Droni godet ndërtesn më të lartë në Dubai, raportohet vrimë e madhe në fasadë

Një ndërtesë e lartë në Dubai është fotografuar të enjten në mëngjes me një vrimë të madhe në fasadë, pasi autoritetet lokale njoftuan se një dron “ra mbi një ndërtesë”.

Ende nuk është e qartë nga ka ardhur droni i raportuar.

Të mërkurën në mbrëmje, Zyra e Medias e Qeverisë së Dubait bëri të ditur se po reagonte ndaj incidentit pranë zonës Dubai Creek Harbour. Pamje video të verifikuara nga BBC tregojnë flakë brenda ndërtesës në pikën ku dyshohet se ajo është goditur.

Në një përditësim në orët e para të së enjtes, Zyra e Medias e Qeverisë së Dubait njoftoi se zjarri ishte vënë nën kontroll dhe se nuk janë raportuar të lënduar.