Ahmetaj: Buxhet me fytyrë sociale, kush fiton më shumë paguan më shumë

schedule08:59 - 4 Dhjetor, 2018

schedule 08:59 - 4 Dhjetor, 2018

Ministri i Financave Arben Ahmetaj hedh poshtë akuzat e opozitës për buxhetin dhe paketën fiskale 2019. Sipas tij, shumë tregues i japin këtij buxheti një fytyrë sociale.

Akuzave të Lulzim Bashës se qeveria ka hartuar një buxhet që grabit shqiptarët dhe pasuron oligarkët, ministri i Financave iu përgjigj me shifra teksa bëri një krahasim mes skemës që aplikon qeveria për tatimin e pagave dhe asaj që propozon opozita.

“Është materializuar paguan me shumë kush fiton më shumë. Me taksën 9% duan t’u ngarkojnë shqiptarëve 75 milionë dollarë që do t’ua hiqnin oligarkeve, filozofia jonë kush fiton më shumëe paguan më shumë”.

Pas renditi sektorët ku vitin e ardhshëm do të ketë rritje të pagave, Ahmetaj njoftoi  rritjen e pragut për pagën minimale nga 24 mijë në 26 mijë lekë dhe masa te tjera  që sipas tij i japin këtij buxheti një fytyrë sociale.

“5 mijë lekë për pensionistet, rimbursim për barnat”.

Si ndërhyrje kurajoze në paketën fiskale me efekt të drejtëpërdrejt në ekonominë e venmdit ministri i Financave përmendi zerimin e TVSH-së për inputet bujqësore.

“Bujqësia sot nuk paguan me asnjë taksë, TVSH zero për nënkotraktorët e fasoneve”.

I pyetur për taksën e qarkullimit Ahmetaj e bëri të qartë se ajo nuk do të preket. Kreu i Financave u ktheu përgjigje edhe akuzave për investimet sipas formulës së Partneritetit Publik Privat.

“Çfarë do bëjmë me PPP? Do bëjmë Rrugën e Arbrit. Ne bëjmë PPP në favor të konektivitetit”.

Ahmetaj tha se investimet publike në buxhetin e 2019 janë mbi 5% të Prodhimit të Brendshëm Bruto duke përmendur si vepra të rëndësishme rrugën Kardhiq-Delvinë, linjën hekurudhore Tiranë –Durrës apo zgjerimin e Unazës së Madhe. /abcnews.al