e monedhës kombëtare po ndikohen nga shkaqe natyrale sezonale dhe nuk përbëjnë rrezik për inflacionin. Ai nuk dëshiroi të japë një vlerë të Euros që mund të bëjë rrezik për tagrin e inflacionit të vendosur nga banka.

“Kemi një nivel më të ulët mbi çmimin e kursit të këmbimit dhe unë nuk do doja ta përmendja këtë shifër si nivel pasi do të bëhej një element psikologjik për të ndikuar në spekulime në tregun e këmbimit, por sigurisht që jemi në një nivel më të ulët se sa niveli i mëparshëm”,  tha Sejko.

Banka qendrore do të nisë ndërhyrjen me politikën e saj monetare për rritjen e normës së interesit jo më parë se në 3-mujorin e dytë të 2019-s. për vitin që po mbyllet guvernatori tha se ka patur mjaft sfida, dhe se lehëtsimi i normës bazë të interesit të lekut ka dhënë efekte pozitive në lehtësimin dhe rritjen e kredisë si dhe në uljen e kostos së borxhit publik./abcnews.al

kuvendi-123-e1545402874611.jpg
ad min15:36 | 21/12/2018

Partia demokratike akuzon mazhorancën se po tenton të kapë Bankën e Shqipërisë duke mos lejuar opozitën që të paraqesë kandidatët e saj. Kreu i grupit parlamentar socialist Taulant Balla i ka kundërshtuar duke deklaruar se opozitën e përfaqëson ish-ministri i Financave në qeverinë Berisha, Ridvan Bode.

Oerd Bylykbashki: “Banka e Shqipërisë është organ kushtetues i pavarur. Në të shkuarën kanë ardhur një kandidat me 28 firma, kësaj radhe ju po thoni “ky është organ i pavarur, të gjitha kandidaturat vijnë me 28 firma dhe e vendosim ne me shumicën tonë”. Praktikisht bie pavarësia e institucionit. E gjitha është në xhepin e kryeministrit si çdo gjë tjetër. Është antikushtetuese, kthehuni tani. Merrni praktikën e mirë të këtij parlamenti në të shkuarën dhe garantoni se Banka e Shqipërisë nuk bie në thundrën e Edi Ramës”.

Taulant Balla: “Nëse ju do të kishit përzgjedhur një nga ato kandidatura që kanë aplikuar dhe kanë shfaqur interes, mund ta kishit sjellë. E drejta e Grupit Parlamentar të Partisë Socialiste për t’u mbështetur kandidatura është një e drejtë që na takon dhe nuk e negociojmë aspak me ju. Për sa i përket qeverisë, qeveria është tërësisht autonome në këtë proces. Të më thuash ti mua që Ridvan Bode është i imi dhe unë kam çuar bashkë me Edi Ramën, Ridvan Boden për të kapur Bankën e Shqipërisë kjo është e turpshme. Po ashtu edhe z. Suela Boba (Tavo), e cila në asnjë moment nuk mund të konsiderohet si përfaqësuese e Partisë Socialiste”.

Edmond Spaho: “Ridvan Bode nuk është përfaqësues i PD-së, por është i Edi Ramës. Dje në seancë ju ngritëm këtë çështje nga kryetari i PD-së. Që nuk pranojmë që përfaqëuesit që duhet të propozojmë ne në institucione t’i caktoni ju. Prandaj e kundërshtojmë praktikën tuaj dhe votimin që keni bërë dje e që doni të bëni sot. Trego një dokument komunikimi që ke bërë me Partinë Demokratike ose me pakicën në parlament për këtë çështje Taulant para se të thuash që i kam ndjekur të gjitha rrugët”.

