Varianti “Delta” përbën 40% të rasteve me Covid në Francë

I konsideruar si më ngjitës, varianti “Delta” i koronavirusit përbën rreth 40% të rasteve në Francë, tha sot zëdhënësi i qeverisë franceze Gabriel Atal, i cili paralajmëroi gjithashtu se një valë e katërt e epidemisë mund të godiste së shpejti Francën.

Zëdhënësi i qeverisë vuri në dukje se nivelet e infeksionit ishin rritur në 11 zona metropolitane të Francës, kryesisht në Paris.

Atal njoftoi gjithashtu se të hënën e ardhshme do të mblidhet kabineti për të diskutuar situatën me COVID-19 dhe se qeveria franceze është duke marrë parasysh të gjitha skenarët e mundshëm se si të përballen me një rigjallërim të infeksioneve.

I pyetur nëse Franca mund të ketë nevojë të rivendosë kufizime në ndalimin e COVID-19, Atal tha se vaksinimi ishte mënyra më e mirë që vendi mund ta shmangte atë. g.v/abcnews.al