TIRANË- Një ditë më parë u ekstraduan nga Dubai në Tiranë tre shokët e Talo Çelës, i cili është një prej personazheve të shumëkërkuar nga drejtësia shqiptare.
Bëhet fjalë për Ervis Daka dhe Maksim Koçi, të cilët i shërbenin klanit Çopja në Elbasan, kurse i treti është Ado Xhika, i cili i shërbente grupit tjetër në këtë qytet, atij të Suel Çelës.
Gazetarja dhe autorja e emisionit “Gjërat Tona” në ABC News, Etleva Delia, u shpreh në “Tirana Live” se pika e përbashkët e këtyre tre personazheve është se të gjithë i shërbenin Talo Çelës, pavarësisht se ishin pjesëtarë të grupeve rivale në qytetin e Elbasanit.
“Kanë qenë në hetime dhe janë pjesë e dy dosjeve të vitit të kaluar. Janë personazhe të grupeve të ndryshme në Elbasan, por e përbashkëta e tyre është se lidhen në një pikë, që i shërbenin Talo Çelës, i cili është në kërkim”, tha ajo./abcnews.al