Jorida Tabaku: “Zoti kryetar i Kuvendit  i ka nisur një shkresë opozitës dhe i thotë me 28 firam sillni një propozim. Pse kundërshtuat këtë vendim të parlamentit që i kërkonit opozitës që të sillte një propozim me 28 firma? Kam nxjerrë këtu të gjitha vendimet e Kuvendit për anëtarët e bordit të Shqipërisë. Në 3 Nëntor 2011, Kuvendi ka propozuar tre anëtarë. Zonjën Ermelinda Meksi me firmat tuaja, zonjën Nela Golemi me firmat e LSI-së dhe të PD-së dhe zotin Dhori Kule me firmat e Partisë Demokratike. Të tre me propozues të ndryshëm. 3 herë 28 sepse kështu thotë ligji, kështu thotë Kushtetuta. Kam nxjerrë të gjitha propozimet për të gjitha bordet dhe institucionet e pavarura kushtetuese, asnjëherë dhe në asnjë rast nuk kanë ardhur tre propozime me 28 firma të përbashkëta”./abcnews.al

BODE-RAPORTON-NE-KOMISION.mpg_snapshot_01.04-1280x720.jpg
ad min16:18 | 18/12/2018

I depolitizuar dhe strikt ndaj bindjeve të tij në sektorin ekonomik do të jetë ish ministri demokrat i financave Ridvan Bode në detyrën e anëtarit të këshillit mbikqyrës së Bankës së Shqipërisë. I propozuar nga kabineti qeveritar ish-ministri Bode ka raportuar përpara Komsionit të ekonomisë.

Nuk ka vendimmarrje në Bankën e Shqipërisë prej 3 Nëntorit të këtij viti. Arsyeja? Gjashtë prej nëntë anëtarëve iu ka mbaruar mandati. Që një prej instutucioneve më të rëndësishme të vendit të funksionojë, procedura e kuvendit parashikon edhe këtë seancë dëgjimore në Komisionin e Ekonomisë. Ridvan Bode, Suela Popa dhe Edlira Luçi janë emërat e propozuar nga Këshilli i Ministrave për anëtarë të Këshillit Mbikqyrës të Bankës së Shqipërisë.

Artan Hoxha, Arben Malaj dhe Luljeta Minxhozi janë kandidatët e propozuar nga 28 deputetë të Kuvendit. Kandidatura më e përfolur është ajo e ish ministrit demokrat të financave Ridvan Bode. Ai premton se do të jetë i zhveshur nga çdo ngjyrim politik.

Ridvan Bode, ish-ministër i Financave: “Sigurisht e kam marrë ftesën për të qenë pjesë e këtij instuticioni i zhveshur nga të gjithë ngarkesat politike, pasi është një instuticion tërësisht i politizuar dhe do të kontribuoj që ajo politikë që do të jetë në funksion të politikës monetare do të jetë me e mira dhe më e drejta për rrethanat e vendit.”

Në heshtje e përcollën kandidaturën e ministrit të qeverisë Berisha për t’ja lënë në fund parlamentit të vendosë në seancën plenare të kësaj jave./abcnews.al

SEJKO-DHE-MAJKO_ABC-M2-T1.mpg_snapshot_00.34-1280x720.jpg
ad min16:56 | 14/12/2018

Për të lehtësuar transfertat e emigrantëve, Banka e Shqipërisë po shikon si mundësi që shërbimet bankare të shtrihen edhe në zonat rurale. Guvernatori Gent Sejko thotë se synimi është reduktimi i kostove për paratë që vijnë në formë remitancash.

Shërbimi bankar do të zgjerohet edhe në zonat rurale për të lehtësuar transkasionet financiare që kanë të bëjnë me remitancat. Guvernatori i Bankës së Shqipërisë, Gent Sejko tha se projektligji për shërbimet e pagesave pritet të ketë ndikim të drejtpërdrejtë në nxitjen e konkurrencës dhe reduktimin e kostove për paratë e dërguara nga emigratëntët.

Gent Sejko guvernator i BSH: “Projektligji vlerësohet të rrisë transparencën në shërbimet e ofruara nga tregu dhe në krijimin e një kuadri të konsoliduar për mbrojtjen e konsumatorit, një përbërës ky mjaft i rëndësishëm për tregun tonë. Së fundi, por jo më pak e rëndësishme, projektligji synon edhe zgjerimin e ofrimit të shërbimeve nga bankat në të gjithë territorin, përfshirë dhe zonat rurale. Gjithashtu, Banka e Shqipërisë dhe Komiteti Kombëtar i Sistemeve të Pagesave kanë miratuar dhe vënë në zbatim tashmë strategjinë kombëtare për tregun e pagesave me vlerë të vogël”.

