Abcnews.al ka siguruar pamje nga Porti i Durrësit ku po kontrollohet kontejneri me banane, brenda të cilit u gjet të paktën 14 pako me kokainë.
Në pamje shihen punonjës të policisë që nxjerrin me banane nga kontejneri i bllokuar. Po ashtu Abcnews.al ka siguruar edhe foto të pakove të mbushura me kokainë që kanë qenë të integruara në trupin e kontejnerit për të mos u zbuluar nga kontrollet.
Sipas informacioneve, ngarkesa ishte nisur më 8 korrik nga porti i Pireut dhe ka mbërritur në Porin e Durrësit në 11 korrik.
Kujtojmë se Task Forca permanente e përbërë nga Policia Kufitare e Portit të Durrësit, Policia Kriminale e Drejtorisë Vendore të Policisë Durrës dhe nga autoritetet doganore të Portit, në bazë të dyshimeve dhe informacioneve të siguruara, kanë ushtruar sot kontroll të detajuar në një kontejner të ngarkuar me banane për llogari të një firme në Shqipëri.
Deri më tani janë gjetur 14 pako me lëndë narkotike ndërsa policia njoftoi se kontrolli vijon. Për rastin janë shoqëruar për t’u marrë në pyetje dy persona. Mësohet se ata janë porositësi dhe drejtuesi i kamionit që do të merrte kontejnerin.
Ngarkesa me banane vinte nga Ekuadori. s.b/abcnews.al/
