“Çfarë keni shitur tjetër veç grurit të vjedhur nga ne?” Lavrov debat me gazetarin ukrainas

schedule15:42 - 8 Qershor, 2022

schedule 15:42 - 8 Qershor, 2022

Ministri i Jashtëm rus, Sergei Lavrov, u përfshi në një debat me një gazetar ukrainas, gjatë konferencës së përbashkët për mediat me homologun turk, Mevlut Cavusoglu, sipas CNN.

“Përveç grurit, çfarë tjetër ka arritur të shesë Rusia nga ato që i ka vjedhur Ukrainës?”, e pyeti gazetari i Televizionit Publik të Ukrainës, Muslim Umerov.

Ju ukrainasit jeni gjithmonë shumë të shqetësuar me atë që mund të vidhni dhe besoni se të gjithë mendojnë si ju! Do të të përgjigjem! Po zbatojmë synimet që kemi shpallur publikisht: zhdukjen nga Ukraina lindore të shtypjes dhe regjimit neonazist. Këtë po bëjmë. Sa për grurin, e kemi shpjeguar se gruri mund të transportohet i sigurt. Rusia nuk po vendos pengesa”, tha Lavrov.

Ai vuri gjithashtu në dyshim faktin se Presidenti i Ukrainës është në drejtim të vendit të tij.

“Kjo kërkon që  Zelensky të japë urdhrin, që të lejojë anijet e huaja dhe ukrainase që të futen në Detin e Zi”, përfundoi Lavrov.

/abcnews.al