Loading ...
Një aksident është regjistruar në orët e para të mëngjesit të kësaj të mërkure në zonën e quajtur “Jalli i Nartës”, në Vlorë.
Dy automjete, një tip “Fiat” dhe një “Volkswagen”, janë përplasur me njëri-tjetrin. Në automjetin tip “Volkswagen” ndodheshin disa shtetas të huaj, kryesisht indianë, të cilët po udhëtonin drejt vendit të tyre të punës.
Si pasojë e përplasjes së fortë, kanë mbetur të plagosur pesë persona. Të plagosurit janë transportuar me urgjencë drejt Spitalit Rajonal të Vlorës, ku kanë marrë ndihmën e parë mjekësore.
Sipas të dhënave paraprake, gjendja e tyre shëndetësore po monitorohet nga mjekët, ndërsa janë jashtë rrezikut.
Menjëherë pas aksidentit, në vendngjarje kanë mbërritur shërbimet e Policisë së Vlorës, të cilat kanë nisur hetimet për zbardhjen e rrethanave dhe shkaqeve të përplasjes./abcnews.al