I pranishëm takimin e zhvilluar në kuadër të memorandumit të mirëkuptimit për remitancat, nënshkruar vitin e kaluar, ministri i Shtetit për Disporën, Pandeli Majko tha se edhe pse krahasur me vitin 2007 ka një ulje me 27 % të remitancave që vijnë nga jashtë, sërish ato mbetet më të larta se invetsimet e huaja në vendin tonë.

Pandeli Majko ministri i Shtetit per Disporën: “Në Shqipëri shumat që hyjnë nga remitancat ëshët shumë më e lartë se ajo e invetsimeve të huaja. Ato mund të kthehen në histori suksesi për ekonominë e vendit”.

Sipas Majkos, kjo ulje e dërgesave pas 2007 ka ardhur si pasojë e krizës ekonomike që përfshiu rajonin si dhe liberalizimin e vizave./abcnews.al

SINKRON-RAMA-PER-RIDVAN-BODEN-ABCM5T2.mpg_snapshot_00.44.jpg
ad min18:41 | 25/11/2018

Kryeministri Edi Rama ka sqaruar në rrjetet sociale, se përse zgjodhi emrin e Ridvan Bodes, ish-ministrit demokrat të financave në detyrën e anëtarit të Këshillit Mbikqyrës të Bankës së Shqipërisë.

Edi Rama, Kryeministër: “Ridvan Boden unë e kam takuar vetëm një herë në jetë, në rrethana krejt të rastësishme pa asnjë lidhje me politikën. Madje kur ai vetë ishte thjesht një ish deputet. Kemi shkëmbyer fjalë si njerëz të një qyteti dhe aq. Shumë kohë më pas, kur në kabinet përgatisnim 3 anëtarët që qeveria duhet ti propozojë kuvendit për Këshillin Mbikëqyrës të Bankës së Shqipërisë, i kam çuar një mesazh thjesht interesimi për kandidaturën e tij. Mesazhit, ish-ministri i Financave për shumë vite i është përgjigjur pozitivisht. Mirëpo dje kanë dalë propozimet zyrtare dhe Rdvan Bode është shpallur tradhëtar nga partia e tij. Arsyeja e propozimit tim dhe a ka tradhëtuar ai partinë apo partia atë, janë dy gjëra krejt të ndryshme. Kjo e fundit është debat që nuk më intereson mua, publikut dhe jo e jo instuticionit të Bankës së Shqipërisë. Këtë debat bëjeni në klubin e SHQUP-it. Të jesh i porpozuar për të kontribuar në borndin e Bankës së Shqipërisë, nuk mund të jesh dot as tradhëtar, as shërbëtor i një partie, por duhet të jesh thjesht një profesionist. Në atë bord, prejsardhjet e ndryshme politike të anëtarëve të Këshillit Mbikëqyrës, garantojnë jo një ekuilibër banal politik prej tepsie siç ka qenë traditë për shumë borde të tjera të këtij vendi. Por një ekuilibër politik këndvështrimesh dhe qasjesh ndaj politikës monetare të vendit. Duke propozuar Ridvan Boden zgjedhim ti shërbejmë vendit, Bankës së Shqipërisë dhe jo tepsisë së partisë.”/abcnews.al

BANKA-E-SHQIPERISE-PER-BUXHETIN.mpg_snapshot_00.44-1280x720.jpg
ad min18:16 | 19/11/2018

Banka e Shqipërisë kërkon përmirësim të standardeve të kontabilizimit në buxhet të efekteve që do të kenë angazhimet në kontratat partneritet publik – privat. Për herë kreu i Bankës Qëndrore bëri të qartë rrezikqet që mund të kenë këto projekte për buxhetin dhe insistoi që të njihet efekti i mundshëm në borxhin publik të vendit.

Banka e Shqipërisë kërkon që qeveria të njohë efektin që do të kenë detyrimet e buxhetit ndaj projekteve partneritet publik-privat në rritjen e borxhi publik. Kjo është hera e parë që institucioni i bankës qendrore shpreh shqetësimin për rreziqet që kanë angazhimet e programeve PPP. Guvernatori Gent Sejko ndodhej në komisionin e Ekonomisë për dhënien e mendimit për buxhetin e 2019-s, ku kërkoi edhe vendosjen e një tavani buxhetor për këto kontrata në ligjin bazë të buxhetit.

