BE uron formimin e Qeverisë së re: Presim rifillim të shpejtë të bisedimeve Kosovë-Serbi

schedule15:47 - 3 Qershor, 2020

schedule 15:47 - 3 Qershor, 2020

Bashkimi Evropian ka uruar formimin Qeverisë së re të Kosovë me kryeministër Avdullah Hotin. Ndër të tjera BE në reagimin e saj se tashmë pret rifillim e shpejtë të bisedimeve Prishtinë – Beograd.

Bashkimi Evropian e uron qeverinë e re të Kosovës të udhëhequr nga kryeministri Avdullah Hoti dhe presim me padurim për të bashkëpunuar për përparimin e marrëdhënieve BE – Kosovë. Pandemia e koronavirusit do të mbetet një sfidë e përbashkët dhe BE do të vazhdojë të qëndrojë përkrah Kosovës dhe qytetarëve të saj. Ne po ashtu duam të shohim Kosovën të përparojë në rrugën e saj evropiane. Kjo do të kërkojë një angazhim të përkushtuar për reforma për të forcuar të drejtën ligjore, në veçanti luftën kundër korrupsionit dhe krimit të organizuar, dhe të promovojë zhvillimin socio-ekonomik”, thuhet në njoftim.

Po ashtu në reagim thuhet se një rinisje e shpejtë e dialogut të ndërmjetësuar nga BE dhe me mbështetjen e emisarit sllovak Miroslav Lajcak është esenciale për arritjen e normalizimit të raporteve me Serbinë.

Në një deklaratë të përbashkët të Përfaqësuesit të Lartë të BE-së, Josep Borrell dhe komisionerit për Zgjerim, Oliver Varhelyi janë shprehur se tashmë ajo që presin nga qeveria e re e Kosovës është rifillimi i shpejtë i dialogut me Serbinë.

“Një rikthim i shpejt i dialogut Beograd-Prishtinë të lehtësuar nga BE, me ndihmën e përfaqësuesit special të BE-së, Miroslav Lajçak, është thelbësor për të arritur një normalizim gjithëpërfshirës të marrëdhënieve me Serbinë. Dialogu i lehtësuar nga BE-ja është mënyra e vetme për të kthyer të ardhmen evropiane të Kosovës në realitet për qytetarët e saj”./abcnews.al