Durrës – Eraldo Vora, 26 vjeç, banues në Sallmone, Shijak është arrestuar nga policia e Durrësit.
Ky person akuzohet për armëmbajtje pa leje dhe i shpërndarje të drogave të forta. Gjatë kontrollit të ushtruar në automjetin tip “Audi”, me të cilën ky person po qarkullonte, iu gjet dhe sekuestrua një armë zjarri pistoletë, 1 krehër dhe 10 fishekë.
Në banesën e Eraldo Vora, shërbimet e Policisë kanë gjetur dhe sekuestruar në cilësinë e provës materiale rreth 14 gr. kokainë, 1 peshore elektronike, një shkop metalik dhe sende të tjera të kundërligjshëm.
Gjithashtu, në banesën e këtij personi u konstatua lidhje e paligjshme e energjisë elektrike. /abcnews.al/
