Basha vë maskën dhe del vetë të bëjë pazarin: Ditë e bukur, por…

schedule15:06 - 8 Prill, 2020

schedule 15:06 - 8 Prill, 2020

Kryedemokrati Lulzim Basha i është drejtuar me një thirrje sot shqiptarëve duke kërkuar zbatimin e masave për distancimin social për të shmangur rrezikun nga koronavirusi.

Përmes një postimi në Facebook, Basha shprehet se ka vërejtur se qytetarët i respektimin e rregullave, megjithatë kjo ditë e bukur nuk duhet të na bëjë të harrojmë se ndodhemi në kushte karantine.

Postimi i plotë i Bashës

Të dashur bashkëqytetarë, si shumë prej jush sot dola për disa blerje dhe pashë me kënaqësi respektimin e rregullave te distancimit social.

Ndonëse është një ditë e bukur pranvere, nuk duhet të harrojmë që jemi në kushtet e emergjencës dhe karantinës.

Ndaj dua tju përsëris sërish thirrjen time të respektoni të gjitha udhëzimet mbi distancimin social, sidomos kur jeni jashtë për nevojat e ditës! Ruani me fanatizëm distancën 1,5 metër!

E di që për shumë prej jush po bëhet e vështirë, por ju lutem mendoni se në këtë mënyrë po ruani veten, familjen dhe të afërmit tuaj.

Çdo ditë sakrificë për të ruajtur jetën dhe shëndetin është një betejë e fituar. Bashkë do tia dalim. #ditemetemira