Nga Ervin Leka
Është publikuar video e shpërthimit të makinës mëngjesin e sotëm në Maliq në momentin kur doli nga pika e karburantit, pasi sapo ishte furnizuar me gaz.
Në videon e siguruar nga gazetari i Abcnews.al, Ervin Leka, duket makina e cila nisë të lëvizë ngadalë për të dalë në rrugë kryesore, por sapo largohet pak metra nga pika e karburantit, shpërthen në flakë. Shoferi arrin të dalë menjëherë duke ia hedhur me disa plagë të lehta, ndërkohë makina vijon të lëvizë duke përfunduar në kanal.
Është ende i paqartë shkaku i shpërthimit të saj. Në momentin e ngjarjes në pikën e karburantit ndodhej edhe një tjetër automjet që po furnizohej me gaz. Për shkak të flakëve të që shkaktohen në zonë, drejtuesi i tij tenton të largohet me shpejtësi.
Forcat zjarrfikëse kanë mbërritur në vendin e ngjarjes duke bërë të mundur shuarjen e flakëve, ndërkohë që tashmë grupi hetimor po punon për të sqaruar rrethanat e plota të saj. m.v/abcnews.al
