Loading ...
Pas luhatjes në tregjet ndërkombëtare shtrenjtohet nafta edhe në Shqipëri. Bordi i Transparencës ka rishikuar vendimin e mëparshëm duke vendosur që nafta do të shitet me 218 lekë për litër në të gjitha pikat e tregtimit me pakicë.
Aktualisht nafta tregtohej për të gjithë qytetarët me 203 lekë duke pësuar një rritje me 15 lekë. Po ashtu bordi ka vendosur që të rrisë çmimet edhe për benzinën e cila do të shitet në pikat e tregtimit me pakicë 181 lekë ose 6 lekë më tepër
Çmimet e caktuara nga Bordi do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Autoritet Tërheqim vëmendjen se çdo operator i shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Çmimet e naftës u rritën në tregjet ndërkombëtare ndërsa investitorët u bënë skeptikë ndaj përpjekjeve për t’i dhënë fund luftës.
Nafta e papërpunuar Brent, u rrit me 4.22%, duke tejkaluar 112 dollarë për fuçi.
Një fjalë – ose një postim në rrjetet sociale – nga presidenti amerikan në lidhje me planet e tij u përdor për të shkaktuar lëvizje të mëdha të çmimeve, ndërsa investitorët tashmë e kanë humbur besimin se konflikti mund të marr fund.
ditët e fundit, tregtarët duket se po bëhen gjithnjë e më skeptikë në lidhje me vlerën e komenteve të tij.
Nafta tregtohej me rreth 72 dollarë për fuçi para 28 shkurtit, kur filluan sulmet ndaj Iranit.
Javën e kaluar ajo arriti kulmin në 118 dollarë për fuçi më 19 mars dhe që nga pasditja e së premtes ishte pak nën 112 dollarë – dukshëm më lart se çmimi i saj para luftës.
Konflikti pothuajse ka ndaluar dërgesat përmes Ngushticës së Hormuzit, e cila zakonisht transporton rreth një të pestën e furnizimit botëror me naftë bruto dhe gaz natyror të lëngshëm. Agjencia Ndërkombëtare e Energjisë e ka quajtur atë ndërprerjen më të madhe të furnizimit me naftë ndonjëherë.
