Loading ...
Një konflikt për motive të dobëta ka përfunduar me një viktimë dhe dy persona të plagosur mëngjesin e sotëm në Shkodër.
Ngjarja ndodhi rreth orës 05:30, në lagjen “Kongresi i Përmetit”, ku dyshohet se një 25-vjeçar ka qëlluar me armë zjarri ndaj babë e bir, 63 vjeç, dhe 24 vjeç.
Në përleshje, babë e bir dyshohet se kanë plagosur me thikë 25-vjeçarin. Të tre personat mbetën të plagosur, ndërsa 24-vjeçari nuk ka mundur t’u mbijetojë plagëve të marra dhe ka ndërruar jetë në spital.
Menjëherë pas ngjarjes, shërbimet e Policisë kanë shkuar në vendngjarje, ku kanë bërë të mundur kapjen dhe shoqërimin e 25-vjeçarit Gjithashtu, në cilësinë e provës materiale është gjetur dhe sekuestruar një pistoletë, e cila dyshohet se është përdorur gjatë konfliktit.
Grupi hetimor vijon punën për zbardhjen e plotë të rrethanave të ngjarjes, përcaktimin e përgjegjësive të personave të përfshirë dhe dokumentimin ligjor të saj./abcnews.al