Gent Sejko, guvernator i Bankës së Shqipërisë: “Ta njohim vlerën, efektin e PPP-ve në nivelin e borxhit në mënyrë realiste. Pra të dimë se sa këto pagesa për PPP do të ndikonin në nivelin e borxhit.”

Kreu i bankës qëndrore nuk përkrahu as idenë e përjashtimeve nga taksat për disa sektorë të caktuar.

“Një tipas tjetër i dëshirueshëm i politikës së taksave është edhe thjeshtimi i sistemit në drejtim të reduktimit të përjashtimeve tatimore.”

Por një tjetër shqetësim i Bankës së Shqipërisë është edhe defiçiti që kanë krijuar skemat e sigurimeve shoqërore dhe shëndetësore.

“Deficiti i skemave të sigurimeve shoqërore e shëndetësore është rreth 5.6% e PPB-së ose 2.6 herë më e lartë së deficiti i përgjithshëm buxhetor”.

Pavarësisht rreziqeve që sheh në buxhetin e vitit të ardhshëm, Banka Qendrore vlerësoi nismën e qeverisë për uljen e borxhit publik dhe po ashtu parimin për mosndryshimin e regjimeve tatimore. Ulja e tatimit të dividentit sipas Bankës, do të shtojë investimet vendase dhe të kompanive të huaja që operojnë në Shqipëri./abcnews.al

LRKU-DHE-RENIA-E-EUROS.mpg_snapshot_00.39-1280x720.jpg
ad min19:37 | 29/10/2018

Leku po vijon forcimin e tij përballë valutës së huaj, ndërsa euro po zhvlerësohet përballë monedhës sonë vendase. Eksperti i ekonomisë Zef Preçi tregon disa nga arsyet e kësaj situate në tregun e këmbimit valutor dhe si duhet vepruar për stabilitetin e saj.

Java ka nisur pozitive në tregun valutor për monedhën vendase, e cila është forcuar ndaj valutave kryesore ndërkombëtare, por e kundërta ka ndodhur me monedhën europiane euro e cila ka nisur sërish të zhvlerësohet kundrejt lekut. Monedha europiane euro është këmbyer këtë të hënë me 124.2 lekë në blerje dhe 125 lekë në shitje. Ekspertët e ekonomisë shpjegojnë disa nga arsyet e forcimit të lekut dhe zhvlerësimit te mëtejshëm të monedhës europiane, duke theksuar se në qarkullim ka mjaft para që vijnë nga informaliteti e një sërë faktorësh të tjerë.

Zef Preçi, ekspert ekonomie: “Sasia e euros në qarkullim është rritur më shumë se sa kërkesa për të ç’ka reflekton edhe problematikën serioze të viteve të fundit, sa i takon aktiviteteve informale dhe kriminale. Të bëhet dallim nga aktivitetet informale që vijnë nga emigracioni apo nga taksat që nuk paguhen, apo aktivitetin e njohur të përpunimit, të kultivimit të kanabisite e drogave të rënda në tregun shqiptar. Të gjtiha këto kanq çuar në përqëndrime të mëdha parash në pak duar. Në bankat shqiptare kanë hyrë më shumë se 130 milionë euro si rezultat i transaksioneve cash të kompanive kryesisht atyre të ndërtimit. Por që nuk ptovohet origjina e këtyre parave.”

Por a duhet të ndërmerren masa nga instancat përkatëse për të frenuar këtë trend që dobëson monedhën euro dhe forcon atë vendase:

“Banka e Shqipërisë duhet të monitorojë më me kujdes dhe më nga afër këtë fenomen, në mënyrë që të ketë një paln real që çon në paksimin e qarkullimit të parave jashtë bankave. Së dyti duhet të bashkëpunojë me instuticionet e tjera ligjzbatuese sa i takon nënshkrimit të aktiviteteve kriminale të cilat deformojnë ekonominë edhe dëmtojnë politikënsepse një pjesë e këtyre parave mund të përdoren fare mirë në fushatat elektroale që do të çonte në deformim të vullnetit të qytetarëve.”

Gjatë verës, monedha europiane arriti nivelin më të ulët të këmbimit me lekun që prej 10 vitesh ç’ka detyroi Bankën e Shqipërisë të ndërhynte në tregun valuator duke blerë 13.9 milionë euro për të frenuar rënien e mëtejshme të monedhës europiane./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono